Morgunblaðið - 04.04.2019, Page 12

Morgunblaðið/Sigurður Bogi
Grafarvogskirkja Vinsælt hús til
tónleikahalds í höfuðborginni.
Haldið verður upp á tuttugu ára
starfsafmælis Tónskóla Hörpunnar
með afmælistónleikum í Grafarvogs-
kirkju í Reykjavík á morgun, föstu-
dagskvöldið 5. apríl, og hefjast þeir
klukkan 19:30. Þar koma nemendur
og kennarar skólans fram og flytja
tónlist af ýmsum toga. Á eftir verða
kaffiveitingar. Aðgangseyrir er eng-
inn og allir velkomnir.
„Ég býst við að um 30 nemendur
úr skólanum spili fyrir okkur og svo
eru í kennaraliði okkar góðir hljóð-
færaleikarar svo þetta verða alveg
fyrsta flokks tónleikar og frábær
skemmtun fyrir alla,“ segir Kjartan
Eggertsson skólastjóri.
Höfuðstöðvar Tónskóla Hörpunnar
eru í Spönginni í Grafarvogi en auk
þess hljóðfærakennsla í alls ellefu
grunnskólum í Reykjavík. Í vetur eru
alls 130 nemendur við Tónskóla Hörp-
unnar sem endranær velja flestir að
læra annaðhvort á píanó eða gítar.
Önnur hljóðfæri koma þó sterk inn,
svo sem fiðla, þverflauta og saxó-
fónn. „Tónlistarnám er vinsælt og að-
sóknin að aukast að nýju,“ segir
Kjartan skólastjóri.
Tónskóli Hörpunnar í tuttugu ár
Tónleikar í Grafarvogskirkju
Morgunblaðið/Eggert
Spilatími Kjartan Eggertsson, skólastjóri Hörpunnar, í kennslustund í gær
með þeim Heklu Hrund Andradóttur, Laisha Mr. og Önnu Gloríu Káradóttur.
12 DAGLEGT LÍF
MORGUNBLAÐIÐ FIMMTUDAGUR 4. APRÍL 2019
Sigurður Bogi Sævarsson
sbs@mbl.is
Mótið var mikilvæg æfingfyrir björgunarsveit-arfólk, en útköll aðvetrarlagi eru mörg og
aðstæður oft erfiðar. Þjálfunin gerir
okkur betur en ella kleift að takast á
við slíkt verkefni,“ segir Smári Sig-
urðsson, formaður Slysavarna-
félagsins Landsbjargar. Um síðast-
liðina helgi var austur á landi haldið
svonefnt tækjamót björgunarsveit-
anna og þangað mættu um 350
manns af öllu landinu á vélsleðum,
snjóbílum og
jeppum.
Björgunar-
sveitarmenn voru
á tækjamóti á
tveimur stöðum;
margir voru á
Eiðum á Héraði
hvaðan var svo
gert út á æfingu í
Smjörfjöllum,
sem er í fjalla-
klasanum milli
Jökulsárhlíðar og Vopnafjarðar. Þar
gafst fólki tækifæri til að reyna sig
við ýmsar aðstæður í vetrarríki svo
sem í björgun, auk þess sem fjar-
skiptamál voru yfirfarin og þjálfuð.
Er þetta mikilvægt því vetrarútköll
björgunarsveitanna eru mörg – sem
helst í hendur við fjölgun ferða-
manna sem til landsins koma og fara
þá gjarnan upp til fjalla, heiða og
dala.
Ekki í óvissu
Allmargir voru svo í Snæfells-
skála, þá einkum jeppamenn og
-konur sem komu á staðinn þvert yf-
ir landið um fannbreiðuna, ýmist úr
framdölum á Norðurlandi og þá af
suðurhálendinu og þaðan þvert yfir
Vatnajökul. Á svæðið mætti fólk úr
flestum björgunarsveitum landsins,
en þær eru alls 90.
„Það er fínt að gera út í leið-
angra frá Snæfelli. Ég vissi að marg-
ir fóru til dæmis í svonefnda Trölla-
króka, sem eru nyrst á Lóns-
öræfunum og eru mjög stórbrotið
svæði. Og allar þessar ferðir gengu
mjög vel, enda var á æfingunni vel
þjálfað fólk sem veit hvað þarf og
hefur hlutina í lagi. Anar ekki út í
óvissu eða aðstæður sem eru óvið-
ráðanlegar en slíkt skiptir miklu í
öllu starfi björgunarsveita. Menn til
dæmis skráðu sig inn á svæði og svo
var fylgst með ferðunum úr stjórn-
stöð þannig að víst væri að allir skil-
uðu sér á áfangastað,“ segir Smári,
sem sjálfur kom til mótsins á sínum
eigin vélsleða úr Eyjafirðinum. Tók
þaðan stefnuna um breiðurnar aust-
ur á bóginn um slóðir sem hann
þekkir vel sem sleða- og björgunar-
sveitarmaður í áratugi.
Sjö sólir á lofti í senn
Á æfingum sem þessum er fé-
lagsskapurinn þýðingarmikið atriði.
„Að fólk þekkist og gagnkvæmt
traust ríki skiptir miklu, til dæmis í
björgunaraðgerðum þar sem ekkert
má klikka. Svo var líka alveg frá-
bært að vera fyrir austan og mót-
tökur heimamanna þar voru frábær-
ar. Grillaðir voru heilu skrokkarnir
ofan í fólk sem hafði góða lyst eftir
allt fjallaslarkið. Við fórum reynsl-
unni ríkari heim eftir þessa æfingu.
Vorum líka heppin með veður og sjö
sólir voru á lofti í senn,“ segir Smári
Sigurðsson.
Ljósmynd/Guðbrandur Örn Arnarson
Jeppakarlar Á stórum jeppum með breiðum dekkjum sem búið er að hleypa lofti úr er verða fáar fyrirstöður á
fannbreiðunum. Ýmsir úr björgunarsveitunum óku þvert yfir Vatnajökul og komu þá leiðina á Tækjamót.
Björgunarsveitir
yfir fannhvíta jörð
Fjallaferð! Björgunarsveitarfólk víða af landinu hittist á tækjamóti á Austur-
landi. Jeppar, vélsleðar og snjóbílar. Smjörfjöll og Tröllakrókur. Félagsskapur.
Ljósmynd/Smári Sigurðsson
Kraftur Fjórhjól voru á Tækjamótinu en góð reynsla er
af notkun þeirra við ýmis leitar- og björgunarstörf.
Smári
Sigurðsson
Ford Margar björgunarsveitir eru með Econoline í flota
sínum, svo sem Stefán í Mývatnssveit. Reynslan er góð.
Vetrarútköll björg-
unarsveitanna eru mörg
– sem helst í hendur við
fjölgun ferðamanna
sem til landsins koma
og fara þá gjarnan upp
til fjalla, heiða og dala.
Veisla Slark í vetrarferðum á fjöllum er lýjandi og því tók mannskapurinn
hraustlega til matar síns þegar komið var að kvöldi í hús eftir æfingu.
Vertu með í
páskaleik Góu
á goa is!.