Skessuhorn - 25.11.2015, Side 6

MIÐVIKUDAGUR 25. NÓVEMBER 20156
Bændafundur
í kvöld
VESTURLAND: Búnað-
arsamtök Vesturlands boð-
uðu um síðustu helgi til al-
menns bændafundar á Hót-
el Borgarnesi. Fer fundur-
inn fram í kvöld, miðviku-
dag klukkan 20:30. Þar á
að ræða nýja búvörusamn-
inga sem enn eru í vinnslu.
Forystumenn bænda verða
með framsögu og umræður
verða í kjölfarið.
–mm
Jólamarkaður
í Nesi
BORGARFJ: Árlegur jóla-
markaður verður haldinn
í gömlu hlöðunni í Nesi í
Reykholtsdal laugardag-
inn 5. desember frá klukk-
an 13 – 17. Yfir 20 sölubás-
ar verða á staðnum þar sem
boðið verður fram hand-
verk og matvara úr héraði.
„Bændur frá Laufskálum,
Erpsstöðum, Glitstöðum,
Háafelli, Kjalvararstöð-
um, Rauðsgili, Bjarteyj-
arsandi og Sólbyrgi verða
meðal þátttakenda. Hespa,
Íslandus, Jónína Óskars,
Kolbeinn Konráðs, Muu-
rikka, Ósk Maren, Steðji,
Sælkerasinnep, Kristín
Jóns og Sigga Dóra selja af-
bragðs vöru. Skógarbænd-
ur á Vesturlandi verða með
heitt á könnunni, Kvenfé-
lag Reykdæla selur laufa-
brauð,“ segir í tilkynningu
frá Framfarafélagi Borg-
firðinga sem stendur fyr-
ir viðburðinum. Kaffi-
sala verður á vegum Ung-
mennafélags Reykdæla og
Freyjukórinn syngur. Nú
þegar er talað um að mark-
aður ársins verði glæsilegri
en nokkru sinni fyrr.
-mþh
Bókaði um
Brjánslækjar-
höfn
REYKH: Eins og kunn-
ugt er þá siglir flóabát-
urinn Baldur yfir Breiða-
fjörð á milli Stykkishólms
og Brjánslækjar. Á fundi í
hafnarstjórn Vesturbyggð-
ar 17. nóvember lét Val-
geir Davíðsson bóka þá
skoðun sína að Brjánslækj-
arhöfn sé nú orðin flösku-
háls inn og út úr Vestur-
byggð. Í bókuninni segir
svo: „Það lítur út fyrir að
ferðamönnum fjölgi gríð-
arlega og verði komnir í 2
milljónir árið 2018 og eru
Vesturland og Vestfirð-
ir heitustu staðir landsins
skv. könnunum hjá ferða-
mönnum. Þessi fjölgun og
gríðarleg aukning í fram-
leiðslu í fiskeldi hjá Dýr-
fiski og Fjarðalax úr 6.000
tonnum í 19.000 tonn
kallar á gífurlega aukn-
ingu í fiskflutningum, upp
á rúm 300% fyrir utan
það sem Arnarlax kemur
til með að flytja þannig að
aukning á flutningi í fisk-
eldi getur numið allt að
7-800% aðra leiðina svo
þarf fiskurinn eitthvað að
éta þar verður líka mikil
aukning í flutningi á fóðri
og á ýmsum vörum tengd
fiskeldi þannig að aukn-
ing á vörum fram og til-
baka tengt fiskeldi getur
jafnvel aukist um eitt til
tvö þúsund prósent. Ég
tel að allir sem hér sitja
viti að aðstaða til smá-
bátaútgerðar á Brjánslæk
er til skammar. Að mínu
viti getum við ekki beð-
ið lengur. Við verðum að
geta tekið við ferðamönn-
um, að þeir hætti ekki við
að koma hingað út af veg-
um og einnig vegna öng-
þveitis sem skapast við alla
þessa aukningu á fólki og
miklum vöruflutningum
sem þurfa að komast hratt
og örugglega leiðar sinn-
ar til að skapa verðmæti.“
Valgeir vill að endurbætur
á Brjánslækjarhöfn verði
settar á fjárhagsáætlun
Vesturbyggðar 2016.
-mþh
Ragnar og
Ásgeir hætta í
Hólminu
STYKKISH: Stykkis-
hólmspósturinn greinir
frá því að skrifað hafi verið
undir sölu á rekstri flutn-
ingafyrirtækisins Ragn-
ars og Ásgeirs í Stykkis-
hólmi. Það er fyrirtæk-
ið B. Sturluson í Stykk-
ishólmi sem er kaupandi.
Breytingarnar taka gildi
um næstu mánaðamót. Af-
greiðslustaðir í Reykjavík
verða þeir sömu og hing-
að til og mun starfsemi í
Stykkishólmi verða á svip-
uðum nótum og fram til
þessa.
-mþh
Gamla íbúðarhúsið á Syðra Lágafelli
í Eyja- og Miklaholtshreppi brann
síðastliðinn mánudag. Slökkvilið
Snæfellsbæjar og lögreglan á Vestur-
landi fengu boð fyrir hádegi um að
eldur væri laus í húsinu. Eins og sést
á meðfylgjandi myndum var ekki
hægt að bjarga húsinu sem er ónýtt
eftir brunann. Húsið hefur undan-
farin mörg ár verið nýtt sem sumar-
hús og var það mannlaust þegar eld-
urinn kom upp.
„Þetta var hugsanlega elsta stein-
húsið í sveitinni, byggt 1928 – 1930
eða þar um bil og mikill sjónarsvipt-
ir að því. Það var búið að taka það í
gegn að innan og gera mjög nota-
legt. Húsið hefur verið eins konar
ættaróðal, í eigu og nýtt af nokkr-
um fjölskyldum sem eru afkom-
endur þeirra sem bjuggu eina tíð
á jörðinni. Eflaust hafði bæði hús-
ið og innanstokksmunir mikið til-
finningalegt gildi. Það er alltaf eft-
irsjá þegar svona hús eyðileggjast,“
segir Eggert Kjartansson oddviti í
Eyja- og Miklaholtshreppi en hann
var einn þeirra sem fyrstir komu að
eldsvoðanum og áður en slökkvi-
lið kom á vettvang. „Það voru tré-
gólf í milli hæða í húsinu og þetta
brann allt. Það stendur ekkert eft-
ir nema veggirnir. Eldsupptök eru
ókunn, það var enginn í húsinu um
helgina svo kannski var þetta út frá
rafmagni en við vitum ekkert um
það,“ segir Eggert. Hann vill koma
á framfæri þökkum til slökkviliðs-
manna. „Eyja- og Miklaholthreppur
er með samning við slökkvilið Borg-
arbyggðar. Hér sáum við hins veg-
ar hvernig slökkviliðin á Vesturlandi
geta unnið saman og gera það þeg-
ar á bjátar. Fyrstir á vettvang voru
slökkviliðsmenn frá Stykkishólmi.
Það komu líka menn frá slökkviliði
Snæfellsbæjar. Slökkvilið Borgar-
byggðar kom með tankbíl frá Borg-
arnesi sem reyndist afar vel við að
slökkva eldinn.“
mþh/mm/ Ljósm. iss
Gamal íbúðarhús ónýtt eftir bruna
Vestlendingarnir Sigrún Ámunda-
dóttir, Bryndís Guðmundsdótt-
ir og systurnar Berglind og Gunn-
hildur Gunnarsdætur héldu nýver-
ið til Ungverjalands með landsliði
Íslands og mættu Ungverjalandi í
undankeppni EM 2017. Ungverska
landsliðið reyndist of stór biti fyr-
ir þær íslensku sem þurftu að sætta
sig við tap, 72-50. Á meðan dvöl-
inni stóð fékk landsliðið góðan gest
því Kristen McCarthy, sem varð Ís-
landsmeistari með Snæfelli í fyrra,
kíkti í heimsókn á hótelið þar sem
landsliðið dvaldi. Kristen leikur nú
sem atvinnumaður í Rúmeníu.
Systurnar Gunnhildur og Berg-
lind leika báðar með Snæfelli og
þekkja vel til Kristen. Þær virðast
hafa verið undirbúnar heimsókn-
inni því þær færðu
Kristen slátur og
ýmislegt annað ís-
lenskt góðgæti að
gjöf auk forláta
lopapeysu.
Í viðtali við
Skessuhorn síðast-
liðið vor lét Krist-
en einstaklega
vel af Íslandsdvöl
sinni og augljóst
mál að hún hefur
lært að meta ým-
islegt sem íslenskt
má kalla meðan
hún bjó í Stykkis-
hólmi og lék með
Snæfelli.
kgk
Færðu gömlum liðsfélaga
slátur og lopapeysu
Gunnhildur, Kristen í lopapeysunni og Berglind.
Ljósm. karfan.is.