Tímarit Máls og menningar - 01.11.2005, Side 137

Umræður
Niðurlag
Það sem hér hefur verið rakið er endurómur af því sem heyra mátti í miðborg
Edinborgar í júlí 2005. Ljóst er að leiðtogar ríkjanna sem ráða yfir mestum
auðæfum heimsins tækla ekki þau vandamál sem fyrir liggja. Rétt eins og á
flestum fundum þar sem þeir koma saman varð uppskeran á Gleneagles rýr
miðað við digurbarkalegar yfirlýsingar Tony Blair. Heimurinn er enn langt frá
því að uppfylla eitthvað í líkingu við þúsaldarmarkmið Sameinuðu þjóðanna.
Áratugagömul loforð eru svikin að þessu sinni vegna þess að heimurinn stend-
ur í „stríði gegn hryðjuverkunT.
Fyrir fslendinga er mikilvægt að taka upp umræðu um hnattvæðingu og
hennar mörgu fleti sem ég hef aðeins lítillega snert á. Nú er til að mynda orð-
ið ljóst að íslensk stjórnvöld ætla að bjóða sig fram til öryggisráðs Sameinuðu
þjóðanna. Hvaða erindi eigum við þangað inn og fyrir hvað viljum við standa?
Þjóð sem lifir á hraðskreiðri upplýsingatækniöld, en varð ekki bjargálna fyrr
en á 20. öld, má ekki gleyma í hvaða stöðu hún er nú, meðan meirihluti mann-
kyns getur ekki svo mikið sem notast við síma. Það er allavega einlæg von mín
að sú framtíðarsýn sem ísland ætlar að standa fyrir í þessum málum muni
fremur enduróma það sem mátti heyra meðal þeirra sem marseruðu um göt-
ur Edinborgar sumarið 2005 en hinna sem lokuðu sig af bakvið gaddavír á
Gleneagles hótelinu.
1 Human Development Report 2005. Skýrsluna má nálgast á slóðinni: http://hdr.
undp.org/reports/global/2005/
2 Skýrslu um vopnaviðskipti í heiminum má nálgast á slóðinni: http://year-
book2005.sipri.org/
TMM 2005 ■ 4
135