Heimsmynd - 01.09.1989, Blaðsíða 8

Kœrleikur í stjórnmálum
imon Jóhannesson elskar þú mig? spurði
Jesús lærisvein sinn Pétur eftir upprisu
sína. Fyrr hafði hann séð afneitun hans
fyrir og sagt honum að áður en haninn gal-
aði myndi Pétur afneita sér þrisvar.
Þannig er komið með íslenskum kjós-
endum og ráðamönnum þeirra. Áður en
haninn galar í næstu kosningum hafa þeir svikið þjóð
sína þrisvar. Pjóðin veitti ákveðnum flokkum braut-
argengi í síðustu kosningum. Á þeim tveimur árum sem liðin
eru hafa þrjár ríkisstjórnir verið myndaðar.
Slíkur er orðinn trúnaðarbrestur milli þjóðar og forystu að
ráðamenn þora ekki að horfast í augu við álit almennings.
Þeir þora ekki í kosningar. Þeir vita upp á sig skömmina.
Grímulausir standa þeir frammi fyrir alþjóð sem hefur upp-
götvað að þeir elska hana ekki en hugsa bara um eigin hag.
Þeir gæta ekki lamba sinna né eru þeir sá klettur sem Pétur
varð og kirkjan byggir á. Þeir þykjast vera klettur í hafinu sem
stórsjórinn brýtur á en í reynd byggja þeir tilvist sína á sandi.
Það skolast ekki aðeins undan þeim heldur og íslensku þjóðlífi
öllu.
Það er ótrúlegt hvernig komið er fyrir þessari harðgeru
þjóð, afkomendum þeirra sem flúðu skattpíningu yfirboðara
síns fyrir rúmum þúsund árum, þjóð sem hefur þolað sult og
seyru, móðuharðindi af náttúrunnar völdum, þjóð sem hefur
leyst deilumál sín og öðlast sjálfstæði án blóðsúthellinga, þjóð
sem er sömu trúar og sama kynþáttar, talar eina tungu og á
sameiginlegan menningararf., Efnahags- og at-
vinnulíf þessarar þjóðar er í rúst. Fjöldi fólks er að
flýja af landi brott. Gjaldþrotum einstaklinga og
fyrirtækja fjölgar með stjarnfræðilegum hraða, og
almennt vonleysi er ríkjandi.
Þegar illa árar, eins og um þessar mundir, er vís-
að til þeirrar staðreyndar að við erum veiðimanna-
þjóðfélag. Ráðamenn og aðrir tala um sveiflukennt eðli þjóð-
arinnar sem aldrei öðlast stöðugleika. Þeir sem hafa dregið
björg í bú hingað til hafa þurft að standa sína plikt. Það eru
hinir sem eiga tilvist sína undir því að plata fólk sem sveiflast
til og frá eins og apar milli trjáa í bananalýðveldum.
Tími atvinnupólitíkusa af þeirri gerð sem hér um ræðir er
að renna út, manna sem þjösnast í stjórnmálum með eigin hag
og upphefð að leiðarljósi. Manna sem gala í tíma og ótíma og
munu áður en langt um líður reyna að telja fólki trú um heil-
indi sín og ást í þess garð, þótt eigin hylli og hagur sé þeim of-
ar í huga. Þessi þjóð vill forystu sem ann henni og er tilbúin að
færa fórnir fyrir hana.
Elskar þú mig? spurði Hann sem allt vissi og hann spurði
þrisvar. íslenska þjóðin veit ekki allt en flestir vita þó, að sá
kærleikur sem er nauðsynlegur til forystu, er ekki til staðar.
Guðjón Friðriksson
sagnfræðingur hefur vakið
mikla athygli með greinum
sínum um íslenskar ættir í
HEIMSMYND. Á þessu ári
hefur hann fjallað um
Thorsættina, Engeyjarættina,
ættartengsl Halldórs H.
Jónssonar, sögu Sveins
Valfells og stórveldið
Ó.Johnson og Kaaber. í
þessu blaði fjallar hann um
Sigurð Nordal, afkomendur
hans og ættir.
Guðbjörg Guðmundsdóttir
blaðamaður heillaði franska
kvikmyndaleiksstjórann Jean
Jacques Annaud í
athyglisverðu viðtali sem
hún átti við þennan
merkilega leikstjóra.
Guðbjörg er mikil
áhugamanneskja um
kvikmyndagerð og hefur
hlotið styrk úr
Kvikmyndasjóði.
Indriði G. Þorsteinsson
ritstjóri skrifar um hin
umdeildu útskipti hjá
Kvennalistanum.
Ólafur Hannibalsson
blaðamaður er alltaf með
fréttaskýringar sínar og
úttektir á síðum blaðsins.
Grein hans um samskipti
lögreglu og borgara í síðasta
blaði hefur vakið mikla
athygli.
Örnólfur Thorlacius
líffræðingur og skólastjóri
Menntaskólans í Hamrahlíð
er landskunnur. Hann hefur
skrifað um vísindi í
HEIMSMYND en í þessu
blaði fjallar hann um alnæmi
og fylgja greininni
ljósmyndir af ferli
alnæmissjúklings.
Sigurður A. Magnússon
rithöfundur skrifar reglulega
í HEIMSMYND. Að þessu
sinni fjallar hann um þýska
Ijósmyndarann Hans Siwik
en myndir Siwiks af Vigdísi
forseta birtust í 3. tölublaði
HEIMSMYNDAR 1989.