Heimsmynd - 01.09.1989, Síða 33

FÓLK Á FERTUGSALDRI
„Eg neita því alfarið að við séum verri foreldrar." Páll
Halldór Dungal og synirnir Alexander og Baldvin.
það nú. Við verðum að standa saman og
trúa því að við séum að gera rétt, án þess
að hafa nokkra fyrirmynd að fjölskyldu-
lífi okkar. Eg og Elín vorum búin að
vera saman barnlaus í átta ár í námi og
starfi erlendis þegar eldri sonurinn fædd-
ist. Erfiðleikar sambands okkar voru að
baki eða sá ferill þar sem tveir einstakl-
ingar eru að aðlaga sig hvor að öðrum.
Það var samt heilmikið átak að flytja
heim til íslands með tvö bleyjubörn.“
Hann tekur það fram, að aðstæður
þeirra séu ugglaust betri en margra ann-
arra af þeirra kynslóð. „Efnalega höfum
við það ágætt en líkt og flestir eigum við
líka í erfiðleikum með að láta enda mæt-
ast. Við erum að byggja upp fyrirtæki og
gera upp gamalt hús. En við eigum þetta
stóra hús og höfum því nóg pláss til að
hafa au pair stúlku og höfum verið hepp-
in í tvígang þar. í>á hefur Elín sem er
arkitekt tök á því að hafa teiknistofuna
heima og ræður vinnutíma sínum sjálf.
Mnnig vinnur hún stundum mikið um
helgar þegar ég get verið heima með
strákana.“
Páll segist forðast að tala um fjöl-
skyldulíf eins og eitthvert vandamál. „Ég
trúi því að gefi maður börnunum sínum
nógan mat og fullt af ást, þá séu allar lík-
ur á góðum árangri. Fjölskyldan er það í
lífinu sem skiptir mestu máli og að ræða
fjölskylduna eins og einhvern vanda-
málapakka er út í hött. Auðvitað koma
ýmis vandamál upp þar sem annars stað-
ar og á þeim verður bara að taka.“
HEIMSMYND 33