Heimsmynd - 01.09.1989, Qupperneq 55

Sigríður Thorberg
ásamt börnum sínum
Ólöfu, Bergi og
Sesselju.
kona Sigurðar Nordals, en bróðir þeirra var Bergur Jónsson
(1898-1953) sýslumaður og alþingismaður.
BERGUR OG ÓLÖF
Bergur, mágur Sigurðar Nordals, var sýslumaður í Barða-
strandasýslu 1927 til 1935 en þá var hann skipaður sýslumaður
og bæjarfógeti í Hafnarfirði. Sagt var um hann að það sem
einkenndi hann væri óvenjulegur gervileiki, skýr hugsun og
drengilegt kapp. Hann var settur í framboð fyrir Framsóknar-
flokkinn í Barðastrandarsýslu eftir þingrofið 1931 og vann þá
glæstan sigur á Hákoni Kristóferssyni í Haga sem hafði verið
þingmaður kjördæmsins í áratugi. Þótti mikill héraðsbrestur
er hann féll og kosningasigur Bergs vakti þjóðarathygli. Berg-
ur var þingmaður Barðastrandarsýslu allt til 1942. Hann var
skipaður sakadómari í Reykjavík 1945 en varð að láta af störf-
um tveimur árum síðar vegna heilsubrests. Hann lést árið 1953
aðeins 55 ára gamall. Honum þótti kippa í kyn sitt fyrir djúp-
hyggju og ríka tilfinningu fyrir réttlæti. Fyrri kona hans var
Guðbjörg Lilja, dóttir Jóns Erlendssonar verkamanns í
Reykjavík. Eignuðust þau þrjú börn en Guðbjörg Lilja andað-
ist frá þeim litlum og giftist Bergur þá öðru sinni Ólafíu, dótt-
ur Valdimars Loftssonar rakara í Reykjavík og gekk hún
börnunum í móðurstað en þau Bergur áttu ekki börn saman.
Elsta barn Bergs er Sigríður Þórdís Bergsdóttir, ekkja Oli-
vers Steins Jóhannessonar bóksala og bókaútgefanda (Skugg-
sjá) í Hafnarfirði. Börn þeirra eru Guðbjörg Lilja Oliversdótt-
ir verslunarstjóri í Hafnarfirði, gift Sævari Erni Stefánssyni
rannsóknarlögreglumanni, Jóhannes Örn Oliversson fram-
kvæmdastjóri í Hafnarfirði og Bergur Oliversson lögfræðing-
ur.
Annað barn þeirra Bergs sýslumanns og Guðbjargar Lilju
er Jón Bergsson deildarstjóri. Börn hans eru Guðbjörg Lilja
Jónsdóttir bankastarfsmaður, gift Snorra Guðmundssyni vél-
stjóra, Þorbjörg Jónsdóttir á Blönduósi, gift Hauki Ásgeirs-
syni tæknifræðingi, Bergur Jónsson rafvirki og Páll Vídalín
Jónsson nemi.
Þriðja barnið var Þórir Bergsson tryggingafræðingur sem
lést fyrir fáeinum árum. Hann var menntaðastur allra Islend-
inga í tryggingastærðfræði og tölfræði. Börn hans voru Hjalti
Þórisson, starfsmaður Húsnæðisstofnunar, dr. Hermann Þór-
isson prófessor í tölfræði í Svíþjóð, Guðbjörg Lilja Þórisdóttir
leikkona og Bergur Þórisson tölfræðingur.
Ólöf Jónsdóttir, eiginkona Sigurðar Nordals, var hin merk-
asta kona, nokkuð þyngri en húsbóndinn eins og hún átti ætt
til og átti oft við vanheilsu að stríða. Hún var prýðilega ritfær,
fékkst nokkuð við þýðingar og var kunn að upplestri í útvarp.
Þau eignuðust þijú börn. Elst var Bera Nordal sem þau misstu
unga. Synirnir eru báðir þjóðkunnir og í þeim sameinast eigin-
leikar þeir sem börðust um sál föður þeirra. Annar er fræði-
maður en þó einkum fjármálamaður, hinn listamaður.
RÍKI í RÍKINU
Eldri bróðirinn er fyrrnefndur Jóhannes Nordal
seðlabankastjóri, fæddur 1924. Hann lauk doktorsprófi í hag-
fræði frá University of London árið 1953. Fjallaði doktorsrit-
gerðin um þjóðfélagslegar breytingar á íslandi frá lokum 18.
aldar og var því söguleg ekki síður en hagfræðileg. Þegar hann
kom heim var hann gerður að hagfræðingi Landsbankans og
aðeins 34 ára gamall var hann orðinn bankastjóri Landsbank-
ans. Þegar Seðlabanki íslands var stofnaður árið 1961 á upp-
hafsárum viðreisnarstjórnarinnar var hann svo skipaður
bankastjóri hans og gegndi veigamiklu hlutverki í þeim efna-
hagsbreytingum sem sú stjórn kom til leiðar. Síðan hefur hann
verið eins konar ríki í ríkinu og á hann hefur hlaðist mikill
fjöldi trúnaðarstarfa svo að stundum hefur hann verið titlaður
nefndakóngur íslands. Sérstaklega hafa völd hans á sviði
virkjunar- og orkumála verið mikil. Hann hefur verið formað-
ur stjórnar hinnar valdamiklu Landsvirkjunar í aldarfjórðung
og var formaður stóriðjunefndar þegar samið var um álverið í
HEIMSMYND 55