Heimsmynd - 01.09.1989, Page 92

VEITINGAHÚSA
síðastliðnum tuttugu árum hefur orðið al-
gjör bylting í öllum veitingahúsarekstri hér
á landi. Mikil breyting á neysluvenjum
þjóðarinnar varð um og eftir seinna stríð.
Fram að þeim tíma má segja að fæði
landsmanna hafi verið það sama í aldarað-
ir, það er að segja landbúnaðarafurðir og
fiskmeti, en innflutt matvæli þekktust
varla. Hótelrekstur hófst að einhverju
marki hér í Reykjavík á síðari hluta síð-
ustu aldar en almennilegt hótel var ekki til
fyrr en 1930 þegar Hótel Borg opnaði.
Hótel Borg var þá talið eitt besta hótel á
Norðurlöndum. Næstu 24 árin ríkir algjör
stöðnun. Pað er ekki fyrr en með veitinga-
húsinu Naustinu sem opnar 1954 að breyt-
ing verður til batnaðar. Halldór Gröndal
og starfsfólk hans í Naustinu brydduðu
upp á ýmsum nýjungum. A boðstólum
voru meðal annars humar og kjúklingar
sem þótti nýlunda hér á landi. Eftir opnun Naustsins verður
þróunin hæg enda þótt það muni töluvert um þegar hótelin
þrjú, Hótel Saga, Loftleiðir og Holt opna. Allt voru þetta samt
fínir staðir sem almenningur sótti aðeins til hátíðabrigða. Upp
úr 1960 verða miklar breytingar á lifnaðarháttum fólks hér á
Islandi og raunar í öllum hinum vestræna heimi. Þessar þjóð-
félagssviptingar ná svo hámarki fram til 1970. Lífskjör þjóðar-
innar batna. Gífurleg þensla verður hér á landi og verðbólgan
blossar upp, kaupæði grípur þjóðina og íslendingar fara til
Miðjarðarhafslanda í stríðum straumum. fslenskt sjónvarp
hefur göngu sína, samgöngur til og frá landinu verða stöðugt
betri og íslendingar eru ekki lengur einangruð smáþjóð á
hjara veraldar.
eftir SIGMAR B. HAUKSSON
92 HEIMSMYND