Heimsmynd - 15.01.1990, Blaðsíða 65

metsölubækur úr þeim flokki seldust
ekki nema á við meðalsölubækur und-
anfarinna ára. Aldrei hafa útgefnir titl-
ar samtalsbóka verið fleiri en fyrir
þessi jól en samanlagt upplag sem selt
var reyndist minna en oftast áður.
Kannski er því um að kenna að ekki
hafi verið nóg kjaftasögufóður í þeim
samtalsbókum sem nú komu út, engin
nógu áhugaverð persóna hafi þar opin-
berað leyndarmál sín. Hitt er líka til að
andróður bókmenntapáfanna gegn
þessari lágkúru. sem svo hefur verið
kölluð, sé farinn að bera árangur og
þjóðin geri nú meiri kröfur um efnistök
og innihald í bókum en áður.
Nanna Rögnvaldardóttir, höfundur
metsölubókarinnar Sagan sem ekki
mátti segja, er á þeirri skoðun: „Fólk er
orðið leitt á þessum samtalsbókum.
Þykir ekki ástæða til að kaupa heila
bók um svo lítið efni. Flestar þessar
bækur eru eins og ofvaxin tímaritavið-
töl.“ Bók Nönnu um Björn Sveinsson
er ekki samtalsbók í þröngum skiln-
ingi. Þar liggur mikil heimildavinna að
baki. „Ég ræddi auðvitað mikið við
Björn,“ segir Nanna, „en mest af vinn-
unni var heimildalestur á söfnum bæði
hér heima og erlendis.“
anna átti einnig tvær þýðing-
ar á markaðnum fyrir jólin.
Unglingabókina Ég get séð
um mig sjálf, sem einnig var
á metsölulistum, og bók um
sjálfsdáleiðslu. Hún lætur þó
lítið yfir gróðanum, sem svo
margir sjá ofsjónum yfir.
Segist hafa upp úr þessu sæmilegustu
laun, meira ekki. „Eg fer ekki í neina
siglingu um Karíbahafið fyrir mín rit-
laun,“ segir hún hlæjandi, „en ég er
ánægð með hvað bókin seldist vel og
féll í góðan jarðveg.“
En það eru ekki allir jafnánægðir.
Bækumar um Ingólf Guðbrandsson og
Guðmund Jaka sáust ekki á metsölu-
listum. Ekki heldur Sverrir Hermanns-
son í skrásetningu Indriða G. Þor-
steinssonar og svo mætti lengi telja.
Eiríkur Jónsson skrifaði bókina um
Davíð, sem margir áttu von á að yrði
meðal mest seldu bóka. Sú varð ekki
raunin. Endanlegar sölutölur liggja
ekki fyrir, en ljóst er að Eiríkur ríður
ekki feitum hesti frá þeim garði. Hann
segist þó ánægður með sinn hlut. Bók-
in hafi fengið góða dóma, þótt
skemmtileg og fróðleg og það skipti sig
meira máli en hvort af henni seljist
fimm hundruð eintökum meira eða
minna. „Bóksala var almenrit minni en
gert var ráð fyrir,“ segir hann, „en ég
held að samtalsbækur og æviminningar
hafi ekki orðið neitt verr úti en aðrar
bækur. Það er hins vegar spurning
hvort ekki varði við lög um óréttmæta
viðskiptahætti að útgefendur taki sig
saman og láti velja nokkrar bækur sem
auglýstar eru upp sem bestu bækurnar.
Ef það á að veita svona verðlaun verð-
ur að standa að því akademía, ekki
þeir sem að útgáfunni standa.“D
Ný sending
Cawo dömu- og herrasloppar.
Fást aðeins hjá okkur.
Seljum snyrtivörur frá:
Clarins Clinique
Estee Lauder Lancome
Ellen Betrix MargretAstor
Ennfremur dömu og herrasloppar frá Cawo, 100% silkislæöur á
frábæru verði og margskonar gjafavörur.
Snyrtivöruver-slunin
G u 1 1 b r á,
Nóatúni 17, s. 624217. Sendum ípóstkröfu.
HEIMSMYND 65