Heimsmynd - 15.01.1990, Side 69

KLETTURINN
ryggvi Pálsson bankastjóri
Tryggvi Pálsson er bankastjóri hins nýstofnaða íslands-
banka. Liðlega fertugur og orðinn einn af áhrifamestu
mönnum í íslensku bankakerfi. Hann segir velgengni í sínum
huga tákna meira en stöðu og ríkidæmi. Vill láta gott af sér
leiða og skilja við starf og félaga í góðu lagi. Rækta fjölskyldu
og innri mann. Vera sáttur yið sjálfan sig, en reyna þó jafn-
framt að bæta sig. Símenntun þykir honum lykilatriði, skóla-
menntun úreldist svo fljótt á þessum tímum upplýsingastreym-
is. Hann fer alltaf í háttinn um miðnættið og á fætur klukkan
sjö. Borðar trefjablandað kornmeti í morgunmat og tekur lýsi.
Stundar skíði, skokk og leikfimi. Drekkur ekki kaffi, reykir
ekki og neytir áfengis í hófi. „Ég reyni að halda góðu sam-
bandi heimafyrir og standa drengilega að málum á vinnustað.
Hef trú á að til þess að ná árangri sjálfur verði að laða gott
fólk til samstarfs, sjá út hverjum er að treysta og byggja
stjórnun á valddreifingu. Það er líka hollt að breyta af og til
um verkefni og halda góðum tengslum við þá sem eru manni
samtíða. Vinnusemi er höfuðatriði. Hugurinn verður að vera
vakandi þótt vinnudeginum sé lokið. Pað gengur ekki að
slökkva á perunni um leið og skrifstofudyrnar lokast á eftir
manni.“
• Vakna klukkan sjö
• Trefjar og lýsá í morgunmat
• Líkamsrækt
• Ekkert kaffi
• Engar reykingar
• Áfengi í hófi
• Símenntun
• Drengskapur
• Vinnusemi
HEIMSMYND 69