Heimsmynd - 01.03.1990, Page 50

HÁRIÐ í
TAGL
Hvað sem hár-
greiðslumeistarar
segja, vita flestar
konur að strípur, litun og
permanent eru engin heilsu-
bót, heldur aðeins frískandi
og fegrandi um stundarsakir.
Að auki þykir sýnt að ný hár-
greiðsla eða önnur meðferð á
hárinu er ekki aðeins nauð-
synleg fyrir sálarlífið heldur
og heilsuna því rannsóknir
hafa sýnt að blóðþrýstingur
fólks lækkar þegar fagmaður
fer fimum höndum um hár
þess.
Tvennu hafa þó konur
kvartað undan hér á landi í
sambandi við hárgreiðslu. í
fyrsta lagi þykir það orðið
æði kostnaðarsamt, þar sem
þvottur, klipping og litun
getur kostað allt upp í sjö
þúsund krónur. í öðru lagi
hversu tímafrek ferð á hár-
greiðslustofuna getur verið.
Hjá þeim vinsælustu í faginu
getur viðskiptavinurinn búist
við því að sitja í nokkrar
klukkustundir inni á stof-
unni. I erli og önn dagsins
getur þetta fælt konur frá því
að fara á stofu þótt aðrar
kunni að líta á slíka ferð sem
afslappandi tækifæri til að
hitta aðra og fletta blöðum
um leið og beðið er.
Fyrir þær konur sem vilja
spara tíma og peninga benda
erlend tískublöð á nokkrar
aðferðir í því skyni. Ein er að
safna hári og binda það í
tagl. Ræktarlegt hár eða hár
sem er að vaxa niður í rétta
sídd virkar mjög vel í tagli.
Það er góð og hentug lausn
fyrir þær sem eru að flýta sér.
Taglið er í raun eitt fárra fyr-
irbæra í hártískunni sem hef-
ur lifað af fjóra áratugi og er
nú „hámóðins" eins og eldri
frúmar segja. Ólíkt tjásu-
klippingum, permanentliðum
og öðrum tískufyrirbrigðum
hefur taglið þróast frá því að
vera greiðsla táningsstúlkna
rokktímabilsins, hippanna á
sjöunda áratugnum, uppeld-
isfræðinga á þeim áttunda yf-
ir í glæsilega greiðslu karla
sem kvenna. Vel greitt hár í
tagli er smart án þess að vera
settlegt, fínt án þess að vera
formlegt, unglegt en samt yf-
irvegað, snyrtilegt en samt
þokkafullt og umframt allt sí-
gild og sniðug úrlausn.
Taglinu líkja tískuforkólfar
við önnur sígild fyrirbæri, svo
sem svartar rúllukragapeys-
ur, svarta flatbotna skó og
perlur. Æskilegt er að hárið
sé eins og perlurnar, sítt og
skínandi, og hvort sem er
tagl eða perlur er hvort
tveggja viðeigandi við hvaða
tækifæri sem er.
Hárið þarf ekki að vera
axlasítt til að setja það í tagl
og er það fyrirtaks lausn á
vandræðalegri sídd þar sem
freistingin til að láta klippa
sig er yfirþyrmandi. Því síð-
ara og ræktarlegra sem hárið
er á hinn bóginn því glæsi-
legra er taglið. í því skyni eru
aftur komin á markaðinn
gervitögl sem tengja má við
Taglið er fyrirtaks
lausn á
vandræðalegri
liársídd. Taglið er
sígild greiðsla og
hentar við öll
tækifæri. Taglið er
eins sígilt og svarta
rúllukragapeysan,
flatbotna skórnir og
perlufestar.
hár sem er bundið saman í
hnakkanum. Tögl af þessu
tagi voru vinsæl á sjöunda
áratugnum og geta verið
sniðug við einstök tækifæri.
Karlmenn með hárið í tagli
urðu viðundur upp úr 1970
þegar áherslan á herralegt út-
lit var aftur að ryðja sér til
rúms. A sjöunda áratugnum
voru margir hippar með tagl
en á þeim áttunda aðeins
dópsalar og aðrir dólgar.
Þegar tískukonungurinn Karl
Lagerfeld fór að greiða hárið
í tagl upp úr 1980 komu aðrir
í kjölfarið og nú eru það jafnt
leikarar sem tónlistarmenn
Taglið í tímans rás eða síðustu tvær aldirnar. Thomas
Jefferson, þriðji forseti Bandaríkjanna, var á undan sinni
samtíð en það eru tískusýningarstúlkurnar ekki. Og engum
datt orðið tíska í hug þegar Marlon Brando var með hárið í
tagli í kvikmyndinni Desirée árið 1954.
50 HEIMSMYND