Heimsmynd - 01.11.1990, Side 94

„Hún er mjög heil og hrein og þrátt fyrir að hafa verið
með sama manninum í sjö eða átta ár er hún einhvern
veginn svo ósnortin. “
mm
Valdís Gunnarsdóttir útvarpsmaður og María Ellingsen leikkona.
pphaflega kynntumst viö María þannig að hún
var í sambúð með vini mínum. í beinu framhaldi
af því buðum við hvert öðru heim í mat og annað
slíkt. Svo fór hún ásamt nokkrum öðrum að setja
upp leikrit eftir Sam Shephard, sem bíómynd var gerð um
og kölluð Fool for Love, en leikritið var nefnt Sjúk í ást í
uppfærslunni hérna. Við fórum nokkur saman á eina sýn-
inguna og þrátt fyrir að ég sé ekkert sérlega hrifin af leik-
húsum á Islandi, finnst leikhúsfólk dálítið fast í Lilla klifur-
mús og þeim stjörnum, heillaði þetta verk mig ótrúlega.
Þetta var vel gert og auk þess náðu þau að halda sögunni
svo ótrúlega vel að ég tók það að mér að hefja þau til lofts
í útvarpi. Bæði var það að þetta var lítill leikhópur sem
hafði litla peninga, þau voru að gera þetta alveg sjálf, og
ég held að það hljóti að vera erfitt að vera ungur leikari á
Islandi og reyna að koma sér áfram. Svo ég sagði frá því
hversu vel mér þótti þeim takast til og upp frá því fórum
við María að hittast oftar.
Svo skildi hún við þennan vin minn og við byrjuðum að
fara tvær saman út að borða og urðum mjög nánar.
Hún er mjög heil og hrein og þrátt fyrir að hafa verið
með sama manninum í sjö eða átta ár er hún einhvern veg-
inn svo ósnortin. Hún er dálítið mikið leitandi inn á við og
hjálpar manni til að átta sig á því hver maður sjálfur er. En
þessi vinátta byggist ekki á því að fara út að skemmta sér
eða þess háttar, heldur er þetta meira fólgið í því að tala
saman. Hún hefur bent mér á ýmsar leiðir sem mér hefur
þótt gott að fara og í dag er hún mér mjög ofarlega í huga.
í>að sem mér líkar einna best við hana er að hún tekur
ekki beina afstöðu, heldur er alltaf hlutlaus og leyfir manni
að njóta sín sem persónu. Hún hvetur mann alltaf áfram
þegar sjálfstraustið er lítið. Það er sérstaklega mikilvægt
þegar maður vinnur á jafnopnum miðli og útvarpi og er
þrjá til fjóra klukkutíma á dag í útsendingu. Þá er maður
mjög viðkvæmur og búinn með allt sem hægt er að gefa.
Hún María er svo heil og auðvelt að umgangast hana.
Ég öfunda hana á vissan hátt fyrir að geta verið svona mik-
ið ein með sjálfri sér. Mér finnst oft eins og hún þarfnist
einskis. Við erum mjög ólíkar. Ég er með reikulan huga og
vil skoða allt og hafa fullt af fólki í kringum mig. Þegar við
förum saman út að borða vil ég alltaf snúa þannig að ég
geti skoðað fólkið sem kemur inn en hún snýr alltaf baki í
allt. Hún vill aftur á móti bara vera með mér og tala um
eitthvað sérstakt, þannig að hinir skipta hana ekki máli.
Það sem einkennir góðan vin er traust. Þú segir kannski
ekki alla hluti við þann sem er þér næstur, til dæmis sam-
býlismann eða börn, heldur átt frekar eina og eina stund
með einhverjum besta vini þínum og þú vilt ekki að það
fari neitt lengra. Fólk á orðið svo lítið einkalíf. Það eru all-
ir að fylgjast með því sem náunginn aðhefst. Það sem mér
finnst skipta höfuðmáli er að hægt sé að treysta fólki.
94 HEIMSMYND