Litli Bergþór - Dec 2018, Page 32

32 Litli-Bergþór
og séra Steindór o.fl. Þórður kaupi kom.
10. janúar – sunnudagur. Messað heima í
fjölmenni mesta úr öllum áttum: frost vægt.
23. janúar. Gengið frá skýrslum og bréfum,
veður viðsjált, lattur mjög farar.
24. janúar – sunnudagur. Skafrenningur og
versta færð, sat heima og las.
14. febrúar – sunnudagur. Ég fór ríðandi upp
að Úthlíð, en skildi Topp eftir að Tjörn sakir
ófærðar, aftaka rok. Komu 3 menn aðrir en ég.
Kom heim í björtu.
15. febrúar Frost mjög mikið, sóknarmenn
drógu grjót.
18. febrúar Í gærkveldi komu piltarnir með
timbrið 142 stykki og gekk allt vel. Ég ríð að
Galtalæk til þess að fá menn til Bakkaferðar.
19. febrúar Mundi og Gísli frá Galtalæk fóru í
morgun eftir járni á Bakkann.
20. febrúar Sama veður. Komu Múlamenn og
kváðu mér til einskis að (fara) uppeftir á morgun.
29. febrúar Skírt í Hrosshaga; blítt veður.
8. mars 20° frost, skafrenningur; rituð bréf.
Björn á Brekku gisti.
12. mars Lesið og farið til húsa og skrifað.
13. mars 9° frost; Skírt að Múla fyrir messu;
messað og spurt og skírt í messunni. Indælt
veður. Steinunn upp að Felli og fólkið út um allt.
16. mars Fór til húsanna.
20. mars Ég reit bréf nokkur og fór með þau
niður að Hrosshaga. Blánar fyrir þúfum á Brennu
allri.
27. mars – sunnudagur. Húsvitjaði ég á Krók
fyrir messu, messaði í Tungu, spurt að 13. kafla,
mannmargt og samferða Skúla að Kópsvatni,
heim um kvöldið.
28. mars 12° frost síðan fjúk. Reit bréf. 2 kr
Siggu í Brattholti, sendi ég Magnúsi frænda og
bað hann kaupa bókina.
29. mars Skúrar. Komu póstbréf og blöð.
30. mars Sama veður, lesin blöð.
31. mars Sama veður, reit í sveitarbók.
1. apríl Regn mikið, sveitarritstörf.
7. apríl Mesta blíða, aðeins fannirnar stærstu eru
eftir; lokið við að lesa Þingtíðindi.
8. apríl Við Steinunn fórum út að Mosfelli,
fréttist „draugagangur“ af Stokkseyri. (Um hinn
magnaða Rankotsdraug á Stokkseyri má lesa í
Öldinni okkar við árið 1892).
14. apríl – skírdagur. Í 9° frosti og roki upp að
Haukadal. Messað við 15ánda mann.
15. apríl – föstudagurinn langi. Messað í Tungu,
spurt, ráðinn Ögmundur uppá 60 kr, 10 kindur.
Póstur kominn með blöð og bréf og peninga.
25. apríl Frost um nóttina; þerrir; borinn haugur;
lesin blöð.
1. maí Messað í Tungu og lauk við kverið; lá
nærri að við kollvöknuðum í Fljótinu austur yfir.
Rok og 6° frost.
3. maí Ég lét yfir vermireit og bar í mold. Var
lengi austur í Koti og las páskaræðu yfir gömlu
Guðrúnu.
4. maí. Stungið út úr brekkuhúsi; ég barði flöt.
8. maí sunnudagur. Messað heima, 5° frost og
bál. Vorpróf yfir 9 krökkum, ám gefið enn þá
einu sinni, 10° frost að kveldi.
15. maí – sunnudagur. Messað í Haukadal,
stormur og moldrok. Próf. Fór allar mýrar fram.
18. maí Kom Árni smiður, skorið torf. (Árni
Þorsteinsson forsmiður, bóndi og fræðimaður frá
Brennistöðum í Flókadal.)
19. maí Skiptafundur að Fljóti, friðsamlegur,
náði aðeins háttum heim. Reidd heim skánin.
23. maí Gipting að Hruna, brullaup að
Kópsvatni. Ég gerist mjög hás.
1. júní Minna frost í nótt, en rok og ryk sem
mest. Við Steinunn urðum gegndrepa við að
hreykja sauðaskán. Góður dagur yfirhöfuð.
3. júní Settar niður kartöflur. 12 hestar timburs
komu af Bakka í gær.
5. júní – Hvítasunnudagur. Messað í Haukadal.
Kosnir Greipur, Guðmann, Eiríkur 1.
safnaðarfulltrúi. Geysir alltaf að gjósa en forðast
mig.
12. júní – trinitatis. Messað heima við fjölmenni,
í síðasta sinn í þessari kirkju; 14 til altaris.
28. júní – 3. Júlí Kirkjan rifin og reist og talsvert
gjört að stofunni. Verið að reka lömb, mór
tekinn, heytorf skorið.
4. júlí Kirkjusmíði, farið á Bakkann með 11
hesta.
11. júlí Kirkjusmíði gengur vel; sent á Bakka og
til Rv
17. júlí – sunnudagur. Sat um kyrrt, las nokkuð
og leiddist
20. júlí Fundur á Vatnsleysu um sauðasölu.
Brynjólfur fór þangað með mér. Reit bréf um
kveldið. Piltar fóru á Bakkann með 14 í taumi.
21. júlí Árni setti gólf í kirkju; borið niður.
22. júlí Slegið og rakað; ég kíttaði kirkjuglugga.
24. júlí – sunnudagur. Stórviðri, ég sat heima.
Piltar komu úr Bakkaferð. Ég las hátt fyrir
fólkið.
27. júlí Kirkjutimbur selt við uppboði, vel boðið
í.
31. júlí – sunnudagur. Við níunda mann upp að
Haukadal, messað við fjölmenni. Við 70sta mann
sat ég við Strokk, gekk frá síðastur, eftir 6 stunda
bið, árangurslausa.
22. ágúst Árni klæddi turninn, þerrilítið.
30. ágúst Slegið í Brennukrók og norður í