Fréttablaðið - 26.09.2015, Síða 37

Eftir að hafa starfað í vef­bransanum á Íslandi í nokkur ár ákvað tölvunar­
fræðingurinn Hjörtur Hilm­
arsson að breyta um starfsum­
hverfi og f lytja til Svíþjóðar.
Kveikjuna að hugmyndinni má
rekja til þess að eiginkona hans,
Hildur Ísdal Þorgeirsdóttir, hóf
meistaranám í arkitektúr og
þar hafa þau nú búið í fimm ár
ásamt sonum sínum tveimur.
Fyrstu tvö árin starfaði hann
hjá alþjóðlegu fyrirtæki en
undanfarin þrjú ár hefur hann
starfað hjá eigin fyrirtæki, 14is­
lands, sem hann stofnaði ásamt
sænskum félaga sínum. „Áður
en við f luttum út sótti ég um
starf hjá alþjóðlegri vefstofu sem
heitir Fantasy Interactive en þeir
voru að gera ótrúlega flotta hluti
á þeim tíma. Þar starfa framúr­
skarandi starfsmenn og þar
kynntist ég t.d. félögum mínum
sem reka 14islands með mér
í dag. Það var gríðarlega hár
standard varðandi alla vinnu
og oft mikil pressa. Við höfum
líkt þessu í gríni við að fara í her­
búðir, erfitt á meðan á því stend­
ur en maður kemur sterkari út.
Þar vann ég í tvö ár en þegar ég
hætti gat ekki hugsað mér neitt
annað en að vinna fyrir sjálfan
mig.“ Hann segir tímasetning­
una þó ekki hafa verið þá heppi­
legustu, eiginkonan í námi og
hann eina fyrirvinna heimilis­
ins. „Ég fékk þó góðan stuðning
og ákvað að láta slag standa. Það
hefur sem betur fer gengið vel.“
Rétt tilfinning
Félagar Hjartar hjá 14islands
eru Svíinn David Lindkvist, sem
stofnaði fyrirtækið með Hirti, og
Marco Barbosa, sem er frá Brasi­
líu. „Ég tel mig heppinn að hafa
fengið þá í lið með mér því þeir
eru með þeim færustu í brans­
anum. Í fyrstu unnum við hjá
viðskiptavinum og á kaffihús­
um um allan bæ. Nú erum við
komnir með skrifstofu svo þetta
er farið að líta út eins og alvöru
fyrirtæki. Nafn fyrirtækisins,
14islands, er tilkomið vegna
þeirrar staðreyndar að Stokk­
hólmur stendur á 14 eyjum. Það
eru ekki margir Stokkhólms­
búar sem vita þetta sem skap­
ar oft skemmtilega „aha“­stund
þegar við útskýrum nafnið.“
Hann segir þá félaga hafa
þá sérstöðu að vera allir forrit­
ar með brennandi ástríðu fyrir
því að smíða góða notenda­
upplifun. „Góð notendaupp­
lifun snýst ekki bara um flotta
hönnun heldur einnig að skapa
rétta tilfinningu, hafa hlutina
skiljan lega og virka vel á far­
símum, spjaldtölvum og öðrum
tækjum. Við drögum að okkur
viðskiptavini sem hafa metnað
fyrir þessu.“
Aðspurður um helsta mun­
inn á því að starfa í Reykjavík
og í Stokkhólmi segir hann að
fjölbreytileikinn sé mun meiri
í Stokkhólmi enda starfi þar
fólk víðsvegar að úr heimin­
um. „Ísland er mjög framar­
lega í tölvutækni en það vant­
ar alltaf meira af hæfileikaríku
fólki og meiri fjölbreytni í brans­
ann. Markaðurinn hér er einn­
ig mun stærri, þótt við vinnum
með viðskiptavinum um allan
heim þá hjálpar að hafa nær­
markað sem blómstrar af bæði
stórum og smáum fyrirtækj­
um. Þrátt fyrir að við séum vef­
fyrirtæki þá fáum við flest verk­
efni í gegnum meðmæli og fólk
sem við hittum. Ísland er samt
land sköpunar og margir að gera
spennandi hluti þar.“
Spennandi verkefni
Meðal stórra verkefna þeirra fé­
laga nefnir hann vefinn tic tail.
com sem hefur gefið þeim mikla
athygli. „Tictail er sprotafyrir­
tæki sem gerir fólki kleift að
stofna eigin netverslun frítt
gegnum netið. Fyrirtækið er
mjög heitt hér í Svíþjóð og vef­
urinn hefur þótt heppnast vel.
Við höfum einnig hjálpað til
síðustu tvö ár við að þróa árlegt
jóladagatal frá Google (google.
com/santatracker) og munum
líklega einnig hjálpa til í ár.
Einnig höfum við unnið fyrir
QuizUp á Íslandi og sem ráð­
gjafar í gegnum aðra fyrir Eriks­
son, H&M og ýmis önnur fyrir­
tæki. Fyrir rúmlega ári þróuð­
um við eigin vöru (responsive.
io). Hugmyndin fæddist upp úr
vandamáli sem við upplifðum
sjálfir í verkefnum okkar, sem
var að skala myndir á hraðvirk­
an hátt fyrir allar skjástærðir
án þess að tapa myndgæðum.
Þessi vara hefur bæði þjónað
okkur vel og mörgum öðrum
fyrirtækjum við vefsíðugerð.
Svo eru mörg spennandi verk­
efni í pípunum. Mikilvægast er
þó að halda áfram að auka gæði
og gera alltaf betur.“
Sterkari eftir herbúðirnar
Tölvunarfræðingurinn Hjörtur Hilmarsson hefur búið og starfað í Svíþjóð undanfarin fimm ár. Síðustu þrjú árin hefur hann rekið
veffyrirtækið 14islands ásamt tveimur félögum sínum og vinna þeir að mörgum spennandi verkefnum um allan heim.
Hjörtur Hilmarsson hjá 14islands fyrir miðju ásamt félögum sínum, Marco Barbosa (t.v.) og David Lindkvist. MYND/ÚR EINKASAFNI
Hjörtur ásamt eiginkonu sinni, Hildi Ísdal
Þorgeirsdóttur, og tveimur sonum.
MYND/ÚR EINKASAFNI
Kynningarblað Allra Átta, Smartmedia, DK, TM
Software og Exigo.
NETVERSLUN
LAUGARDAGUR 26. SEPTEMBER 2015
&VEFSÍÐUGERÐ