Tímarit hjúkrunarfræðinga - 2018, Síða 10

Áhugi félagsmanna var mikill. rúmlega 250 félagsmenn
sóttu málþingið auk þess sem því var streymt á facebook-síðu
félagsins en þegar hæst lét fylgdust á áttunda tug með þinginu
í gegnum netið. alls náði streymið til hátt í tvö þúsund manns.
hlusta má á málþingið á facebook-síðu félagsins.
Svandís Svavarsdóttir heilbrigðisráðherra ávarpaði þingið í
upphafi þess. Lagði hún megináherslu á mikilvægi stefnumörk-
unar í heilbrigðismálum sem hún sagði að unnið væri að í
ráðuneytinu. Ítrekaði hún nauðsyn þess að hjúkrunarfræðingar
tækju þátt í þeirri vinnu. Lagði hún áherslu á að nú þyrfti að
taka til hendinni varðandi starfs umhverfi, álag og laun hjúkr-
unarfræðinga til að fjölga þeim og halda í starfi. Sagði hún að
ráðuneytið þyrfti að vinna markvisst að því að tryggja næga
nýliðun í stéttinni og lágmarka brottfall í samstarfi við stéttina
sjálfa og þá sem best þekkja til. Mikilvægt væri að skoða þessa
þætti með jafnréttismál í huga eins og málþingið legði áherslu
á. Skoða þyrfti m.a. vinnustaðamenningu á heilbrigðisstofn-
unum m.t.t. jafnréttismála og valdeflingar hjúkrunarfræðinga
í ljósi kynskipts vinnumarkaðar. Í samstarfi við mennta-og
menningarmálaráðuneytið á að skoða hvaða leiðir eru færar til
að fjölga nemendum í hjúkrunarfræði og til að jafna kynjahlut-
fallið í náminu. heilbrigðisráðuneytið gerir sér fulla grein fyrir
því vandamáli sem heilbrigðiskerfið glímir við varðandi skort
á hjúkrunarfræðingum og fleiri heilbrigðistéttum. Verið er að
vinna aðgerðaráætlun til fjögurra ára sem byggist á mann -
aflaspá sem verið er gera á vegum ráðuneytisins. Mikilvægt er
að meta og vinna slíka spá í samstarfi við viðkomandi stéttir.
Vænti ráðherra góðs samstarfs við hjúkrunarstéttina þar sem
hjúkrunar fræðingar gegna mikilvægu hlutverki sem hryggjar-
stykki heilbrigðiskerfisins.
ragnhildur Ísaksdóttir, starfsmannastjóri reykjavíkur-
borgar, kynnti jákvæð áhrif tilraunaverkefnis borgarinnar um
styttingu vinnuvikunnar. fram kom í máli hennar að reynslan
sýndi að hægt er að stytta vinnuvikuna hjá ýmsum stéttum sem
vinna hjá reykjavíkurborg ef vilji er fyrir hendi. Þar skipti
mestu máli góður undirbúningur og gott skipulag. Tilrauna-
verkefnið hefur gengið það vel að ákveðið hefur verið að taka
næsta skref sem eru að fjölga á næstunni þeim vinnustöðum
sem stytta munu vinnuvikuna.
Þorsteinn Víglundsson talaði um möguleikann á að ná
þjóðarsátt um bætt kjör kvennastétta. Sagði hann frá þings -
ályktunartillögunni sem lögð var fram á alþingi og felur í sér
að alþingi álykti um að fela fjármála- og efnahagsráðherra að
eiga frumkvæðið að viðræðum við aðila vinnumarkaðarins og
Samband íslenskra sveitafélaga um sérstakt átak, þjóðarsátt, um
bætt laun kvennastétta. ráðist verði í greiningu á launakjörum
fjölmennra kvennastétta, m.a. kennara og hjúkrunarfræðinga,
í samanburði við aðrar stéttir með sambærilega menntun og
ábyrgð sem starfa hjá hinu opinbera. Á grundvelli þeirrar grein-
ingar verði síðan gerður sérstakur kjarasamningur um leiðrétt-
ingu á kjörum þessara stétta sem feli í sér sérstakar hækkanir
til viðbótar almennum hækkunum kjarasamninga á vinnu-
markaði. Sagði hann að mannaskortur í þessum stéttum og að
stór hluti þeirra sem hefðu menntað sig til þessara starfa
störfuðu nú við annað, sýndi að það væri eitthvað mikið að og
vildi meina að launasetningin hefði þar áhrif. Búið er að greina
að verulegu leyti kynbundna launadreifingu á vinnumarkaði
og niðurstaðan er alltaf sú sama, um 20% heildarmunur er á
kynjum á vinnumarkaði. augljóst er að þetta geti ekki gengið
svona og þessu þurfi að breyta. Þingsályktunartillagan er nú hjá
allsherjar-og menntmálanefnd. Taldi Þorsteinn nauðsynlegt að
líta á þetta sem sjálfstætt viðfangsefni sem vinna þyrfti með
aðilum vinnumarkaðarins. Stærsti vinnuveitandi þessara fjöl-
mennu kvennastétta er hið opinbera og ætti það að auðvelda
þessa vinnu. Svarið við spurningunni hvort þetta sé gerlegt
sagði hann vera já, þetta væri vel hægt ef vilji væri fyrir hendi.
gestur k. Pálmason ræddi um #metoo byltinguna og hvað
svo? Sagði hann frá hópi karla sem kom saman til að skoða
hvað karlmenn gætu gert til að styðja konur í metoo-bylting-
unni og hvort hægt væri að taka á málefninu af tillitsemi,
þroska og samkennd og þannig þróa samfélag sem væri fært
um að eiga samræður af þessari erfiðleikagráðu og breyta þeim
í jákvætt afl. facebook-hópurinn #égertil var nýttur til að veita
körlum tækifæri á að taka þátt í umræðunum. niðurstaða
hópsins er sú að útilokað er að karlar leysi þennan vanda og
jafnframt er útilokað að konur leysi hann einar. Bæði kynin
verða að vinna saman að lausn hans.
að lokum fjallaði Margét Blöndal, hjúkrunarfræðingur og
EMDr-meðferðaraðili, um kulnun í starfi, helstu einkenni
kulnunar og mikilvægi þess að koma í veg fyrir kulnun. Brýndi
hún fyrir hjúkrunarfræðingum að vera vakandi fyrir og taka
mark á einkennum kulnunar og bregðast við áður en í óefni
væri komið.
aðalbjörg finnbogadóttir
10 tímarit hjúkrunarfræðinga • 1. tbl. 94. árg. 2018
Svandís Svavarsdóttir heilbrigðisráðherra og Guðbjörg Pálsdóttir,
formaður Félags íslenskra hjúkrunarfræðinga.