Tímarit hjúkrunarfræðinga - 2018, Qupperneq 11

Framkvæmd könnunar, úrtak og svörun
könnunin var lögð fyrir alla starfandi félagsmenn fíh og er þetta í fyrsta skipti sem
slík könnun er framkvæmd. fyrirtækið Maskína ehf., sem m.a. gerir starfsmanna- og
markaðsrannsóknir, var fengið til að framkvæma könnunina og fór hún fram dagana
1.–28. nóvember 2017. könnunin var send rafrænt til allra starfandi félagsmanna fíh,
yngri en 70 ára. Tölvupóstur var sendur til félagsmanna og samtals fjórar áminningar
til þeirra sem ekki höfðu svarað. Þá var hringt til þeirra sem enn svöruðu ekki og einnig
til þeirra sem sem ekki höfðu skráð netfang í félagaskrá fíh.
Starfandi hjúkrunarfræðingar sem fengu könnunina senda voru 2.908. Þátttakan
var mjög góð eða rúm 74%. Slík þátttaka er fáheyrð í sambærilegum könnunum hjá
öðrum stéttarfélögum en algengt er að svörun í könnun sem þessari sé í kringum 20%.
Það er því óhætt að segja að niðurstöðurnar gefi mjög sterka mynd af viðhorfi hjúkr-
unarfræðinga til starfsumhverfis og álags í starfi. Stjórn félagsins vill þakka hjúkrunar-
f ræðingum kærlega fyrir þessi góðu viðbrögð. nánari útlistun á úrtaki og svörun í
könnuninni má sjá í töflu 1.
upphaflegt úrtak 2.908
Ekki meðlimur/talar ekki íslensku/ófær um að taka þátt 9
Endanlegt úrtak 2.899
næst ekki í 31
neita að svara 50
Fjöldi svarenda 2.151
Svarhlutfall 74,2%
Tafla 1. Úrtak og svörun.
könnunin samanstóð af 29 spurningum. Meginþema þeirra var viðhorf til starfsins,
starfsánægja, vinnuumhverfi, aðbúnaður og líðan í starfi. Spurningarnar voru hvort
tveggja fjölvalsspurningar, þar sem hægt var að merkja við mismunandi svarmögu-
leika á fimm eða sjö punkta Likert-skala, og opnar spurningar, þar sem hjúkrunar -
fræðingar gátu svarað með eigin orðum. Dæmi um opnar spurningar er t.d.: „hvað
er það jákvæðasta og neikvæðasta við að vinna sem hjúkrunarfræðingur?“
tímarit hjúkrunarfræðinga • 1. tbl. 94. árg. 2018 11
Frá sjónarhóli hjúkrunarfræðinga
Könnun á viðhorfi, ánægju og ýmsum þáttum sem snerta starf hjúkrunarfræðinga
Guðbjörg Pálsdóttir, Gunnar Helgason, Aðalbjörg Finnbogadóttir
Könnunin samanstóð af 29
spurningum. Meginþema
þeirra var viðhorf til starfs-
ins, starfsánægja, vinnuum-
hverfi, aðbúnaður og líðan í
starfi.
„Hjúkrunarfræðingar óskast til starfa“ er heiti á skýrslu sem Félag íslenskra hjúkrunarfræðinga (Fíh) gaf
út um vinnumarkað hjúkrunarfræðinga í byrjun árs 2017. Skýrslan sýndi, líkt og fyrri skýrslur félagsins,
sláandi niðurstöður um það hversu marga hjúkrunarfræðinga vantar til starfa á heilbrigðisstofnunum á
Íslandi. Ríkisendurskoðun gaf einnig út skýrslu í október 2017 sem fjallaði um hjúkrunar fræðinga;
mönnun, menntun og starfs umhverfi en þar var fjallað um skort á hjúkrunarfræðingum og áhrif hans á
heilbrigðisþjónustu á Íslandi.
Báðar þessar skýrslur gefa greinargóða lýsingu á hvað marga hjúkrunarfræðinga vantar til starfa innan
hins íslenska heilbrigðiskerfis. En hver er sýnin á ástandið frá sjónarhóli hjúkrunarfræðinga sjálfra? Til að
fylla betur upp í þá mynd ákvað stjórn Fíh að gera könnun meðal starfandi hjúkrunar fræðinga um viðhorf,
líðan og ýmislegt annað sem viðkemur starfi þeirra.