Tímarit hjúkrunarfræðinga - 2018, Blaðsíða 55
í kjölfar metoo-byltingarinnar
SAMSKIPTASÁTTMÁLI
www.landspitali.is/samskiptasattmali
I. VIÐMÓT
Tökum vel á móti sjúklingum, aðstandendum
og samstarfsfólki á hverjum degi. Höfum í
huga að fyrstu kynni eða upphaf dags hafa
áhrif á allt sem á eftir kemur. Sýnum hlýlegt
viðmót, tillitssemi og hjálpsemi frá upphafi.
Kurteisi kostar ekkert.
III. FAGMENNSKA
Við erum fagfólk. Temjum okkur yfirvegaða og
faglega framkomu og byggjum upp traust.
Bæði milli samstarfsfólks, deilda og sviða og
eins á milli starfsfólks og sjúklinga. Kynnum
okkur málin vel, leyfum fólki að taka þátt,
svörum erindum og virðum trúnað.
V. SKILNINGUR
Gefum okkur tíma til að hlusta og spyrja: Það
hjálpar okkur við að skilja mál áður en við
tökum ákvarðanir og gefum ráð. Upplýsum
fólk á skýran hátt svo ekkert skolist til.
VII. HREINSKILNI
Látum í okkur heyrast ef öryggi eða meðferð
sjúklings er í ólagi eða ef vellíðan
samstarfsfólks er í hættu. Ekki þegja. Setjum
gagnrýni fram á málefnalegan hátt ogþökkum
fyrir ábendingar. Hrósum því sem vel er gert.
IX. VIÐBRÖGÐ
Ef þú upplifir brot á sáttmálanum er mjög
mikilvægt að láta „gerandann“ vita af því sem
allra fyrst. Við getum ekki lært nýja hegðun ef
enginn aðstoðar okkur við að sjá það sem
betur má fara.
II. VIRÐING
Allir eiga skilið virðingu og að vera teknir
alvarlega. Allar raddir eiga að fá að heyrast og
allir hlekkir keðjunnar skipta máli. Þetta á jafnt
við um sjúklinga, aðstandendur og allt
samstarfsfólk.
IV. UMHYGGJA
Sýnum nærgætni og hluttekningu í
samskiptum. Höfum í huga að sjúklingar geta
átt erfitt og samstarfsfólk glímir við sín
vandamál líka. Setjum okkur í spor annarra og
sýnum þeim skilning og nærgætni.
VI. ÁBYRGÐ
Fylgjum stöðluðu verklagi, notum skýr
skilaboð og skilvirk samskipti til að tryggja
örugga afgreiðslu mála. Skráum í atvikaskrá
þegar við á og gætum þess að þjónustukeðja
rofni ekki í kjölfar okkar vinnu.
VIII. JAFNRÆÐI
Gætum jafnræðis í samskiptum og þjónustu.
Framfylgjum regluverki á sama hátt fyrir alla,
óháð bakgrunni, stétt eða stöðu. Vanvirðing,
hroki, áreitni eða einelti á ekki að viðgangast á
Landspítala, né önnur óæskileg hegðun.
Komum fram við hvort annað, sjúklinga
og gesti Landsítala af umhyggju. Góð
samkipti auka öryggi, en gera líka
vinnuna auðveldari og daginn betri.
Munum eftir samskiptasáttmálanum!
#samskipti