Tímarit hjúkrunarfræðinga - 2018, Blaðsíða 64

sóley s. bender o.fl.
64 tímarit hjúkrunarfræðinga • 2. tbl. 94. árg. 2018
mynda var þetta í fyrsta sinn sem í boði var námskeið á vegum hVS þvert á deildir.
Einnig vantaði klínískan vettvang þar sem nemendur frá átta fræðigreinum gátu unnið
saman og óljóst var hvort möguleiki væri á samstarfssamningi við Landspítalann eða
heilsugæslu höfuð borgarsvæðisins (hh). Örfáum dögum áður en klíníska námið
hófst á heilsutorgi náðist samkomulag milli hÍ og hh, eða 24. september 2014.
Með samstarfssamningnum var kominn grundvöllur fyrir sérstakan klínískan vett-
vang til að þjálfa nemendur hVS til að vinna saman á þverfræðilegan hátt og var byggt
á fyrri samstarfssamningi hÍ og hh um kennslu, stjórnun og rannsóknir. Í samn-
ingnum kom fram: „Með vísan í samstarfssamning hÍ og hh eru aðilar sammála um
að vinna sameiginlega að því að tryggja gæði klínískrar kennslu í heilbrigðisvísindum
og stuðla að framgangi vísindarannsókna heilbrigðisstétta tengdum heilsugæslu. Þessu
tengd er þróun og rekstur þverfræðilegrar móttöku á Heilsutorgi háskólanema, í sam-
starfi HVS og HH.“
Hugmyndafræðilegar áherslur
Samkvæmt gögnum frá alþjóðaheilbrigðismálastofnuninni er þverfræðilegt nám skil-
greint á eftirfarandi hátt: „Þverfræðilegt nám er þegar nemendur úr tveimur eða fleiri
fræðigreinum læra um, af og með hver öðrum til að vinna á árangursríkan hátt saman
að bættu heilbrigði“ (WhO, 2010, bls. 7). Víða erlendis er verið að þjálfa nemendur
úr tveimur fræðigreinum til að vinna að sameiginlegum viðfangsefnum (russell og
hymans, 1999). Við undibúning þessa náms þótti nauðsynlegt að gefa nemendum frá
öllum deildum hVS tækifæri til að vinna saman í teymum.
hugmyndafræðin, sem lögð var til grundvallar í báðum námskeiðunum, var heild -
ræn sýn á heilsu og heilsufarsleg vandamál þjónustuþegans (Wade, 2009), að þjón-
ustuþeginn væri miðpunktur þjónustunnar og að hann væri virkur þátttakandi í eigin
meðferð (Barry og Edgman-Levitan, 2012; Epstein og Street, 2011; OMa, 2010).
klíníska námskeiðið á heilsutorgi skapaði möguleika fyrir nemendur úr mörgum
fræðigreinum á að öðlast heildarsýn á viðfangsefni og vanda þjónustuþegans þar sem
hann var miðpunkturinn. hann var þátttakandi í viðtölunum með nemendum ásamt
klíníska leiðbeinandanum og var hluti af teyminu. Lögð var áhersla á hugmyndafræði
um virkni skjólstæðingsins en í 31. gr. laga um réttindi sjúklinga nr. 74/1997 segir:
„Sjúklingur ber ábyrgð á heilsu sinni eftir því sem það er á hans færi og ástand hans
leyfir. honum ber eftir atvikum að vera virkur þátttakandi í meðferð sem hann hefur
samþykkt“ (skáletrun höfunda). Leitast var við að ná góðri samvinnu og gagnkvæm -
um skilningi með viðtalinu og að leita bestu leiða til að ná sameiginlegum markmiðum
Mynd 1. Kristín Ingólfsdóttir, Jónas Guð munds -
son, Sigrún K. Barkardóttir, Halldór Jónsson,
Svanhvít Jakobsdóttir, Ófeigur T. Þorgeirsson,
Inga Þórsdóttir og Sóley S. Bender. Mynd tekin
í tilefni af undirritun samstarfssamnings Há-
skóla Íslands og Heilsugæslu höfuðborgarsvæð -
isins um Heilsutorg, fyrir tímabilið 2014–2017.