Tímarit hjúkrunarfræðinga - 2018, Blaðsíða 60
herdís sveinsdóttir
60 tímarit hjúkrunarfræðinga • 2. tbl. 94. árg. 2018
vegar að nemendur öðlist ítarlega þekkingu á sviði doktors-
verkefnis síns. nemendur eru teknir inn í námið á öllum
tímum ársins.
Í náminu felst undirbúningur og framkvæmd rannsókna,
úrvinnsla og túlkun niðurstaðna, kynning og rökræður á eigin
rannsóknum í samhengi við þekkingu á fræðasviðinu og birt-
ing í ritrýndum tímaritum. fimmtán hjúkrunarfræðingar hafa
lokið doktorsprófi frá deildinni og eru nú 14 doktorsnemendur
við deildina (sjá töflu 2).
Færnisetur hjúkrunarfræðideildar
hjúkrunarfræðideild hefur frá upphafi haft færnistofu þar sem
grunnþjálfun hjúkrunarnema í klínískri færni fer fram. Árið
2008 var fyrsti sýndarsjúklingurinn keyptur í færnistofuna og
haustið 2016 var útbúið fullkomið færni- eða hermisetur á tveim
hæðum í Eirbergi og er þar nú að finna þrjá „fullorðna“ sýndar-
sjúklinga auk eins „barns“ og er áætlað að kaupa inn einn
„nýbura“. Þar fer fram hermikennsla sem er kennsluaðferð þar
sem stuðst er við tilbúið umhverfi, aðstæður eða ástand. Lykillinn
að árangursríku herminámi er góður undirbúningur, skýr náms-
markmið og raunhæf tilfelli í samræmi við þarfir þátttakenda.
Ánægja nemenda með færnisetrið og kennsluna þar er
mikil og endurspeglast það í mati nemenda í kennslukönn-
unum. Það er mikill akkur fyrir deildina að hafa yfir að ráða
svo góðri aðstöðu og góðum kennurum, fyrir bragðið verður
undirbúningur nemenda fyrir flókin störf hjúkrunarfræðinga
sífellt betri.
Lokaorð
Eirberg hefur tekið stakkaskiptum síðastliðið ár en húsið var
tekið í gegn eftir að mygla kom í ljós. aðstaða kennara og nem-
enda hefur batnað auk þess að háma í Eirbergi hefur fengið
andlitslyftingu. allir hjúkrunarfræðingar eru velkomnir í heim-
sókn að sjá hversu vel hefur tekist til.
Ég vil enda þessa grein á að þakka öllum þeim fjölda hjúkr-
unarfræðinga sem hafa tekið þátt í að skipuleggja og endurbæta
kennslu hjúkrunarfræðinema og sem kenna við deildina.
framtíð hjúkrunar er björt þegar hjúkrunarstéttin hefur á að
skipa jafn miklum fjölda framúrskarandi hjúkrunarfræðinga
og við sjáum sinna kennslu hér við deildina ásamt þeim flottu
hjúkrunarfræðingum sem útskrifast árlega.
Heimildir
Brynja Örlygsdóttir, helga jónsdóttir, herdís Sveinsdóttir og Þóra jenný
gunnarsdóttir (2015). nýjar áherslur í grunnnámi við hjúkrunar -
fræðideild háskóla Íslands. Tímarit hjúkrunarfræðinga, 91 (2), 24–26