Morgunblaðið - 02.11.2019, Síða 4

4 FRÉTTIRInnlent
MORGUNBLAÐIÐ LAUGARDAGUR 2. NÓVEMBER 2019
Til leigu er 105 m2 húsnæði í Austurveri, Háaleitis-
braut 68. 103 Reykjavík. Hentar vel til margs konar
starfsemi. Hárgeiðslustofa hefur verið starfrækt í
húsnæðinu um ára bil.
Áhugasamir sendi tölvupóst á arnar@astund.is
Verslunarhúsnæði
TIL LEIGU
Glatt var á hjalla á skemmtistöðum
í miðborg Reykjavíkur og víðar í
gærkvöldi þegar byrjað var að selja
jólabjórinn. Danska kráin við Ing-
ólfsstræti var því heitur reitur í
gærkvöldi en þar var venju sam-
kvæmt kl. 20:59 byrjað að afgreiða
hinn danska Tuborg-jólabjór, sem
lengi hefur verið vinsælasti mjöð-
urinn í aðdraganda jólahátíðar-
innar. Á kránni góðu gengu Tu-
borg-jólasveinar um beina og færðu
fólki gjafir og voru danskir siðir í
hávegum hafðir, en bjórinn góði
var þó í aðalhlutverki og skálað í
botn!
En það var víðar sem fólk gerði
sér glaða stund og gladdist yfir
krús af jólabjór. Í gær kom jóla-
bjórinn frá Kalda á Árskógsströnd
einnig á markað og fór í sölu á
Kaldabar, sem er við Laugaveginn í
Reykjavík.
Fleiri tegundir af jólabjór verða
svo í sölu á veitingastöðum á næst-
unni og í Vínbúðum ÁTVR verður
jólabjór fáanlegur frá 14. nóvem-
ber. Þar verða alls 78 tegundir á
boðstólum þetta árið en voru 60 í
fyrra. Fjölgun tegunda er því tals-
verð og athyglisverð sé í huga haft
að salan dróst saman á síðasta ári.
Siðirnir sem jólabjórnum fylgja eru
þó komnir til að vera svo ekki verð-
ur aftur snúið.
Ungir sem aldnir fjölmenntu á krár borgarinnar í von um einn kaldan á krana
Jólabjórinn
kominn í
krárnar
Morgunblaðið/Kristinn Magnússon
Magnús Heimir Jónasson
mhj@mbl.is
Fons Juris hf., sem rekið hefur raf-
rænt dómasafn frá árinu 2011, mun
fylgja reglum Dómstólasýslunnar
um nafnbirtingar í dómum. Þetta
staðfestir Sævar Guðmundsson,
framkvæmdastjóri og einn stofn-
enda Fons Juris. „Reglurnar eiga
ekki beint við okkur en við munum
fylgja þeim alfarið,“ segir Sævar.
Dómstólasýslan tók nýverið upp
nýjar reglur fyrir öll dómstig um
birtingu dóma og úrskurða á vefsíð-
um dómstólanna. Nöfn þeirra sem
hlotið hafa dóm fyrir refsivert brot
verða afmáð úr dómum á öllum dóm-
stigum á vefsíðum dómstólanna einu
ári eftir birtingu, sé þess óskað. „Við
höfum fengið þónokkuð af beiðnum
frá fólki um að nafnhreinsa og við
höfum alltaf gert það jafnóðum og
þær beiðnir hafa komið fram,“ segir
Sævar.
Persónuvernd komst að þeirri nið-
urstöðu fyrr á þessu ári að Hæsti-
réttur Íslands væri ábyrgðaraðili að
birtingu persónuupplýsinga í dóm-
um réttarins. Fons Juris ehf. væri
hins vegar ábyrgðaraðili að þeirri
vinnslu persónuupplýsinga sem felst
í að veita aðgang að dómum réttar-
ins, t.d. með leitarmöguleikum í leit-
arvél á vef félagsins. Samkvæmt úr-
skurðinum á Fons Juris því að geta
treyst á að dómarnir séu í samræmi
við persónuverndarlög þangað til
annað kemur í ljós.
„Þess vegna erum við í virku sam-
ráði við dómstólana um að taka út og
breyta efni jafnóðum og þeir gera
það,“ segir Sævar. Að sögn Sævars
vinnur Fons Juris nú einnig að
tæknilegri lausn þannig að fyrir-
tækið sjái jafnóðum þegar breyting-
ar eru gerðar á efni hjá dómstólun-
um.
Munu fylgja reglum um
nafnbirtingu í dómum
 Nöfn dæmdra verða afmáð úr dómum sé þess óskað
Morgunblaðið/Þorkell
Dómstólar Mögulegt er að fá nafn
sitt afmáð úr dómi eftir eitt ár.
Helgi Bjarnason
helgi@mbl.is
Fólk sem kolefnisjafnar flugferðir
sínar eða aðrar athafnir lífsins
með því að kosta gróðursetningu
trjáa í gegnum TreememberMe
fær upplýsingar um staðsetningu
og tegund trjánna og áætlaða
kolefnisbindingu. Það getur því í
fyllingu tímans heimsótt trjálund-
inn og skoðað trén.
TreememberMe vinnur með
Skógræktinni sem sér um sáningu
og gróðursetningu trjánna og
heldur utan um skógana sem verða
til. Skógarnir verða því í eigu
þjóðarinnar.
Nýjungin hjá TreememberMe
felst í því að það hefur þróað hug-
búnað til að fólk geti séð hvar
trjánum er plantað og af hvaða
tegund þau eru. Það getur svo far-
ið á staðinn og skoðað trén, í fyll-
ingu tímans. „Við erum að reyna
að gera plöntun trjáa aðgengilegri
og skemmtilegri,“ segir Haukur
Björnsson, einn eigenda félagsins.
DoHop-flugleitarvélin býður öll-
um viðskiptavinum að kolefnis-
jafna ferðalög sín með aðstoð
TreememberMe. Félagið hefur
samið við fleiri fyrirtæki hérlendis
og erlendis um kolefnisjöfnun. Öll
skógræktin fer fram á Íslandi og
má því leiða að því líkur að skóg-
rækt á Íslandi verði gjaldeyris-
skapandi, þegar fram líða stundir.
DoHop býður farþegum til
London að kaupa tvö tré og greiða
fyrir 790 krónur og farþegum til
Boston að kaupa sjö tré fyrir 2.765
kr., svo dæmi séu tekin.
Þurfum að breyta
neysluhegðun okkar
Fleiri sjóðir og stofnanir vinna
að kolefnisbindingu. Haukur segir
að best sé að sem flestir geri það.
„Við sem stöndum að þessu litla
hugsjónafélagi erum miklir stuðn-
ingsmenn Kolviðar og Votlendis-
sjóðsins. Aðalmálið er þó það að
við öll, fyrirtæki jafnt og einstak-
lingar, breytum neysluhegðun
okkar og séum meðvitaðri. Kaup-
um minna og kaupum betra. Það
breytir þó ekki því að endurheimt
skóga á Íslandi og um allan heim
er alltaf góð hugmynd,“ segir
Haukur.
Geta alltaf fylgst með trénu sínu
 TreememberMe með nýjung í kolefn-
isbindingu með þátttöku í skógrækt
Morgunblaðið/Árni Sæberg
Guðmundarlundur Börn úr Kópavogi njóta sérstakrar aðstoðar Guðna Th.
Jóhannessonar, forseta Íslands, við gróðursetningu hríslu í skógarlundi.