Morgunblaðið - 02.11.2019, Page 28

28 UMRÆÐAN Messur á morgun
MORGUNBLAÐIÐ LAUGARDAGUR 2. NÓVEMBER 2019
AKUREYRARKIRKJA | Guðsþjónusta kl. 11.
Prestur er Svavar Alfreð Jónsson. Klassíski kór
Akureyrarkirkju syngur. Fjóla Sveinmarsdóttir
syngur einsöng. Organisti er Sigrún Magna Þór-
steinsdóttir. Tekið verður við samskotum fyrir
vinasöfnuð okkar í Kapkoris í Keníu. Sunnudags-
kóli í Safnaðarheimilinu kl. 11. Bangsablessun.
Öll börn mega koma með einn bangsa eða mjúk-
dýr í sunnudagaskólann. Umsjón Sonja Kro og
Jón Ágúst Eyjólfsson.
AKURINN kristið samfélag | Samkoma kl.
14. Biblíufræðsla, söngur og bæn.
ÁRBÆJARKIRKJA | Allra heilagra messa kl.
11. Í guðsþjónustunni verður minnst látinna. Sr.
Þór Hauksson þjónar fyrir altari og prédikar.
Kristina Kalló Szklenár er organisti. Örnólfur
Kristjánsson leikur á selló. Sunnudagaskólinn á
sama tíma í safnaðarheimili kirkjunnar í umsjón
Aldísar og Kristínar. Kaffi og meðlæti á eftir.
ÁSKIRKJA | Messa og barnastarf kl. 11. Þórir
Jökull Þorsteinsson, sóknarprestur í Heið-
arheimi í Noregi, prédikar og þjónar fyrir altari
ásamt Sigurði Jónssyni sóknarpresti. María Jó-
hanna Eyjólfsdóttir djáknakandídat annast sam-
verustund sunnudagaskólans. Félagar úr Kór
Áskirkju leiða sönginn. Orgelleikari er Bjartur
Logi Guðnason. Kaffisopi eftir messu.
Ástjarnarkirkja | Ljósamessa til styrktar Ljós-
inu (Endurhæfingarstöð fyrir krabbameins-
greinda) verður 3. nóvember kl. 20. Tónlistar-
flutningur er í höndum hjónanna Hjalta
Jónssonar og Láru Sóleyjar Jóhannsdóttur.
Guðrún Kristín Svavarsdóttir fjallar um reynslu
sína af sjúkdómnum og Ljósinu. Söfn-
unarbaukur liggur frammi til styrktar málefninu.
Sr. Bolli Pétur Bollason leiðir stundina. Kaffiveit-
ingar að lokinni messu.
BESSASTAÐAKIRKJA | Fjölskylduguðsþjón-
usta kl. 11. Umsjón með stundinni hafa Sigrún
Ósk og sr. Hans Guðberg. Lærisveinar HANS
leika undir sönginn undir stjórn Ástvaldar org-
anista.
BORGARNESKIRKJA | Allra heilagra messa
kl. 11. Sr. Þorbjörn Hlynur Árnason þjónar fyrir
altari. Kirkjukór Borgarneskirkju leiðir sálma-
sönginn. Organisti: Steinunn Árnadóttir. Guðs-
þjónustan er sérstaklega helguð minningu lát-
inna. Jafnframt þökkum við að kirkjan á 60 ára
vígsluafmæli á þessu ári. Súpa og brauð í
Safnaðarheimili kirkjunnar að messu lokinni.
BREIÐHOLTSKIRKJA | Messa kl. 11. Prestur
er Magnús Björn Björnsson. Kór Breiðholtskirkju
syngur undir stjórn Arnar Magnússonar. Sunnu-
dagaskóli kl. 11. Steinunn Þorbergsdóttir,
djákni, og Steinunn Leifsdóttir sjá um stundina.
Worship, prayer meeting and sunday school at
1400 hrs. Pastor Toshiki Toma and Steinunn
Þorbergsdóttir, deacon, serve in the meeting.
Kvöldandakt kl. 20. Minning látinna. Kór Breið-
holtskirkju undir stjórn Arnar Magnússonar syng-
ur. Prestur er Magnús Björn Björnsson.
BÚSTAÐAKIRKJA | Guðsþjónusta kl. 14. Sr.
María G. Ágústsdóttir þjónar ásamt messuþjón-
um. Um tónlistina sjá Antonía Hevesi og félagar
úr Kammerkór Bústaðakirkju. Batamessa kl. 17
á vegum Vina í bata. Gospelkór Árbæjar- og Bú-
staðakirkju syngur og leiðir almennan söng undir
stjórn Þórdísar Sævarsdóttir. Ásta Haraldsdóttir
leikur undir. Fólk úr 12 spora starfi Grens-
áskirkju þjónar ásamt sr. Maríu. Kaffiveitingar á
eftir.
DÓMKIRKJA Krists konungs, Landakoti |
Messa á sunnud. kl. 8.30 á pólsku, kl. 10.30 á
íslensku, kl. 13 á pólsku og kl. 18 á ensku.
Virka daga kl. 18, og má. mi. og fö. kl. 8, lau. kl.
18 er vigilmessa.
DÓMKIRKJAN | Messa og sunnudagaskóli kl.
11. Prestar eru Sveinn Valgeirsson og Elínborg
Sturludóttir. Dómkórinn og Kári Þormar dóm-
organisti. Barnastarfið á kirkjuloftinu í umsjón
Benna og Jóels.
EGILSSTAÐAKIRKJA | Náttfata-sunnudaga-
skóli kl. 10.30. Kvöldmessa kl. 20. Allra heil-
agra messa. Við minnumst látinna ástvina og
samferðafólks og tendrum bænakerti. Sr. Þor-
geir Arason. Organisti er Torvald Gjerde. Kór Eg-
ilsstaðakirkju. Kaffisopi eftir messu.
FELLA- og Hólakirkja | Messa kl. 11. Vísitas-
íumessa, sr. Kristján Björnsson, vígslubiskup í
Skálholti, þjónar í messunni ásamt prestum
kirkjunnar. Í messunni verður minningarstund
fyrir látna ástvini. Kór kirkjunnar syngur undir
stjórn Arnhildar Valgarðsdóttur. Bjargey Birgis-
dóttir leikur á fiðlu og Hulda Jónsdóttir syngur
einsöng. Sunnudagskóli á sama tíma í safn-
aðarheimilinu.
FRÍKIRKJAN Hafnarfirði | Sunnudagaskóli kl.
11. Tónlistarkvöldvaka kl. 20. Sönghópur Frí-
kirkjunnar syngur undir stjórn Arnar Arnarsonar
og Gunnars Gunnarssonar. Kirkjugestum gefst
kostur á að tendra kertaljós í minningu látinna
ástvina sinna.
FRÍKIRKJAN Reykjavík | Allra heilagra messa
sunnudag kl. 14. Messan er sérstaklega helguð
minningu látinna og einkum þeirra sem látist
hafa á undangengnu ári. Aðstandendum og öll-
um þeim sem misst hafa er boðið að koma og
eiga friðsæla minningastund. Þér gefst kostur á
að tendra minningar- og bænaljós. Sigurbjörn
Þorkelsson rithöfundur leiðir stundina. Gunnar
Gunnarsson ásamt hljómsveitinni Möntru og
Sönghópnum við Tjörnina leiða tónlistina.
GARÐAKIRKJA | Minning látinna kl. 14. Kór Ví-
dalínskirkju syngur undir stjórn Jóhanns Bald-
vinssonar organista. Jóhanna Guðrún Jónsdóttir
syngur og Davíð Sigurgeirsson spilar undir á gít-
ar. Októ Einarsson flytur ávarp. Prestar og djákn-
ar í Garðaprestakalli þjóna fyrir altari.
GLERÁRKIRKJA | Allra heilagra messa og
sunnudagaskóli kl. 11. Sr. Gunnlaugur Garð-
arsson þjónar. Kór Glerárkirkju leiðir söng undir
stjórn Valmars Väljaots organista. Einsöngur:
Guðrún Ösp Sævarsdóttir. Umsjón með sunnu-
dagaskóla: Sunna Kristrún djákni.
GRAFARVOGSKIRKJA | Allra heilagra messa
kl. 14. Þar minnumst við sérstaklega þeirra sem
látist hafa á árinu. Prestar kirkjunnar þjóna og
séra Sigurður Grétar Helgason prédikar. Organ-
isti er Hákon Leifsson. Kór Grafarvogskirkju
syngur ásamt Barna- og unglingakór kirkjunnar
undir stjórn Sigríðar Soffíu Hafliðadóttur. Eftir
guðsþjónustuna verður kaffisala fyrir Líknarsjóð
kirkjunnar. Bangsablessun í sunnudagaskól-
anum kl. 11 á neðri hæð kirkjunnar. Öll börn eru
hvött til að taka bangsana sína með.
GRAFARVOGUR - kirkjuselið í Spöng |
Messa kl. 13. Séra Grétar Halldór Gunnarsson
prédikar og þjónar. Vox Populi leiðir söng og org-
anisti er Hilmar Örn Agnarsson.
GRENSÁSKIRKJA | Allra heilagra messa kl.
11. Þar minnumst við sérstaklega látinna, sr.
Eva Björk Valdimarsdóttir ásamt messuþjónum
og fermingarbörnum. Ásta Haraldsdóttir leikur á
hljóðfærið og um sönginn sér kórinn Vox Fem-
inae. Heitt á könnunni fyrir og eftir messu. Athug-
ið að Batamessan verður í Bústaðakirkju kl. 17.
GRINDAVÍKURKIRKJA | Allra heilagra messa
kl. 20. Minnumst þeirra sem látist hafa á árinu
og tendrum ljós í minningu þeirra. Kór Grindavík-
urkirkju leiðir sönginn undir stjórn Erlu Rutar org-
anista. Einsöngvari er Rúnar Þór Guðmundsson.
Kaffiveitingar eftir messu. Sr. Elínborg Gísladótt-
ir.
GRUND dvalar- og hjúkrunarheimili | Allra
heilagra messa kl. 14 í hátíðasal Grundar.
Minnst verður látinna ástvina. Prestur er Auður
Inga Einarsdóttir heimilisprestur. Grundarkórinn
leiðir söng undir stjórn Kristínar Waage org-
anista.
GUÐRÍÐARKIRKJA í Grafarholti | Fjöl-
skyldumessa kl. 11, prestur er Leifur Ragnar
Jónsson og Pétur Ragnhildars. Barnakór Guðríð-
arkirkju syngur í messunni. Allra heilagra messa
kl. 17. Prestur er Leifur Ragnar Jónsson. Minn-
umst við sérstaklega þeirra sem látist hafa á
árinu og hafa verið jarðsungin í Guðríðarkirkju
eða af prestum safnaðarins í öðrum kirkjum. Vor-
boðinn syngur í messunni undir stjórn Hrannar
Helgadóttur organista. Kveikt verður á kertum í
Liljugarðinum eftir messu. Kaffi og konfekt í boði
eftir messuna.
HAFNARFJARÐARKIRKJA | Messa og sunnu-
dagaskóli kl. 11. Kveikt á kertum í minningu lát-
inna ástvina. Prestur er Jón Helgi Þórarinsson.
Organisti er Guðmundur Sigurðsson. Félagar í
Barbörukórnum syngja. Bylgja Dís, Sigríður og Ja-
sper sjá um fjölbreytta dagskrá fyrir börnin í safn-
aðarheimilinu. Hressing á eftir.
HALLGRÍMSKIRKJA | Messa og barnastarf kl.
11. Allra heilagra messa. Sr. Sigurður Árni Þórð-
arson prédikar og þjónar fyrir altari ásamt sr.
Irmu Sjöfn Óskarsdóttur. Hópur messuþjóna að-
stoðar. Organisti er Björn Steinar Sólbergsson.
Félagar úr Schola cantorum syngja. Stjórnandi
erHörður Áskelsson. Thelma Hrönn Sigurdórs-
dóttir sópran syngur einsöng. Umsjón barna-
starfs: Kristný Rós Gústafsdóttir, Ragnheiður
Bjarnadóttir og Rósa Árnadóttir. Samtal um sorg
miðvikud. kl. 17. Kyrrðarstund fimmtudag kl. 12.
HÁTEIGSKIRKJA | Messa kl. 11. Allra heilagra
messa. Kór Menntaskólans við Hamrahlíð leiðir
messusöng. Stjórnandi er Hreiðar Ingi Þor-
steinsson. Organisti er Guðný Einarsdóttir. Prest-
ur er Eiríkur Jóhannsson.
HÓLANESKIRKJA Skagaströnd | Allra heil-
agra messa kl. 20. Sunnudagaskóli kl. 11. Í
messunni verður minnst látinna ástvina og
kveikt á kertum. Nefnd verða nöfn þeirra sem lát-
ist hafa á síðastliðnu ári og skráðir í kirkjubækur
prestakallsins. Hægt er að nefna fleiri við sókn-
arprest svo nöfn þeirra verði einnig lesin. Alt-
arisganga. Kór Hólaneskirkju syngur undir stjórn
Hugrúnar Sifjar Hallgrímsdóttur organista og kór-
stjóra. Bryndís Valbjarnardóttir sóknarprestur.
HRAFNISTA Reykjavík | Guðsþjónusta á Allra
heilagra messu kl. 14 í samkomusalnum Helga-
felli. Við minnumst látinna og þökkum samfylgd.
Organisti er Bjartur Logi Guðnason. Einsöngur
Anna Sigríður Helgadóttir. Félagar úr kór Áskirkju
leiða safnaðarsöng. Ritningarlestra les Kristín
Guðjónsdóttir. Sr. Svanhildur Blöndal prédikar og
þjónar fyrir altari.
HRUNAKIRKJA | Hversdagsmessa á fimmtu-
dag 7. nóvember kl. 20. Söngur, orð og bæn.
HVALSNESKIRKJA | Allra heilagra messa kl.
14. Látinna minnst og kveikt á kertum. Kirkjukór-
inn syngur undir stjórn Keiths Reed.
HVÍTASUNNUKIRKJAN Fíladelfía | Sam-
koma kl. 11. Service. Translation into English.
Samkoma á spænsku kl. 13. Reuniónes en esp-
añol. Samkoma á ensku kl. 14. English speak-
ing service. Samkoma Fíló+ kl. 20.
ÍSLENSKA Kristskirkjan | Almenn samkoma
kl. 13. Engin hefðbundin prédikun heldur er sam-
koman opin fyrir vitnisburði. Kaffi að sam-
verustund lokinni.
KEFLAVÍKURKIRKJA | Fjölskyldumessa kl.
11. Sr. Erla og sr. Fritz Már þjóna. Súpa eftir
messu.
Sama dag kl. 20, Allra heilagra messa í sam-
starfi við Heilbrigðisstofnun Suðurnesja, Kaffi-
veitingar í lok stundar. Miðvikudagur 6. nóv.:
kyrrðarstund í Kapellu vonarinnar. Föstudagur 8.
nóv. kl. 12: kyrrðarbæn í Kapellu vonarinnar.
KÓPAVOGSKIRKJA | Guðsþjónusta kl. 11 á
Allra heilagra messu. Sr. Sigurður Arnarson þjón-
ar fyrir altari og Ásta Ágústsdóttir djákni prédikar.
Minnst verður þeirra sem látnir eru. Kór Kópa-
vogskirkju syngur undir stjórn Lenku Mátéová.
Katrin Haymann flautuleikari og Össur Ingi Jóns-
son óbóleikari leika. Flutt verður tónlist frá kl.
10.30 í kirkjunni.Sunnudagskólinn hefst kl. 11 í
safnaðarheimilinu Borgum. Eftir guðsþjónustu
verður fyrirlestur í safnaðarheimilinu um sorg og
sorgarviðbrögð.
LANGHOLTSKIRKJA | Messa kl. 11. Sr. Aldís
Rut Gísladóttir þjónar. Graduale Nobili syngur
undir stjórn Þorvaldar Davíðssonar, organisti er
Magnús Ragnarsson. Sunnudagaskólinn á sín-
um stað undir stjórn Söru Grímsdóttur. Léttur
hádegisverður eftir messu.
LAUGARNESKIRKJA | Allra heilagra messa kl.
11. Minning látinna. Sr. Davíð Þór Jónsson,
Elísabet Þórðardóttir organisti og Kór Laugar-
neskirkju. Sunnudagaskóli á meðan. Kökubasar
kvenfélagsins og kirkjukaffi á eftir.
5.11.: Kyrrðarbæn kl. 20. Kristin íhugun. Húsið
opnað kl. 19.40.
6.11.: Félagsmiðstöðin Dalbraut 18-20. Helgi-
stund kl. 14.
7.11.: Áskirkja kl. 12. Kyrrðarstund. Hádegis-
verður og opið hús á eftir.
Hásalurinn Hátúni 10 kl. 16. Helgistund með sr.
Davíð Þór.
9.11.: Ashura – félag Horizon kl. 14. Opið hús.
LÁGAFELLSKIRKJA | Allra heilagra messa.
Guðsþjónusta kl. 20. Minning látinna. Sr. Ragn-
heiður Jónsdóttir og Rut G. Magnúsdóttir leiða
stundina. Kirkjukór Lágafellssóknar syngur og
Þorvaldur Örn Davíðsson stjórnar kór og leikur á
orgel.
Sunnudagaskóli í kirkjunni kl. 13. Berglind og
Þorvaldur sjá um stundina. www.lagafells-
kirkja.is
LINDAKIRKJA í Kópavogi | Sunnudagaskóli
kl. 11. Kór Lindakirkju býður til tónlistarveislu kl.
20. Flutt verður blanda af kraftmikilli gospel-
tónlist. Aðgangur á tónleikana er ókeypis en tek-
ið verður við frjálsum framlögum til styrktar for-
varnarverkefninu Eitt líf.
MIÐDALSKIRKJA í Laugardal | Guðsþjón-
usta kl. 14. Allra heilagra messa. Söngkór Mið-
dalskirkju syngur, organisti er Jón Bjarnason.
Séra Skírnir Garðarsson þjónar fyrir altari og pré-
dikar.
NESKIRKJA | Messa og sunnudagaskóli kl.
11. Kveikt á kertum í minningu látinna. Félagar
úr kór Neskirkju syngja, organisti er Steingrímur
Þórhallsson. Prestur er Steinunn Björnsdóttir.
Sunnudagaskólinn er í umsjón Margrétar Hebu,
Árna Þórs og Ara. Samfélag og hressing á Torg-
inu að venju.
Regnbogamessa kl. 18. Prestar Neskirkju
þjóna, Hinsegin kórinn syngur undir stjórn Helgu
M. Marzellíusardóttur. Undirleikari er Sigurður H.
Oddsson. Samfélag og hressing á Torginu eftir
messu og lok sýningarinnar Regnbogabrautar.
ÓHÁÐI SÖFNUÐURINN | Samverustund aldr-
aðra kl. 14. Kór eldri borgara í Kópavogi syngur.
Sérstakur gestur verður kunnur Hammondorgel-
leikari, Svíinn Andreas Hellkvist. Maul eftir sam-
verustundina.
ÓLAFSVALLAKIRKJA á Skeiðum | Messa kl.
11. Kirkjukórar prestakallsins syngja saman
ásamt Tvennum tímum undir stjórn organist-
anna. Súpa og brauð á eftir í Brautarholti.
SALT kristið samfélag | Sameiginlegar sam-
komur Salts og SÍK kl. 17 alla sunnudaga í
Kristniboðssalnum Háaleitisbraut 58-60. Yfir-
skrift: Er Guð blindur? Ræðumaður: Daníel
Steingrímsson. Barnastarf. Túlkað á ensku.
SELJAKIRKJA | Barnaguðsþjónusta kl. 11. Óli
og Jóhanna leiða samveruna. Kvöldguðsþjón-
usta kl. 20. Sr. Ólafur Jóhann Borgþórsson pré-
dikar, kór Seljakirkju leiðir söng og Tómas Guðni
leikur á píanóið. Athugið breyttan guðsþjónustu-
tíma.
SELTJARNARNESKIRKJA | Fræðslumorgunn
kl. 10. Þú hefur gengið of langt – frásaga af Jak-
obsvegi. Eggert Benedikt Guðmundsson, for-
stöðumaður Grænvangs, talar.
Messa og sunnudagaskóli kl. 11. Sr. Bjarni Þór
Bjarnason þjónar. Guðrún Jónsdóttir, formaður
menningarnefndar Seltjarnarness, flytur ávarp.
Hilmar Örn Agnarsson er organisti og stjórnar
Söngfjelaginu. Guðný Guðmundsdóttir leikur ein-
leik á fiðlu. Sveinn Bjarki og leiðtogar sjá um
sunnudagaskólann. Kaffiveitingar í safnaðar-
heimilinu eftir athöfn.
SEYÐISFJARÐARKIRKJA | Sunnudagaskól-
inn kl. 11. Biblíusaga, kirkjubrúður, Hafdís og
Klemmi og skúffukaka með hrollvekjandi ívafi.
Allra heilagra messa kl. 20. Látinna minnst og
kveikt á kertum í þeirra minningu. Kór Seyðis-
fjarðarkirkju leiðir almennan safnaðarsöng. Org-
anisti er Rusa Petriashvili. Meðhjálpari er Jó-
hann Grétar Einarsson og prestur er Sigríður
Rún Tryggvadóttir.
SKÁLHOLTSDÓMKIRKJA | Allra heilagra
messa kl. 11. Séra Skírnir Garðarsson þjónar
fyrir altari og prédikar. Organisti er Jón Bjarna-
son. Almennur safnaðarsöngur.
ÚTSKÁLAKIRKJA | Allra heilagra messa kl.
11. Látinna minnst og kveikt á kertum. Kirkju-
kórinn syngur undir stjórn Keiths Reed.
VÍDALÍNSKIRKJA | Fjölskylduguðsþjónusta kl.
11. Barnakórar Vídalínskirkju syngja undir stjórn
Jóhönnu Guðrúnar Jónsdóttur og Davíðs Sigur-
geirssonar. Börnin mega taka með sér bangs-
ann sinn og gæludýr. Fermingarbarnahátíð kl.
17. Króli og JóiPé syngja ásamt gospelkór Jóns
Vídalíns sem Davíð Sigurgeirsson stýrir. Már
Gunnarsson flytur ávarp og syngur. Tekið á móti
hjálparstarfsbaukunum. Boðið upp á pítsu í
safnaðarheimilinu á eftir. Foreldrar og ferming-
arbörn hvött til þátttöku.
VÍÐISTAÐAKIRKJA í Hafnarfirði | Guðsþjón-
usta kl. 11 á allra heilagra messu. Látinna
minnst. Kór Víðistaðasóknar syngur undir stjórn
Helgu Þórdísar Guðmundsdóttur og sr. Bragi J.
Ingibergsson þjónar með aðstoð messuþjóna.
Veitingar að guðsþjónustu lokinni í safnaðar-
salnum. Myndlistarsýning Ragnheiðar Líneyjar
Pálsdóttur opnuð í tilefni Vetrardaga í Víðistaða-
kirkju.
YTRI-Njarðvíkurkirkja | Sunnudagaskóli kl.
11 í umsjón Heiðars, Dísu, Regínu Rósu og Rak-
elar Óskar. Leikhópurinn Lotta skemmtir.
Guðsþjónusta/altarisganga kl. 14. Sr. Baldur
Rafn þjónar fyrir altari og kirkjukórinn leiðir söng
undir stjórn Stefáns H. Kristinssonar. Meðhjálp-
ari er Pétur Rúðrik Guðmundsson.
ORÐ DAGSINS: Jesús
prédikar um sælu.
(Matt. 5)
Á háskólaárunum
sagði ég herbergis-
félaga mínum á heima-
vistinni frá því að ég
þjáðist af áráttu- og
þráhyggjuröskun
(OCD). Hún skellihló
því hún hélt að þetta
væri brandari. Þegar
ég fullvissaði hana um
að svo væri ekki, var
hún alveg viss um að
ég hefði verið alvarlega misgreind.
Ég væri „minnst OCD-manneskja
sem hún þekkti“. Hefði ég séð her-
bergið mitt? Það væri algjör rúst.
Það var rétt hjá henni að her-
bergið mitt var rúst. Ég hef þann
hæfileika að geta ruslað til og búið til
algjöra kaos á mettíma. Ég er mjög
óskipulögð, týni öllu, gleymi öllu og
er alltaf sein. Ég er heldur alls ekki
sýklahrædd. Ég hlamma mér niður á
allar klósettsetur, tek í hendur,
knúsa ókunnuga, borða upp úr jörð-
inni, deili rörum með öðrum og
myndi algjörlega lána vinum mínum
tannburstann minn.
Ég skil að háskólavinkona mín hafi
haldið að ég væri misgreind því ég er
algjörlega andstæðan við það sem
flestir ímynda sér þegar þeir heyra
talað um OCD. Fólk talar um að vera
svo OCD með hlutina þegar það er
að lýsa því að vilja hafa þá akkúrat,
eða kannski vera með einhverskonar
krúttlega sérvisku yfir þeim. Að vera
OCD er orðið að samheiti yfir að
vera með gott skipulag á öllu, vera
ofurhreinlegur, og með allt í röð og
reglu.
Það er ekkert skrýtið að fólk sjái
því OCD sem einskonar náðargáfu
og oft óskar fólk mér til hamingju
með að vera með það. Það getur því
verið erfitt að skilja hvernig ég end-
aði inni á geðdeild út af OCD. „Bíddu
endaðirðu inni á geðdeild því þú ert
svo hreinleg og skipulögð?“
Það er mesti misskilningur að ár-
áttu- og þráhyggjuröskun hafi nokk-
uð með það að gera að vera hrein-
legur eða skipulagður. Stundum eru
áráttueinkenni vissulega endalaus
þrif, eða ofurskipulag en vandamálið
á bak við slíka hegðun er miklu
stærra.
Að þjást af OCD er eins og að vera
með bilaðan reykskynjara inni í heil-
anum sem bara þú heyrir í. Þú ert
endalaust að sjá neyðarástand og
hættur sem enginn annar sér. Síðan
ég man eftir mér hef ég alltaf verið
að sjá aðstæður þar sem fólk eða dýr
geta orðið fyrir skaða eða dáið, sem
enginn annar tekur eftir eða hefur
nokkrar áhyggjur af. Ég skildi ekki
af hverju ég var alltaf að hugsa um
svona hrylling, og þá sannfærði
OCDið mig um að það hlyti að vera
út af því að mig langaði að þeir gerð-
ust. Út frá því byrjaði þessi ofur-
hræðsla um að ég myndi valda öðr-
um skaða. Nú veit ég að þetta eru
alveg ótrúlega allgengar hugsanir
hjá fólki með OCD, en ég var bara
barn sem vissi ekki neitt og hélt að
ég væri algjört skrímsli.
Til þess að losa mig við þann mikla
kvíða sem fylgdi þessum hugsunum
stundaði ég alls konar áráttuhegðun
til að vernda fólk frá þessum hættum
sem ég sá alls staðar, og þá sérstak-
lega frá sjálfri mér. Ég var alltaf að
passa upp á að allt væri öruggt, fór
yfir hlutina endalaust í
huganum til að reyna að
öðlast fullvissu um að ég
hefði ekki gert eitthvað
rangt, fór í sturtu til að
þvo í burtu vonda orku,
fór með bænir og forð-
aðist aðstæður sem
gætu vakið slæmar
hugsanir.
Þegar ég var upp á
mitt versta eyddi ég öll-
um sólarhringnum í að
tína upp og fjarlægja
hluti sem gætu verið
hættulegir því mér leið eins og ég ein
væri ábyrg fyrir því að vernda allar
lífverur fyrir öllum skaða sem þær
gætu mögulega orðið fyrir. Í fyrstu
voru þetta hlutir eins og glerbrot en
svo var þetta komið út í að tína upp
hvert einasta hefti, trjágrein, blað-
snifsi og jafnvel kusk. Þetta snerist
ekki bara að um fjarlægja hættur
lengur heldur líka það sem vakti
hugsanir um hryllilega atburði. Mað-
ur týnist svo ótrúlega fljótt í OCD og
áráttan verður alltaf langsóttari.
Á endanum var ég hætt að geta
farið út úr húsi. Ég þorði ég ekki
einu sinni að opna augun því ég sá
svo mikið af hættum og „triggerum“
alls staðar. Ef ég neyddist til að fara
á milli staða lokaði ég augunum og
bað fólk að leiða mig í rétta átt. Ég
var algjörlega búin að missa tökin.
Ég var tékkuð inn á geðdeild og við
tók margra mánaða meðferð og end-
urhæfing.
Síðan þá hef ég þurft að gefa upp
ofurábyrgð og læra að lifa með
óvissu. Að leyfa mér að verða betri
hefur verið ótrúlega erfitt, því mér
líður svo sjálfselskri, kærulausri, og
oft hreinlega hættulegri þegar ég
berst gegn OCD. Þar sem þráhyggj-
urnar snúast oft um að eitthvað al-
gjörlega hryllilegt gerist nema að
maður framkvæmi það sem lýsir ár-
áttu, líður manni eins og algjöru ill-
menni ef maður framkvæmir það
ekki. OCD er mest sannfærandi afl
sem ég hef kynnst og ótrúlega
snjallt. Enn í dag þarf ég að vera
mjög meðvituð um hugsanaferlið
mitt svo ég sogist ekki inn í hvirf-
ilbylinn.
Meðferðin hefur reynt mikið á og
verið algjört helvíti stundum, en
verðlaun mín fyrir að ganga í gegn-
um hana eru þau að ég endurheimti
líf mitt. Ég var í fangelsi OCD og
með því að losna úr prísundinni hef
ég fengið frelsi til þess að lifa lífinu á
mínum eigin forsendum. Ég get nú
sett svip minn á heiminn og vonandi
betrað hann með veru minni í hon-
um. Það sem fólk sagði við mig þegar
ég var alveg að gefast upp á með-
ferðinni er svo satt: „Ég get ekki
sagt þér að þetta verði auðvelt en ég
get sagt þér að þetta verður þess
virði.“
Óskipulagði
OCD-sjúklingurinn
Eftir Hönnu
Guðrúnu
Halldórsdóttur
Hanna Guðrún
Halldórsdóttir
»Að vera OCD er oft
notað í gamni sem
samheiti yfir að vera
skipurlagður og hrein-
legur, en í rauninni er
OCD alvarlegur og haml-
andi geðsjúkdómur.
Höfundur fæst við leiklist og skriftir.
Instagram: heartfullyhanna
ÞÚ FINNUR ALLT Á FINNA.IS
VEISTU UM GÓÐAN
RAFVIRKJA?