Morgunblaðið - 19.12.2019, Síða 58

58 UMRÆÐAN
MORGUNBLAÐIÐ FIMMTUDAGUR 19. DESEMBER 2019
Háaleitisbraut 58–60 • 108 Reykjavík • Sími: 553 1380 STOFNAÐ 1953
Njóttu jólabakstursins,
við hreinsum fötin
Hver er eiginlega
leyndardómurinn á
bak við gleðileg jól?
Við því er auðvitað
ekkert eitt rétt svar,
eins og hver og einn
veit. Maður skyldi
reyndar ætla að það
væri fullt af sérfræð-
ingum um þetta mál-
efni úti í samfélaginu,
því að vikurnar fyrir
jól hafa fjölmiðlarnir
varla undan að bera í
okkur „upplýsingar“
um það frá hinum og
þessum aðilum úti í
bæ, hvernig við eig-
um að ná gleðinni í
hús um jólin. Og aug-
lýsingarnar sem fylla
póstkassana hjá okk-
ur gera það sama.
Yfirleitt er gleði
jólanna samkvæmt
auglýsingunum talin
felast í því að kaupa
eitthvað dót eða mat
eða föt, hvort sem við
höfum nú efni á því eða
ekki.
En, það er nú samt
eins og eitthvað vanti á
jólagleðina hjá mörg-
um.
Þess vegna langar
mig til þess að benda
þér á allt aðra leið.
Hún felst í því sem ég
kalla „uppskrift að
gleðilegum jólum“. Ég
hef búið hana til upp
úr hinum og þessum
samtölum sem ég hef
átt við fólk út um borg
og bý á undanförnum
árum. En þótt margir
hafi komið með ábend-
ingarnar hér að því
hvað felst í jólagleð-
inni, þá eru samt flest-
ir ótrúlega mikið á
sama máli um þessa
uppskrift, bæði hvað
þarf í hana og hvernig
eigi að matreiða hana til þess að úr
verði gómsætur og vellukkaður
„réttur“.
Ef þér og þínum líst vel á hana
mæli ég með því að þið skellið ykkur
í „baksturinn“ þegar kemur að jól-
um á þessu ári.
Forsendan fyrir því að upp-
skriftin heppnist vel er reyndar sú
að allir sem ætla að halda jól saman
komi með hráefnið í kökuna.
Það verða auðvitað líka allir að
taki þátt í því að baka hana, leggja
sitt af mörkum.
En hér kemur þá uppskriftin að
gleðilegum jólum:
2 bollar af ást
2 bollar af trausti milli ástvina
4 bollar af tíma, næði og ró
4 bolli umhyggja fyrir þeim okkar sem
eru einmana, sorgmædd og sjúk
4 dl húmor til að brosa að óréttlæti og
spillingu samfélagsins okkar
175 g mjúk vinátta tölum saman um
það sem skiptir máli
1 1/2 dl fyrirgefning
3 stórar matskeiðar af virðingu
2 tsk. gagnkvæmur skilningur á því
hvernig öðrum líður
2 tsk. jákvæðni
Stór slatti af hrósi, sérstaklega ef við
höfum ekki hrósað hvert öðru lengi
Aðferð:
Hrærið öllu varlega saman í góðri
skál. Skálin er það umhverfi sem þið
hafið búið ykkur og það rými sem
þið gefið hvort öðru í lífinu. Ætlið
ykkur góðan tíma því annars er
hætta á að eitthvað af þurrefnunum
gleymist eða hlaupi í kekki.
Farið varlega með að bæta áfengi
í uppskriftina. Best er að sleppa því
alveg.
Bakist í vinalegu umhverfi og eins
lengi og þurfa þykir. Hægt er að
krydda og skreyta kökuna allt eftir
smekk. Það breytir ekki sjálfri kök-
unni, en útkoman verður skemmti-
legri og persónulegri. Ekki skaðar
krem með tilbreytingu að eigin vali.
Munið að tala saman um baksturinn,
því annars brennur allt við í ofn-
inum.
Berist fram í tíma og ótíma við
jólaljós Jesú Krists og með bros á
vör.
Gleðileg jól.
Uppskrift að gleðilegum jólum
Eftir Þórhall
Heimisson
»Ef þér og þín-
um líst vel á
hana mæli ég
með því að þið
skellið ykkur í
„baksturinn“
þegar kemur að
jólum á þessu
ári.
Þórhallur Heimisson
Höfundur er prestur og
hjónaráðgjafi.
Gleðileg jól Samvera er mikilvægt innihaldsefni í uppskrift að góðum og gleðilegum jólum.
Fasteignir