Tímarit hjúkrunarfræðinga - 2015, Page 31

Fagið04/09
sýkingar af völdum Enterococcae. Bakteríurnar geta myndað ónæmi
fyrir Vancomycin og kallast þá Vancomycin ónæmir Enterococci. Fólk
getur verið með VÓE í görninni án nokkurra einkenna (sýklun) en
á sjúkrahúsum getur þessi baktería valdið sýkingum hjá veikburða
einstaklingum (Landspítali, 2010).
BBL (breiðvirkir betalaktamasar) er samheiti yfir ESBL (Extended
spectrum beta-lactamase), AmpC og Karbapenamasa. Yfirleitt
er um að ræða Gram-neikvæðar bakteríur sem tilheyra eðlilegri
flóru garna (oftast E. coli eða Klebsiella pneumoniae) sem verða
ónæmar fyrir betalaktamlyfjum og jafnvel fleiri sýklalyfjaflokkum.
Þessar bakteríur geta meðal annars valdið þvagfærasýkingum,
blóðsýkingum, sára sýkingum og sýkingum í kviðarholi. Bakteríur
sem mynda Karbapenemasa eru ónæmar fyrir fleiri tegundum
sýklalyfja en betalaktamlyfjum og geta í versta falli verið alónæmar
(Landlæknisembættið, e.d. b). Ógnvænleg þróun hefur orðið í út-
breiðslu karbapenamasa-myndandi baktería í heiminum. Dánartíðni af
völdum þessara baktería er á bilinu 30-60% (Tzouvelekis o.fl., 2014).
mynd 1. Meþisillín-ónæmur Staphylococcus aureus (MÓSA) í mönnum á Íslandi.