Bændablaðið - 01.11.2018, Page 1

18 –19
21. tölublað 2018 ▯ Fimmtudagur 1. nóvember ▯ Blað nr. 526 ▯ 24. árg. ▯ Upplag 32.000 ▯ Vefur: bbl.is
Gunnar Þorgeirsson, formaður
Sambands garðyrkjubænda, er
ómyrkur í máli um þær fyrir-
ætlanir ráðamanna að innleiða
orku markaðslagabálk ESB á
Íslandi sem nefndur hefur verið
„Orkupakki 3“. Hann segir
málið grafalvarlegt fyrir Ísland
og íslensku þjóðina og undrast
áhuga leysi þingmanna á þessari
stöðu.
„Ef Íslendingar ætla ekki að
standa vörð um eigið sjálfstæði
þá veit ég ekki á hvaða vegferð
menn eru í þessum málum. Þetta er
skelfileg staða og verst að hugsa til
þess að íslenskir stjórnmálamenn
virðast ekki skilja um hvað málið
snýst og ég efast um að þeir hafi
lesið sér til um það.“
Garðyrkjan mun leggjast af
„Í dag felst um 30% kostnaðar við
rekstur garðyrkjustöðva í kaupum
á raforku. Innleiðing á Orkupakka
3 mun án nokkurs vafa leiða til
lagningar sæstrengs og hækkunar á
raforkuverði. Þá er borðleggjandi að
íslensk garðyrkja mun leggjast af í
þeirri mynd sem hún er nú.
Ef það gerist er ólíklegt að það
borgi sig yfir höfuð að framleiða
grænmeti yfir vetrartímann á Íslandi.
Eins og staðan er í dag þá eru menn
að berjast í bökkum svo ekki lagast
það ef kostnaður hækkar vegna
aðgerða stjórnmálamanna.“
Engir íslenskir tómatar, engar
gúrkur, kryddjurtir eða jarðarber
„Það er algjörlega ljóst í mínum huga
að við innleiðingu á Orkupakka 3 og
hækkandi raforkuverði í kjölfarið
verða ekki framleiddir hér framar
tómatar, gúrkur, jarðarber eða
grænmeti sem krefst raflýsingar.
Kryddjurtirnar frá mér myndu
örugglega hverfa úr verslunum.“
Heilagari en páfinn í innleiðingu
Evrópureglugerða
„Við virðumst alltaf þurfa að vera
heilagari en páfinn þegar kemur
að því að taka upp reglugerðir
Evrópusambandsins, jafnvel þótt
þær eigi ekkert við á Íslandi.
Ef ég nefni bara sem dæmi
síðustu orkulöggjöf frá ESB um
að aðskilja skyldi framleiðslu og
dreifingu á raforku. Sá aðskilnaður
er nú ekki meiri en svo að
Landsvirkjun á stærsta hlutann í
dreifingarfyrirtækinu Landsneti. Til
hvers var þá verið að þessu? Það eina
sem breyttist var að skrifstofum og
yfirmönnum fjölgaði og við bættust
nýir reikningar inn á borð neytenda
um flutning á rafmagninu.“
Undarleg umhverfisstefna
Gunnar segir það undarlega
umhverfis stefnu íslenskra stjórn -
valda að eyðileggja þá hreinleika-
ímynd sem landið hefur haft, m.a.
með sinni hreinu orku. Sala á
hreinleikavottorðum vegna raforku
sé nú þegar búin að óhreinka þá
mynd þannig að 87% orkunnar
er sögð framleidd með kolum,
olíu, gasi og kjarnorku. Svo segir
umhverfisráðherra ekkert hægt að
gera í málinu.
Segir Gunnar að ef síðan eigi með
innleiðingu Orkupakka 3 að kippa
fótunum endanlega undan innlendri
framleiðslu á hreinustu matvörum
sem þekkist á byggðu bóli, þá sé
illa komið fyrir Íslendingum. Í
staðinn ætli menn svo að flytja
inn allar þessar matvörur með
tilheyrandi kolefnisspori vegna
flutninga. Það sé undarlegt innlegg
í loftslagsumræðuna.
Öll íslensk matvælaframleiðsla og
ferðaþjónusta skaðast líka
Gunnar segir að þetta eigi ekki
bara við garðyrkjuna, heldur
allan landbúnað, fiskiðnað og alla
matvælavinnslu í landinu. Það
snerti síðan líka með beinum hætti
ferðaþjónustuna sem menn hafi
verið að reyna að byggja upp á
undanförnum árum.
Hreinleikaímynd landsins
algjörlega eyðilögð
„Við innleiðingu orkupakkans
væri hreinleikaímynd landsins
algjörlega eyðilögð. Við þurfum
þá ekki að gorta okkur af því lengur
að Ísland sé hreinasta land í heimi,“
segir Gunnar Þorgeirsson.
Byggja allt sitt á hreinleikanum

Gunnar býr ásamt konu sinni,
Sigríði Eddu Jóhannesdóttur, að
Ártanga sem er í landi Ormsstaða
á Suðurlandi. Þau hafa byggt þar
upp gróðrarstöð frá árinu 1986 eftir
að þau komu heim frá Danmörku
þar sem Gunnar stundaði nám
í garðyrkju. Í fyrstu snerist
reksturinn í kringum framleiðslu
á pottaplöntum, en árið 2013
söðluðu þau hjón um og sneru sér
að ræktun kryddjurta. Nú eru þau
með fjölda manns í vinnu og rækta
um eða yfir 17 tegundir kryddjurta.
Til þess hafa þau nýtt hreint og
ómengað vatn ásamt raforku úr
endurnýjanlegum orkulindum og
jarðhita. /HKr.
–Sjá nánar um málið
á bls. 20 til 23
Formaður Sambands garðyrkjumanna óttast um íslenska matvælaframleiðslu við innleiðingu á Orkupakka 3 frá ESB:
Borðleggjandi að íslensk garðyrkja mun
leggjast af í þeirri mynd sem hún er nú
– Telur afleiðingar líka verða grafalvarlegar fyrir annan landbúnað, fiskiðnað og matvælavinnslu í landinu sem og ferðaþjónustuna
Gunnar Þorgeirsson, formaður Sam-
bands garðyrkjubænda. Mynd / smh
Mynd / Magnús Hlynur Hreiðarsson
Nýtir nú alla mjólk sem til fellur
á Vestfjörðum og rúmlega það
26–27 36–37
Akureyri fagnar 90 ára afmæli
Tollasamingar við ESB:
Með margfalt hærra
hlutfall en í Noregi
Tollkvóti sem Evrópusambandið
fær varðandi innflutning á
alifuglakjöti til Íslands verður
töluvert meiri en innflutnings-
kvótinn til Noregs við innleiðingu
tollasamnings Íslands og ESB.
Samkvæmt samantekt Ernu
Bjarnadóttur, hagfræðings Bænda-
samtaka Íslands, þá er þetta afar
undarlegt í ljósi stærðarmismunar
þjóðanna, en Norðmenn eru rúmlega
15 sinnum fleiri en Íslendingar.
Þegar tollasamningur Íslands
og ESB verður að fullu kominn til
framkvæmda verður ESB heimilt
að flytja tollfrjálst til Íslands
1.056 tonn af alifuglakjöti en á
sama tíma einungis 900 tonn til
Noregs. Ef jafnræði ætti að gæta í
tollasamningum ESB við Ísland og
Noreg ætti tollfrjáls innflutningur
ESB til Noregs að nema tæplega
13.633 tonnum en ekki 900 tonnum.
Mikil ásælni ESB í tollfrjálsan
innflutning til Íslands vekur því
nokkra furðu. /HKr.
– Sjá nánar á bls. 2