Bændablaðið - 01.11.2018, Blaðsíða 41

Bændablaðið | Fimmtudagur 1. nóvember 2018 41
Aðalfundur Samtaka Selabændaverður haldinn í Heklu 2. hæð, Hótel Sögu laugardaginn 10. nóvember 2018, kl. 9.Aðalfundur Æðarræktarfélagsins hefst kl. 11. Venjuleg aðalfundarstörf.Hin árlega rómaða selaveisla verður haldin í Haukahúsinu 10. nóvember n.k. Húsið opnar kl. 19. Fjölbreyttur matseðill að venju. Miðar verða seldir í veitingahúsinu Laugaási við Laugarásveg. Einnig er hægt að hafa samband við Ingibjörgu í síma 895-5808 sem mun sjá um miðana.
Stjórnin.
– Steinsagir, kjarnaborvélar, gólf- og vegsagir
MHG Verslun ehf | | 20 Kópavogi | Sími 544-4656 | www.mhg.is
ALLT FYRIR ATVINNUMANNINN
HUSQVARNA
FS 400 LV
Sögunardýpt 16,5 sm
HUSQVARNA
K 7 0
Sögunardýpt 12,5 sm
HUSQVARNA
K 2500
Sögunardýpt 14,5 sm
HUSQVARNA
DM 230
HUSQVARNA
K 3600 MK II
Sögunardýpt 27 sm
HUSQVARNA
Steinsagarblöð
og kjarnaborar
Sími: 517-8240 - Súðarvogur 20 - www.eyjalind.is
Vertu vinur okkar á Facebook
Gúmmíbelti
- Fyrir smágröfur
LESENDABÁS
Nú verða bændur að stíga á svið og berjast:
„Við stjórnmálamenn að eiga“
Loksins er það að gerast að
mótmæli eru hafin vegna
framkomu ríkisvaldsins
gagnvart landbúnaðinum,
þar má nefna Samband
garðyrkjubænda, Samband
sunnlenskra sveitar félaga,
Búnaðarsamband Suðurlands
og Hveragerðisbæ o.fl. Það
er ekki spurning að málefni
bænda og landbúnaðarins
eru illa komin í ráðuneytinu
og það á reyndar við um alla
stjórnsýslu landbúnaðarins.
Stjórn Auðhumlu skoraði
á dögunum á Kristján Þór
Júlíusson landbúnaðarráðherra
að endurskoða ákvörðun sína
um að hætta við ráðningu
skrifstofustjóra á skrifstofu
matvæla og landbúnaðar
í atvinnuvegavega- og
nýsköpunar ráðuneytinu. Síðan sagði:
„Fyrir um áratug var landbúnaði
og sjávarútvegi skeytt saman undir
einu ráðuneyti og það fylgdi jafnframt
sögunni að þessi breyting yrði til þess
fallin að styrkja stjórnsýsluumhverfi
landbúnaðarins. Raunin varð önnur
og hefur sá mannauður sem hafði
góða þekkingu á landbúnaði nánast
þurrkast út í ráðuneytinu. Nú þarf
að blása til sóknar því að verkefnin
á sviði landbúnaðar eru mörg og
mikilvæg og skipta máli fyrir framtíð
landbúnaðarins á Íslandi. Það verður
ekki gert með því að leggja þau í
skrifstofu alþjóðamála.“
Svo mörg voru þau orð
en athyglisvert þetta með að
þessi breyting átti að styrkja
stjórnsýsluumhverfi landbúnaðarins
og nú er enginn sérfræðingur eða
sérmenntaður maður þar starfandi
á sviði landbúnaðarins. Og öll
stjórnsýsla og undirstofnanir
sem heyrðu til landbúnaðarmála
sundurhöggnar hér og þar,
úrbeinaðar eða komnar undir MAST,
eftirlitsstofnun ríkisins, trúlega brot á
lögum, jafnvel stjórnarskrá. Að auki
situr ráðuneytisstjórinn í ráðuneytinu
bullandi sveittur með tvo ráðherra
í fanginu, stundum hvor úr sínum
flokknum, sokkinn í verkefnum.
Kristján Þór Júlíusson var að
henda starfi Ólafs Friðrikssonar
í alþjóðlegan fulltrúa. Búvöru-
samningar og tollamál og allt
sem heyrði undir Ólaf nú vistað í
alþjóðadeildinni?
Af hverju fór Ólafur ekki með
verkefnin með sér í rassvasanum
til Brussel? Þaðan koma kröfurnar
sem hafa ýtt landbúnaðinum út. Allt
sagt og fyrir séð hvernig fara mundi
þegar 2007 en það skal viðurkennt
að staðan er miklu verri og hættulegri
en nokkrum gat dottið í hug.
Nú blasir t.d. við að Alþjóða-
heilbrigðisstofnunin segir að mesta
vá mannkynsins sé lyfjanotkun
í landbúnaði og sýklalyfjaóþol.
Hér gera alls konar menn lítið úr
hættunni sem af þessu stafar.
Ásókn ESB-landa er mikil að
koma af sér úrgangi, þar með talið
hænsna- og svínaskít, Hollendingar
munu hafa beðið Íslendinga að
dreifa sínum skít á sanda og mela
hér, verður það kannski leyft?
Skyldu stráin við Braggann í
Reykjavík frá Danmörku t.d. hafa
fengið leyfi frá MAST? Mold getur
flutt með sér margt eitrað sem ekki
er til í íslenskri náttúru.
Bændur vita ekki um vinsældir
og styrk sinn
Bændur vita ekki hversu vinsælir
þeir eru með þjóð sinni sem stétt
eða einyrkjar hringinn í kringum
landið með fjölskyldubú eða
sem matvælaframleiðendur. Það
kom best í ljós á nýafstaðinni
Landbúnaðarsýningu í Laugardals-
höllinni. Þar hitti ég Ólaf M.
Jóhannesson sýningarstjóra og
spurði svo:
„Hvað heldurðu að komi margir
gestir yfir helgina?“ „Ja, svona
25–30 þúsund gestir,“sagði hann.
Nei, það komu hátt í eitt hundrað
þúsund gestir og var algert met á
eina sýningu og er þá sjávarútvegur
og iðnaður talinn með.
RÚV sniðgekk t.d. þessa
stærstu sýningu allra tíma, sagði
ekki frá henni, en þrír fréttatímar
fóru í heræfingar í Þjórsárdal.
Stjórnmálamenn sýndu upphafi
sýningarinnar heldur engan sóma,
þar var aðeins einn þingmaður
mættur, enginn ráðherra.
Yfirlýsing Auðhumlu er nefnilega
tímamótayfirlýsing, bændur eiga að
krefjast þess að landbúnaðurinn njóti
virðingar, það er hættulegt að
vanvirða þann atvinnuveg sem
að mestu framleiðir matvælin,
það gerir engin þjóð.
ESB-þjóðir efla og styrkja
alla sína umgjörð vegna baráttu
við sjúkdóma og mengun. Við
eigum að efla okkar varnir
og varðstöðu vegna þess að
engin þjóð býr við jafn góð og
heilnæm matvæli eða jafn gott
heilbrigðisástand búfjárstofna
og jarðvegurinn ómengaður af
eiturefnum.
Landbúnaðurinn - matvæla-
framleiðslan er brothætt
egg en þar liggur fjöregg
þjóðarinnar. Bændur, fylgið
þessum ályktunum eftir með
drenglyndi og festu, ég trúi að
í stjórnmálaflokkunum sé vilji
til að taka málin til gagngerrar
endurskoðunar.
Það getur ekki verið að allir
þeir sem gegnt hafa störfum
landbúnaðarráðherra frá 2007 hafi
viljað fara svona með öryggisnetið
eða félagskerfi bændanna.
Vert er að minnast þess að
Jón Bjarnason ráðherra stóð
gegn matvælalöggjöf ESB og
aðildarumsókn ríkisstjórnar
Jóhönnu Sigurðardóttur að
Evrópusambandinu og allri eftirgjöf
á tollalöggjöfinni. Honum var vikið
úr ríkisstjórninni, eins og menn
muna, en barátta hans vakti athygli.
Ég verð að setja þessa þróun
á embættismenn sem leitt hafa
ráðherrana hvern af öðrum þessa
götu. Ég trúi að í öllum flokkum
sé fólk sem vill sjá landbúnaðinn
sterkan og getur hugsað sér að
endurbæta að mínu viti afglöp frá
liðnum tíma.
Þjóðin stendur með ykkur,
bændur, sýningin staðfesti það.
Hér ætti að setja í lög að allar
landbúnaðarafurðir sem fluttar
eru inn eða neytt í landinu skuli
framleiddar á sjálfbæran hátt
og vottaðar á grundvelli gæða,
hollustu og hreinleika, umhverfis-
og dýraverndar.
Bændur og stuðningsmenn
bænda, látið nú stjórnmálamenn
ekki í friði eða leiðtoga flokkanna,
látið þá finna fyrir ykkur. Setjist
jafnframt niður og skrifið stefnuna
sem þið getið sameinast um í klöpp,
ekki sand, hvert skuli halda og hvað
beri að gera. Hafið neytendur með
ykkur og hugsjónafólk. Með ykkur
stendur megnið af fólkinu í landinu.
Þetta kostar baráttu en þolir enga bið,
landbúnaðarins vegna. Fjöreggið er
brákað en ekki brotið.
Guðni Ágústsson,
fyrrum landbúnaðarráðherra
Guðni Ágústsson.