Bændablaðið - 19.07.2018, Side 32
Bændablaðið | Fimmtudagur 19. júlí 201832
Sérsýning í Landbúnaðarsafni Íslands á Hvanneyri:
Konur í landbúnaði í 100 ár
Sýningin „Konur í landbúnaði í
100 ár“ var opnuð á fjósloftinu
í Landbúnaðarsafni Íslands á
Hvanneyrarhátíð laugardaginn
7. júlí. Kveikjan að sýningunni
var að á haustdögum 2017 voru
auglýstir styrkir til verkefna vegna
100 ára fullveldisafmælis Íslands.
Landbúnaðarsafn Íslands sótti um
og hlaut styrk til þess að setja upp
sýningu um konur í landbúnaði
í 100 ár. Sýninguna prýðir fjöldi
mynda af konum við ýmis störf í
landbúnaði sem er bæði fróðlegt
og skemmtilegt að skoða.
Ragnhildur Helga Jónsdóttir,
safnstjóri Landbúnaðarsafns Íslands,
segir að nokkrar hugmyndir um
sérsýningu hafi kviknað í tengslum
við fullveldisafmælið. „Fljótlega
var það hugmyndin um konur í
landbúnaði í 100 ár sem þróaðist
áfram. Ástæða þess var ekki síst að
Kvenfélagið 19. júní, sem starfar
í Andakíl og Skorradal, verður 80
ára á árinu 2018 og því var því
velt upp hvort þessir tveir aðilar
gætu ekki unnið saman að þessu
verkefni. Það var síðan á fundi hjá
Kvenfélaginu sem hugmyndin var
borin upp og samþykkt. Jafnframt
kom Landbúnaðarháskóli Íslands
að undirbúningi. Þetta verkefni
fékk styrk úr Fullveldissjóði, sem
við erum mjög stoltar af, og gerði
okkur kleift að gera alvöru úr þessu
verkefni.“
Konur ekki sýnilegar út á við
Ragnhildur Helga segir að konur í
landbúnaði hafi lengst af ekki verið
sýnilegar út á við, þótt flestir viti að
í raun hefur landbúnaður byggst á
mikilli vinnu bæði karla og kvenna.
„Því fannst okkur rétt að skoða í
hverju störf kvenna í landbúnaði hafa
falist, hvernig verkaskipting er og
hefur verið á milli kvenna og karla og
ekki síður að skoða þær breytingar
sem orðið hafa á síðustu 100 árum,“
segir hún.
Í vetur var myndaður hópur
sem stýrði verkefninu og var Anna
Heiða Baldursdóttir, doktorsnemi
í sagnfræði, ráðin sem sýningar-
stjóri, auk þess sem Þórunn Edda
Bjarnadóttir var fengin að verkinu
sem sýningarhönnuður. „Tekin voru
viðtöl við þó nokkrar konur á öllum
aldri, sem búsettar eru í Borgarfirði;
elsta konan er meira en 100 ára en
sú yngsta liðlega tvítug. Með þessari
aldursdreifingu vildum við skoða
hvort upplifun kvenna á þessum
þáttum sé ólík eftir aldri þeirra og
þar með reyna að sjá hvort breytingar
hafi orðið á þessari öld sem liðin er
síðan Ísland varð fullvalda. Jafnframt
var leitað eftir myndum frá íbúum
héraðsins og aflaðist vel hvað þær
varðar. Þó voru það helst að yngri
myndir vantaði, myndir sem sýna
konur dagsins í dag við ýmiss konar
landbúnaðarstörf,“ segir Ragnhildur
Helga.
Fjölbreytt verk kvenna
Uppbygging sýningarinnar er þannig
að henni er skipt í nokkra efnis-
flokka, svo sem vinna inni á heim-
ilinu, útiverkin, verk sem unnin voru
til búdrýginda, menntun kvenna og
félagsstörf. „Einn hluti sýningarinnar
er að börn á grunnskólaaldri voru
beðin um að teikna myndir sem sýna
þeirra skynjun á konum í landbúnaði.
Sá hluti er skemmtileg viðbót við
aðra þætti sýningarinnar.“
Ragnhildur Helga segir að
fleiri en Fullveldissjóður hafi gert
Landbúnaðarsafninu kleift að setja
sýninguna upp. Atvinnuvega-
og nýsköpunarráðuneytið,
Uppbyggingarsjóður Vesturlands
og Menningarsjóður Borgarbyggðar
auk Safnahússins hafi þar komið að
málum. „Einnig lögðu fjölmargir
hönd á plóg varðandi öflun muna,
mynda, viðtöl, frásagnir, uppsetn-
ingu sýningar og annað það sem
gerði okkur kleift að hrinda þessu
í framkvæmd,“ segir Ragnhildur
Helga.
Sýningin „Konur í landbúnaði
í 100 ár“ í Landbúnaðarsafninu á
Hvanneyri er opin daglega fram í
miðjan september. /TB
Ragnhildur Helga Jónsdóttir, safnstjóri Landbúnaðarsafns Íslands, segir að með sýningunni um konur í landbúnaði
í 100 ár vilji safnið kasta ljósi á fjölbreytt störf þeirra í gegnum tíðina. Mynd / TB
Konur hafa löngum sinnt fjölbreyttum verkum í sveitinni og fataskápurinn
á fjósloftinu á Hvanneyri endurspeglar það.
„Það spyrja sumir hvort ég sé búin að vera hér í 100 ár!“ sagði Rósa
Marinósdóttir, formaður kvenfélagsins 19. júní, sem klæddi sig upp að
gömlum sið og ræddi við gesti sýningarinnar.
S: 5272600 - www.velavit.is
Varahlutir - Viðgerðir
Vélavit
Sala Þjónusta
Startarar og Alternatorar
í flestar gerðir véla og tækja
Ungar stúlkur moka heyi á hestvagn.
girðingarvinnunni.
Anna Lísa Hilmarsdóttir tekur nú-
í heyskap.