Bændablaðið - 22.03.2018, Blaðsíða 10

10 Bændablaðið | Fimmtudagur 22. mars 2018
Matvælastofnun gerði út leiðangur
10. mars síðastliðinn til að fella
fé í Loðmundarfirði sem þar
hefur gengið laust, án eftirlits og
fóðrunar. Tuttugu og níu kindur
fundust sem allar voru felldar.
Í tilkynningu frá Matvælastofnun
kemur fram að 18 þessara kinda hafi
verið frá einum bæ, ein kind frá
öðrum en tíu hafi verið ómerktar.
Margsinnis hafi stofnunin þurft
að hafa afskipti af öðru búinu
á undanförnum árum. „Kröfur
stofnunarinnar um úrbætur hafa ekki
verið virtar að fullu og hefur fé frá
bænum fundist í Loðmundarfirði að
vetrarlagi. Umráðamanni dýranna
var veittur frestur til 1. febrúar sl. til
að endurheimta fé sitt úr firðinum,
sem hann gerði að hluta.“
Matvælastofnun sinnir eftirliti
með velferð dýra en ábyrgð á
fjallskilum liggur hjá sveitarfélögum.
Í tilkynningu stofnunarinnar
kemur fram að það hafi verið mat
viðstaddra að ómögulegt væri að
sækja féð og var það því fellt á
grundvelli 7. gr. laga um velferð dýra.
Í reglugerð um velferð sauðfjár
segir m.a. að:
• óheimilt sé að hafa fé á útigangi
á vetrum þar sem ekki verði
komið við fóðrun og eðlilegu
reglubundnu eftirliti.
• umráðamanni sauðfjár eða
geitfjár beri að tryggja gott
aðgengi eftirlitsaðila að öllum
dýrum og öllum þeim stöðum
þar sem þau er haldin.
• tryggja skuli velferð allra dýra
með því að líta reglulega til
með þeim og bæta úr því sem
ábótavant er.
• daglegt eftirlit skal haft með
sauðfé og geitfé á húsi. Sérstakt
og tíðara eftirlit skal haft með
nýfæddu, sjúku og slösuðu fé.
Sama á við um ær og huðnur
nálægt burði. Fé sem haldið
er úti yfir vetur skal haft í
fjárheldum girðingum þannig
að eftirlit sé framkvæmanlegt
fram yfir sauðburð.
• fé skuli haldið hreinu og það
rúið a.m.k. einu sinni á ári.
Þegar fé er rúið að vetri til skal
það hýst í skjólgóðri byggingu,
þess gætt að það ofkælist ekki
og skal einnig tryggt að fóðrun
þess sé góð.
/smh
Fé fellt í Loðmundarfirði
Á vefnum Samráðsgátt (samrads-
gatt.island.is) liggja nú til
umsagnar drög að breytingu á
reglugerð um starfsemi innan
Vatnajökulsþjóðgarðs. Þar er
atvinnutengd starfsemi innan
þjóðgarðsins skilgreind og kveðið
á um málsmeðferð, samningsgerð
við Vatnajökulsþjóðgarð og eftirlit
með slíkri starfsemi.
Atvinnutengd starfsemi er
þjónusta sem aðrir en þjóðgarðurinn
sjálfur bjóða gegn þóknun innan
marka þjóðgarðsins. Nýting
eignarréttinda innan þjóðgarðsins
telst ekki atvinnutengd starfsemi.
Samkvæmt drögunum verður
atvinnutengd starfsemi óheimil án
samnings við Vatnajökulsþjóðgarð
um slíka starfsemi. „Stjórn
þjóðgarðsins mótar skilyrði fyrir
atvinnutengdri starfsemi innan
þjóðgarðsins, þar með talið um þá
starfsemi sem getur verið heimil
innan þjóðgarðsins og þau svæði
sem um ræðir. Slík skilyrði eru sett
fram eftir atvikum í atvinnustefnu
eða stjórnunar- og verndaráætlun,“
segir meðal annars í 31. grein
a-liðar.
Þá er greinarmunur gerður á
milli starfsemi sem nauðsynlegt
er að takmarka að umfangi innan
þjóðgarðsins og starfsemi sem
ekki er nauðsynlegt að takmarka
að umfangi.
Með reglugerðinni er verið að
fylgja eftir breytingum á lögum um
Vatnajökulsþjóðgarð sem gerðar
voru árið 2016. Jafnframt er kveðið
á um að í samningum sem gerðir eru
við Vatnajökulsþjóðgarð skuli setja
þau skilyrði fyrir starfseminni sem
talin er þörf á, meðal annars vegna
verndarmarkmiða þjóðgarðsins.
Umsögnum um drögin má skila
á Samráðsgátt Stjórnarráðsins til 9.
apríl næstkomandi. /smh
Vatnajökulsþjóðgarður:
Drög lögð að breytingu á
reglu gerð um atvinnustarfsemi
Kjötafurðastöð Kaupfélags
Skagfirðinga (KKS), í samstarfi við
utanríkisráðuneytið og sendiráð
Íslands í París, stóð á dögunum
fyrir lambakjötskynningu í
sendiherrabústaðnum í París.
Friðrik Sigurðsson, yfir-
matreiðslumaður hjá utanríkis-
ráðuneytinu, hafði frumkvæðið
að kynningunni ásamt Óla Viðari
Andréssyni, sölustjóra KKS,
og Kristjáni Andra Stefánssyni,
sendiherra Íslands í Frakklandi.
„Hvatinn að þessari kynningu var
að sendiherra Íslands í París, sem
er mikil áhugamaður um að leggja
íslenskum framleiðendum lið í að
koma vörum sínum á framfæri
í Frakklandi. Hann fékk Friðrik
Sigurðsson, matreiðslumeistara
og bryta utanríkisráðuneytisins,
í nokkra daga verkefni í París þar
sem verið var að kynna afurðir
úr íslensku sjávarfangi og þá
kviknaði sú hugmynd að taka eina
lambakjötskynningu í framhaldi
af því. Friðrik, sem hefur unnið
með okkur í nokkrum kynningum í
Rússlandi, hafði samband við okkur
og bauð okkur að vera með, sem
við að sjálfsögðu þáðum,“ segir Óli
Viðar.
Áhrifafólki boðið
Að sögn Óla Viðars var lagt
upp úr því að bjóða áhrifafólki í
matvæla- og veitingageiranum í
Frakklandi á kynninguna. „Þetta
voru til að mynda dreifingaraðilar,
Michelin-kokkar, blaðamenn og
veitingahúsaeigendur.
Það sem við notuðum á
kynningunni voru vöðvar úr
framparti, læri og hrygg, einnig lifur
og hangikjöt.
Markmiðið með þessu er að ná
inn á vel borgandi markaði og selja
íslenska lambakjötið sem sérstaka
vöru. Það gerum við með því að
selja söguna með, það tekur tíma
og mjakast hægt og rólega í rétta átt.
Síðan verður tíminn að leiða það í
ljós hvort við náum árangri á þessum
markaði, en það er þakkarvert þegar
utanríkisþjónusta Íslands er tilbúin
að bakka okkur upp og hjálpa okkur
með að opna á möguleika fyrir
afurðir okkar á erlendir grundu.
Því höfum við fengið að kynnast
meðal annars í Rússlandi, Japan og
núna Frakklandi og reyndar fleiri
löndum,“ segir Óli Viðar. /smh
KS kynnir íslenska
lambakjötið í París
Velferðarsjóður fyrir félagsmenn BÍ:
Félagsgjöld BÍ árið 2018
FRÉTTIR
Starfsmenn Matvælastofnunar skáru köggulinn úr ull kindarinnar og töldu
Mynd / Davíð Samúelsson
Laugardaginn 7. apríl verður
Mýraeldahátíð haldin í sjötta
sinn í reiðhöllinni Faxaborg í
Borgarnesi og hefst hún klukkan
13. Hátíðin er haldin til að minnast
hinna miklu sinuelda sem urðu á
Mýrum í Borgarbyggð árið 2006.
Fjölmörg fyrirtæki ásamt
handverksfólki verða með kynningar
á vörum sínum og þjónustu. Boðið
verður upp á létt tónlistaratriði,
hoppukastala fyrir börnin ásamt
ýmsu góðgæti. Um kvöldið
verður kvöldvaka ásamt dansleik
í félagsheimilinu Lyngbrekku á
Mýrum. Þar munu þjóðþekktir
tónlistarmenn stíga á stokk en
söngvarinn Jógvan Hansen fer þar
fremstur í flokki.
Mýraeldahátíð 7. apríl
Á næstu dögum verða sendir út
greiðsluseðlar til félagsmanna BÍ
vegna félagsgjalda þessa árs.
Á nýafstöðnu Búnaðarþingi
var samþykkt lítilsháttar hækkun
á gjaldinu. Auk þess var samþykkt
að innheimta framlag í nýjan
Velferðarsjóð Bændasamtaka Íslands
við sama tækifæri.
Með samþykktinni er nú skilyrði
að allir félagsmenn, sem eru með
aðild sem tengd er við rekstur, leggi
framlag í Velferðarsjóðinn. B-aðild
að samtökunum er undanþegin, en
sú aðild er ætluð ef fleiri en tveir
einstaklingar standa fyrir búi.
Árgjaldið 2018
• A-aðild er kr. 47.000. Þar af renna
kr. 2.000 í Velferðarsjóð BÍ.
• B-aðild er kr. 13.000.
• C-aðild, þ.e. þeir sem sótt hafa um
undaþágu vegna lágrar veltu, verður
kr. 15.000. Þar af renna kr. 2.000 í í
Velferðarsjóð BÍ.
Ertu félagi?
Aðeins þeir sem eru nú þegar
í samtökunum fá send boð um
áframhaldandi félagsaðild. Þeir sem
ekki eru í BÍ, en óska eftir að gerast
félagar, geta skráð sig á bondi.is eða
haft samband við þjónustufulltrúa.
Nánari upplýsingar um félagsgjaldið
og uppbyggingu þess eru veittar
í síma 563-0300 eða í netfangið
bondi@bondi.is.
Velferðarsjóður tekur til starfa
Nýstofnaður Velferðarsjóður BÍ
tekur bráðlega til starfa. Tilgangur
og markmið sjóðsins er að styðja
fjárhagslega við félagsmenn
Bændasamtaka Íslands er þeir
verða fyrir meiriháttar áföllum í
búrekstri sínum, s.s. vegna veikinda
og slysa. Sjóðurinn styður einnig
forvarnarverkefni tengd vinnuvernd
og slysavörnum eða önnur verkefni
sem hafa það að markmiði að bæta
velferð sjóðsfélaga.
Miðað er við að félagsmenn geti
sótt um í Velferðarsjóðinn síðar á árinu
og ekki síðar en 1. júní næstkomandi.
Starfstímabil sjóðsins verður frá 1.
janúar 2018 þannig að hægt verður
að sækja um stuðning vegna áfalla
sem orðið hafa frá og með þeim tíma.
Hægt er að kynna sér samþykktir
sjóðsins og úthlutunarreglur á bondi.
is, en það verður kynnt sérstaklega
hvenær opnað verður fyrir umsóknir.
Umsóknareyðublöð verða á
félagsmannasíðu Bændatorgsins
þegar þar að kemur.