Bændablaðið - 22.03.2018, Blaðsíða 32

32 Bændablaðið | Fimmtudagur 22. mars 2018
Meðal góðra gesta á nýafstöðnu
búnaðarþingi var Sigert Patursson,
formaður Bóndafélags Føroya til
fimm ára. Sigert er kúabóndi í
Hoyvíksgarði á Straumey sem er
skammt frá Hoyvík, auk þess sem
hann er með 270 kindur.
Í Hoyvik eru milli 130 og 140
nautgripir og þar af 60 mjólkurkýr í
fjósi með einum mjaltaþjóni. Sigert
segir að búið sé stórt á færeyska
vísu og mjólkurframleiðendum
hafi fjölgað í Færeyjum síðustu
tvo áratugi. „Fyrir 15 árum voru
mjólkurframleiðendur á eyjunum
68 en í dag eru þeir 25 og framleiða
næga mjólk og mjólkurafurðir til að
fullnægja innanlandsmarkaði.“
Að sögn Sigerts er þetta í fyrsta
sinn sem hann kemur á Búnaðarþing
og reyndar í fyrsta sinn sem fulltrúa
færeysku bændasamtakanna er boðið
að þing að þessu tagi. „Ég hef áður
heimsótt Ísland en aldrei sótt svona
þing áður og ég er óneitanlega mjög
ánægður með þátttökuna og fræddist
mikið á því að sitja þingið og vil nota
tækifærið hér til að þakka fyrir mig.“
Sauðfjár- og nautgriparækt
Sigert segir að í dag takmarkist
búfjárhald í Færeyjum við
nautgriparækt til mjólkur- og
kjötframleiðslu og sauðfjárrækt og
heimaræktun á gæsum, kjúklingum
og eggjaframleiðslu til heimanota.
Allt annað sé innflutt.
„Framleiðsla á nautakjöti hefur
dregist saman undanfarin ár en það
er stefna landbúnaðarráðuneytisins
að auka hana aftur með styrkjum
til bænda.“
Í Færeyjum er að finna tvo stofna
nautgripa. Sigert segist aðallega ala
norska RNF nautgripi en að aðrir
bændur séu með blöndu af RNF
og dönskum Holstein-gripum eða
eingöngu Holstein.
„Sauðfé í Færeyjum er í kringum
70 þúsund og gengur úti svo til allt
árið og kjötið því ódýrt í framleiðslu.
Fénu er gefið á veturna og á vorin
sé þess þörf fyrir burð. Vegna
þessa bera ærna yfirleitt bara einu
lambi og þar sem Færeyingar borða
mikið af lambakjöti flytjum við
mikið af því inn bæði frá Íslandi
og Nýja-Sjálandi. Innflutningurinn
á ári er svipaður að magni og við
framleiðum í Færeyjum.“
Innflutningur á kjöti
„Eitt af því sem gerir færeyskum
bændum erfitt fyrir er innflutningur
á kjöti, hvort sem það er ferskt
eða frosið. Áður var bannað að
flytja inn hrátt kjöt en vegna
tollasamninga um útflutning
á fiski var innflutningurinn á
landbúnaðarvörum gefin frjáls
fyrir nokkrum árum. Framleiðsla á
landbúnaðarvörum er kostnaðarsöm
í Færeyjum og því erfitt fyrir
innlenda framleiðslu að keppa
við innflutta. Staðan í dag er því
þannig að bændur verða að reiða sig
á stuðning frá ríkinu til að standa
undir kostnaði og keppa við erlenda
framleiðslu.“
Sigert segir að þrátt fyrir að verð
á færeysku lambakjöti sé hærra en á
innfluttu seljist innlend framleiðsla
vel. „Færeyingar eru hrifnir af
færeysku lambakjöti og flestir kjósa
það fram yfir innflutt. Ég á því von
á að það haldi áfram að seljast vel,
auk þess sem ferðamannaiðnaður er
vaxandi og ferðamenn vilja gjarnan
smakka innlenda framleiðslu.
Færeyski matsölustaðir og kokkar
í Færeyjum sýna einnig aukin áhuga
á að bjóða og matreiða úr innlendu
hráefni alveg eins og mér skilst að
sé í tísku á Íslandi.“
Garðyrkja og ræktun
Að sögn Sigerts hefur innflutningur
Nokkrir norrænir gestir heimsóttu Búnaðarþing Bændasamtaka Íslands 2018 sem haldið var í byrjun marsmánaðar. Hér eru Thomas Snellman frá Finnlandi, lengst til vinstri, þá Eyðfinnur í Búðini
frá Bóndafélagi Føroya og Sigert Patursson, formaður Bóndafélagsins, í heimsókn í gróðrarstöðina í Lambhaga. Mynd/TB
Sigert Patursson, formaður Bónda­
félags Føroya. Mynd/smh
Sigert er kúabóndi í Hoyvíksgarði sem er skammt frá þorpinu Hoyvík á
Straumey. Mynd/SP
Verið er að gera tilraunir með að
rækta korn í Færeyjum. Mynd/SP
Samhliða kúabúskap heldur Sigert sauðfé. Mynd/SP
Formaður Bóndafélags Føroya í heimsókn á búnaðarþingi Bændasamtaka Íslands 2018:
Framtíð landbúnaðar í Færeyjum er björt