Bændablaðið - 27.06.2019, Blaðsíða 12

Bændablaðið | Fimmtudagur 27. júní 201912
FRÉTTIR
Kerfill er gróskumikil og
dugleg planta sem vex víða við
þjóðveginn. Þar sem mest er
af kerfli getur hann orðið til
vandræða. Tíu ára barátta bar
fyrst árangur þegar stráð var
salti á plönturnar snemma að
vori.
Sigurbjörn Hjaltason að Kiðafelli
í Mosfellsbæ segir að líkt og margir
aðrir hafi hann verið að glíma við
ágang kerfils í tíu ár. „Kerfillinn
var orðinn talsvert dreifður hér
meðfram vegum þegar ákveðið
var að fara að vinna á honum fyrir
um tíu árum. Það er mikill kerfill
á Kjalarnesi og þar er hann búinn
að eyðileggja mikið land og svo er
greinilegt að plantan dreifist með
vegum og það voru líka komnir
öflugir brúskar inn með Hvalfirði.“
Fimmtán kílómetra hreinn kafli
„Í fyrstu stóð hreppurinn fyrir átaki
til að eyða kerflinum en það gekk
fremur illa að ráða niðurlögum
hans. Ég tók við verkefninu eftir
að ég hætti í sveitarstjórn og hef
unnið að því síðan og mér hefur
tekist að halda kaflanum frá munni
Hvalfjarðarganganna og inn að
Laxá í Kjós hreinum, eða um 15
kílómetra vegkafla.“
Sigurbjörn segir baráttuna við
kerfilinn búna að vera mikið streð
síðastliðin tíu ár og að hann hafi
nánast reynt hvað sem er til að
halda honum niðri. „Ég hef skorið
af henni fræin áður en þau hafa
þroskast í mörg ár og eitrað með
Round up en hætti því fljótlega
vegna þess að eitrið réði hreinlega
ekki við kerfilinn.“
Saltið gagnar best
„Það var ekki fyrr en ég fékk salt
hjá Tryggva Magnússyni í Kötlu
á síðasta ári sem eitthvað fór að
ganga. Saltið virkar mjög vel og
ég er loksins farinn að ná tökum á
kerflinum og hér sést hann varla á
stórum kafla.
Best er að henda saltinu yfir
plönturnar snemma á vorin á meðan
þær eru litlar og setja um hnefafylli
af salti, eða um 250 grömm, á hvern
brúsk sem síðan seytla niður að
rótinni og steindrepur hana.
Að sjálfsögðu verður fólk að
gæta þess að það fari ekki salt á
plöntur sem það vill ekki drepa og
mér sýnist að ef varlega sé farið
smiti saltið ekki mikið út frá sér og
brenni mest þar sem það lendir. Salt
er náttúrulegt efni sem skolar burt
og ólíklegt að það valdi einhverjum
óæskilegum áhrifum í náttúrunni til
lengri tíma.“ /VH
Kerfillinn yfirtekur land þar sem lúpínan hefur myndað næringarríkan jarðveg. Fátt virðist geta yfirunnið kerfilinn
nema hávaxnari plöntur eins og tré.
Salt gott til að eyða kerfli
Best er að henda saltinu yfir plönturnar snemma á vorin á meðan þær eru
litlar og setja um hnefafylli af salti, eða um 250 grömm, á hvern brúsk sem
síðan seytla niður að rótinni og steindrepur hana.
Anna Jónsdóttir ásamt hörpuleikara við Tjarnargíg í Lakagígum.
Sópransöngkonan Anna Jónsdóttir:
Lætur kvikmynda tónleikaferð
á sex magnaða staði á landinu
Anna Jónsdóttir sópransöngkona
verður á faraldsfæti í júlí og
mun halda þjóðlagatónleika á
6 mögnuðum stöðum víða um
land, í Tjarnargíg í Lakagígum,
Akranesvita, lýsistanki í Djúpa­
vík, Stefánshelli í Hallmundar ­
hrauni, Botnstjörn í Ásbyrgi og
á Emelíuklöppum í Grímsey.
Hluti af verkefninu er að
kvikmynda þessa tónleikaferð og til
að fjármagna það hefur verið hafin
söfnun á Karolina fund á slóðinni
https://www.karolinafund.com/
project/view/2502.
Djúpavík var þúfan
sem velti hlassinu
Anna sagði í samtali við Bænda­
blaðið að hugmyndin að þessu
hafi þróast út frá kynningu sem
hún hélt í Bandaríkjunum þar
sem hún var gistilistamaður. Í
framhaldinu var hún beðin um að
halda tónleika í lýsistanki í gömlu
síldarverksmiðjunni í Djúpavík á
Ströndum.
„Eftir þessa tónleika fór ég eina
hvítasunnuhelgi með upptökumann
og græjur og tók upp efni á hljómdisk
í þessum tanki. Má því segja að þetta
ævintýri hafi byrjað þar og það hafi
verið þúfan sem velti hlassinu fyrir
alvöru. Ég náði reyndar ekki öllu í
Djúpavík sem ég ætlaði að gera svo
ég kláraði það í Akranesvita.
Síðan hefur þetta smám saman
verið að hlaða utan á sig. Ég fór svo í
aðra ferð 2015 þar sem það kviknaði
löngun til að kvikmynda tónleikana,
þar sem mér fannst það svo mikil
upplifun að syngja á þessum fallegu
stöðum. Ég hef verið að leita að
umhverfi sem fangar það sem ég er
að gera og röddin hverfur ekki út í
tómið,“ segir Anna.
„Þegar maður hugsar út í það,
þá er svo eðlilegt að syngja á svona
stöðum að maður furðar sig á að hafa
ekki dottið þetta í hug fyrr. Það er
magnað að syngja úti og í umhverfi
sem er ekki bara hlý og fín hús.
Maður er bara hluti af náttúrunni
líkt og í móðurkviði og þetta kveikir
á svo ótrúlega mörgum nemum.“
Hún segir að það hafi tekið
svolítinn tíma að finna rétta fólkið
til að fara með sér í þetta ferðalag og
finna réttu tímasetninguna.
„Nú er ákveðið að farin verður
tveggja vikna ferð í júlí og verða
tónleikarnir teknir upp.“
Með mögnuðu föruneyti
Með Önnu í för verða Dragos
Alexandrescu, kvikmyndatökumaður
og myndlistarmaður, og Árni
Gylfason, hljóðmaður og
kvikmyndatökumaður. Afurðirnar
verða svo tónleikamynd ætluð fyrir
sjónvarp, innsetningar sem verða
notaðar á tónleikum erlendis og
jafnvel hérlendis, sjálfstæð listaverk
og tónlistarmyndbönd.
Tónleikarnir verða á eftirtöldum
stöðum:
Tjarnargígur í Lakagígum
– 11. júlí klukkan 16.00
Akranesviti
– 12. júlí klukkan 20.30
Stefánshellir í Hallmundarhrauni
– 14. júlí klukkan 16.00
Lýsistankur í Djúpavík
– 16. júlí klukkan 20.30
Botnstjörn í Ásbyrgi
– 18. júlí klukkan 16.00
Emelíuklappir í Grímsey
– 20. júlí klukkan 15.00
Með sterka landsbyggðartengingu
Önnu þykir greinilega vænt um
landsbyggðina, enda sjálf ættuð
úr Önundarfirði, Skagafirði og af
Reykjanesi.
„Ég er því í aðra röndina
sveitastelpa þó ég hafi eiginlega
alltaf búið í borg. Ég tengi þó mest
við Fljótin og Siglufjörð en taugin
er líka römm við Önundarfjörðinn,“
segir Anna Jónsdóttir. /HKr.
Anna syngur í gömlum lýsistanki í
Djúpavík.
Djúpavík á Ströndum var þúfan sem velti hlassinu og ýtti undir tónleikaferð
Önnu Jónsdóttur á sex áhugaverða staði á landinu.
Jurtir og skynjun á Skyggnissteini
Á Skyggnissteini nyrst í Tung unum
sýsla Dagný Guðmundsdóttir og
maður hennar, Sigurður Jónsson,
með gróður jarðar í anda líf­
rænnar ræktunar og vistræktar
(permakúltúr) og gera tilraunir
til að bæta sig.
Í sumar halda þau nokkur
námskeið um þessi hugðarefni sín
og er það fyrsta laugardaginn 29.
júní og fjallar um jurtir og skynjun.
Þann 20. júlí verður námskeið um
jurtir og skógarnytjar og 27. júlí
verður fjallað um jurtir og jóga.
Síðasta námskeiðið verður svo
haldið 24. ágúst og fjallar um jurtir
og vinnslu.
Laugardaginn 29. júní er fólki
boðið að fræðast, njóta náttúrunnar
og tengja hana við myndlistina.
Með þeim Dagnýju og Sigurði
á laugardaginn verður Hildur
Bjarnadóttir myndlistarmaður sem í
verkum sínum hefur verið að skoða
plöntur og tengsl þeirra við þann
stað sem þær vaxa á. Hún mun ræða
um eiginleika plantna til að tjá sig,
tala saman, færa sig úr stað, verja
sig og gera ýmislegt sem vanalega
er talið til mannlegra eiginleika.
Hún mun einnig sýna verk nokkurra
myndlistarmanna í tengslum við
viðfangsefnið.
Dagný sýnir þar ræktunina,
segir frá hvernig hún nýtir villtar
jurtir og ræktaðar. Gestir fá síðan
góða máltíð beint úr garðinum og
smakka það sem verið er að gera
á staðnum.
Dagskráin byrjar kl. 10 að morgni
á Skyggnissteini sem er í um 3 km
fjarlægð frá Geysi. Gera ábúendur
ráð fyrir að vera búin kl. 16.
Verðið er 15.000 krónur og
skráning fer fram í síma 847 0946
eða í dagny@dagny.is.
Dagný Guðmundsdóttir og Sigurður Jónsson á Skyggnisteini í Tungunum.