Bændablaðið - 27.06.2019, Blaðsíða 18

Bændablaðið | Fimmtudagur 27. júní 201918
„Jazz undir fjöllum“, árleg
jazzhátíð í Skógum undir
Eyjafjöllum, verður haldin í
sextánda sinn laugardaginn 6.
júlí næstkomandi.
Aðaltónleikar hátíðarinnar fara
fram í félagsheimilinu Fossbúð
laugardagskvöldið 6. júlí kl. 21.00.
Þar kemur fram tríó gítarleikarans
Björns Thoroddsen ásamt
söngkonunni og fiðluleikaranum
Unni Birnu Bassadóttur. Sigurgeir
Skafti Flosason leikur á bassa og
Skúli Gíslason á trommur. Þau
munu flytja fjölbreytta dagskrá
uppáhaldslaga úr ólíkum áttum á sinn
hátt, spjalla og grínast. Í Skógakaffi
verður boðið upp á tónlist þennan
sama dag frá kl. 14–17. Þar verða
óformlegri tónleikar eða nokkurs
konar „Jam session“ þar sem
saxófónleikarinn Sigurður Flosason
leiðir kvartett sem skipaður er Vigni
Þór Stefánssyni á píanó og Leifi
Gunnarssyni á kontrabassa og Erik
Qvick á trommur. Sérstakur gestur
verður brasilíski píanóleikarinn
og söngvarinn Paulo Malaguti.
Ókeypis er inn á þessa tónleika
og reiknað með að gestir geti
komið og farið að vild meðan á
tónleikunum stendur. Þess má geta
að óvenju margir þátttakendur á
hátíðinni í ár eru ýmist búsettir eða
uppaldir á Suðurlandi eða alls fimm
talsins. Hér verður því á ferðinni
sannkallaður sjóðandi „Suðurlands
jazz“. /MHH
LÍF&STARF
Nú snemma í maímánuði
kom út hefti ársins af
Súlum, sem er norðlenskt
tímarit, gefið út af
Sögufélagi Eyfirðinga
á Akureyri. Þetta er 58.
hefti Súlna, og er nú sem
oftar 160 bls. að lengd.
Hér er að finna
ýmislegt efni, m.a. viðtöl
og þjóðlegan fróðleik
sem einkum tengist
Eyjafjarðarsvæðinu.
Ritið er prentað í
Ásprenti á Akureyri.
Fremst í heftinu
er viðtal sem Kristín
Aðalsteinsdóttir tók
nú nýlega við Ásgerði
Snorradóttur á Akureyri.
Þar segir Ásgerður
frá uppvexti sínum
og síðan veikindum
barna sinna, en þar
er um athyglisverða
sorgarsögu að ræða.
Ásgerði skal hér með sérstaklega
þakkað fyrir að hafa samþykkt
að láta birta við sig svo opinskátt
viðtal.
Tvö önnur viðtöl eru birt í
heftinu, einnig við konur. Jón
Hjaltason ræðir við Ingibjörgu
R. Magnúsdóttur sem er að
verða 96 ára gömul. Hún fæddist
og ólst upp á Akureyri og var
hjúkrunarforstjóri Sjúkrahússins
þar á árunum 1961–71. Síðar var
hún deildarstjóri í heilbrigðis-
og tryggingamálaráðuneytinu
í Reykjavík. Síðasta viðtalið
er við Soffíu Halldórsdóttur,
sem lengi var verkstjóri í
prjónaverksmiðjunni Heklu, það
var tekið upp 2008 en Soffía er
nú látin.
Þá er í heftinu ritgerð eftir
Jóhann Lárus Jónasson lækni
og Hlaðgerði Laxdal um einn af
fyrstu frumbyggjum Fjörunnar á
Akureyri, nefnilega Grím Laxdal
bókbindara. M.a. er rætt um
„brúðarrán“ hans og afkomendur.
Hér birtist fremur stutt erindi eftir
Sigurð Ágústsson um ömmu
hans, Margréti Valdimarsdóttur,
leikkonu á Akureyri. Einnig
er hér stutt erindi eftir
Friðjón Kristinsson um sögu
Verkalýðsfélags Dalvíkur. – Þá
er birt ferðasaga suður á land
frá árinu 2001 eftir Arnstein
Stefánsson, sem lengi var bóndi
í Stóra-Dunhaga í Hörgárdal, í
ferðasögunni er margt hnyttilegra
vísna. Stutt frásögn er hér eftir
Lovísu Maríu Sigurgeirsdóttur á
Dalvík.
Björn Teitsson, ritstjóri Súlna,
á í heftinu ritgerð um guðshús og
dýrlinga á miðöldum í Eyjafjarðar-
og Þingeyjarsýslum. Með fylgja
uppdrættir af sýslunum og eru
fornar sóknarkirkjur merktar inn
á þá. Forsíðumynd heftisins er frá
einum hinna fornu kirkjustaða,
Siglunesi við Siglufjörð.
Sími Sögufélagsins / símsvari
er 462 4024. Áskriftarverð þessa
heftis Súlna er kr. 4.500. Ritið fæst
einnig í lausasölu í Pennanum á
Akureyri. Við áskriftarbeiðnum
tekur Guðmundur P.
Steindórsson, netfang: gudps@
simnet.is. Netfang ritstjóra er:
banna@simnet.is. Í ritnefnd eru
auk Björns ritstjóra þau Ása
Marinósdóttir, Jón Hjaltason og
Kristín Aðalsteinsdóttir, sem taka
líka við efni til birtingar, og eru
sérlega vel þegnir minningaþættir
eða stuttar frásagnir, segir í
fréttatilkynningu um útgáfuna.
/MÞÞ
Tímaritið Súlur 2019 komið út
Jazzhátíð í Skógum
laugardaginn 6. júlí
Frá Skógum.
Bænda
11. júlí
Norðurstrandarleið frá Hvammstanga til Bakkafjarðar:
Sannfærð um að verkefnið á eftir að skila
miklum árangri í ferðaþjónustunni
– segir Arnheiður Jóhannsdóttir hjá Markaðsskrifstofu Norðurlands
Norðurstrandarleið, eða Arctic
Coast Way eins og leiðin nefnist
á ensku, var formlega opnuð
fyrr í þessum mánuði, bæði á
Hvammstanga og Bakkafirði.
Leiðin hefur verið í þróun í meira
en þrjú ár og því náðist merkur
áfangi með formlegri opnun
hennar.
Hún hafði þegar vakið athygli
áður en að þeirri opnun kom, sem
m.a. sést á því að Lonely Planet valdi
leiðina sem þriðja besta áfangastað
í Evrópu á þessu ári.
Við opnunina voru ný skilti vígð
sem marka Norðurstrandarleið og
segja ferðamönnum hvenær þeir
ferðast eftir henni. Þessi skilti marka
þáttaskil í íslenskri ferðaþjónustu,
því í fyrsta sinn eru komin upp skilti
með brúnum lit. Sá litur er þekktur
erlendis fyrir skilti sem tengjast
ferðaþjónustu.
900 kílómetra löng leið
með 21 sjávarþorpi
Norðurstandarleið er um 900
kílómetra löng, frá Hvammstanga
til Bakkafjarðar, á leiðinni eru sex
skagar og nes, sandfjörur, klettar,
jökulsárgljúfur, firðir og fjallstindar.
Hver lítill bær, allir í námunda
við norðurheimsskautsbauginn
á leiðinni, hefur sína sögu.
Á leiðinni eru sumir af bestu
fuglaskoðunarstöðum landsins og
með því að bregða sér í siglingu
gefst kostur á að eiga stund með
hvölum og selum, en einnig er hægt
að fara út í nokkrar eyjar á leiðinni.
Á Norðurstandarleið eru 21
sjávarþorp eða bæir, ferjur ganga
til 6 eyja, boðið er upp á hvala-,
sela og fuglaskoðun á leiðinni, 18
sundlaugar og eða náttúrulaugar
eru á leiðinni auk tilkomumikilla
gönguleiða um fjöll og útivist af
ýmsu tagi. Margir einstakir staðir
eru í boði til að fylgjast með
miðnætursól eða norðurljósum.
Vildu draga fram
minna sótt svæði
„Þessi leið hefur verið í þróun í
um það bil þrjú ár og fjöldinn allur
af fólki tekið þátt. Verkefnið var í
fyrstu eins konar grasrótarverkefni
sem hófst hjá einstaklingum í
ferðaþjónustu á Norðurlandi sem
voru að huga að þróun hringja fyrir
ferðamenn, Arctic Circle Route
og Tröllaskagahring sem dæmi.
Þessum verkefnum var svo steypt
saman í eitt og ákveðið að hýsa
það hjá okkur,“ segir Arnheiður
Jóhannsdóttir, framkvæmdastjóri
Markaðsskrifstofu Norðurlands.
Niðurstaða í greiningarvinnu
beindi mönnum fljótlega að þeirri
niðurstöðu að leggja áherslu á
strandlengjuna og draga fram
minna sótt svæði með því að sýna
fram á hversu eftirsóknarverð þau
eru. Fleiri sveitarfélög en þau sem
upphaflega tóku þátt bættust í
hópinn. Fyrir liggur greining á því
hvar þörf er á uppbyggingu innviða,
eins og bílastæða, salernisaðstöðu og
áningarstaða.
Góðar viðtökur strax í byrjun
„Að sjálfsögðu er síðan búið að
kortleggja vegamálin, vetrarþjónustu
og merkingar og erum við hér einmitt
að fagna því að búið er að merkja
leiðina með nýrri tegund skilta
en þetta eru fyrstu brúnu skiltin
fyrir ferðamenn á Íslandi,“ segir
Arnheiður. Þessi tegund skilta er
þekkt víða erlendis og vísar ferðafólki
á áhugaverða staði. Vegagerðin sá
um uppsetningu skiltanna. „Það er
ánægjulegt hversu vel ferðamenn
hafa tekið Norðurstrandarleiðinni,
Lonely Planet tilnefndi leiðina sem
þriðja besta áfangastað Evrópu
2019 og við erum því sannfærð um
að þetta verkefni á eftir að skila
miklum árangri í því að fá ferðamenn
til að ferðast víðar um Norðurland,
dvelja lengur og þannig byggja
upp ferðaþjónustuna á þessu svæði
sem heilsárs atvinnugrein,“ segir
Arnheiður. /MÞÞ
Sigurður Ingi Jóhannsson samgönguráðherra og Arnheiður Jóhannsdóttir, framkvæmdastjóri Markaðsstofu
Norðurlands, klipptu á borða við afleggjarann inn á Hvammstanga og opnuðu Norðurstrandarleið formlega. Í
borðann héldu Christiane Stadler, verkefnastjóri Norðurstrandarleiðar, og Björn H. Reynisson, verkefnastjóri hjá MN.
Ný heimasíða hefur verið sett í loftið, en á www.arcticcoastway.is má nú sjá
allt það helsta sem hægt er að sjá og gera á leiðinni.
Steingrímur J. Sigfússon, forseti Alþingis, og Árni Bragi Njálsson, fulltrúi
sveitarstjórnar Langanesbyggðar, klipptu á borða við afleggjarann
inn á Bakkafjörð. Halldóra Gunnarsdóttir frá Norðurhjara og Reinhard
Reinhardsson frá Atvinnuþróunarfélagi Þingeyinga héldu í borðann.
Áningarstaðurinn „Þar sem vegurinn endar“ var formlega opnaður í tengslum
við opnun Norðurstrandarleiðar. Áningarstaðurinn er við Útgerðarsafnið á
Grenivík og var verkefnið styrkt af Framkvæmdasjóði ferðamannastaða.