Bændablaðið - 27.06.2019, Blaðsíða 31

Bændablaðið | Fimmtudagur 27. júní 2019 31
Umhverfisstofnun, ásamt
landeigendum og sveitarfélaginu
Árneshreppi, hafa kynnt áform
um friðlýsingu jarðarinnar
Dranga á Ströndum sem óbyggð
víðerni.
Áform um friðlýsingu eru kynnt
í samræmi við málsmeðferð 2. og
3. mgr. 36. gr. náttúruverndarlaga,
sbr. 2. mgr. 38. gr. laganna en
gert er ráð fyrir að svæði sem
ekki eru á framkvæmdaáætlun
náttúruminjaskrár séu kynnt
sérstaklega. Í kjölfar kynningar­
t ímans munu full trúar
Umhverfisstofnunar, umhverfis­ og
auðlindaráðuneytisins, landeigenda
og Árneshrepps vinna drög að
friðlýsingarskilmálum og leggja
fyrir rétthafa lands og aðra sem
hagsmuna eiga að gæta. Fyrirhuguð
friðlýsing mun að lokum verða
auglýst opinberlega í þrjá mánuði
og öllum gefinn kostur á að gera
athugasemdir við framlagða tillögu.
Vilja viðhalda sérkennum
svæðisins
Friðlýsingin miðar að því að
varðveita einkenni svæðisins,
viðhalda fjölbreyttu og óvenjulegu
landslagi sem og víðsýni, vernda
heildstæð stór vistkerfi og tryggja að
núlifandi og komandi kynslóðir geti
notið einveru og náttúru svæðisins
án truflunar af umfangsmiklum
mannvirkjum og umferð vélknúinna
farartækja. Einnig miðar friðlýsingin
að því að varðveita sérkenni og
einkenni landslagsins, fagurfræðilegt
og menningarlegt gildi þess. Í
auglýsingu um friðlýsingu er heimilt
að kveða nánar á um takmarkanir
sem leiða af friðlýsingunni, meðal
annars á umferðarrétti, notkun
veiðiréttar og framkvæmdum. Þá er
jafnframt heimilt að kveða á um að
afla skuli leyfis Umhverfisstofnunar
til athafna og framkvæmda sem áhrif
geta haft á verndargildi viðkomandi
svæðis.
Landnámsjörð
Jörðin Drangar er yfir 100 km2
að flatarmáli og nær frá hábungu
Drangajökuls að sjó á milli
Bjarnarfjarðar og Drangavíkur.
Drangar eru landnámsjörð, þar
nam land Þorvaldur Ásvaldsson,
hans sonur var Eiríkur rauði er
flutti síðar til Grænlands, en sonur
hans var Leifur heppni. Eiríkur bjó
á Dröngum eftir föður sinn og færa
má líkur að því að þar hafi Leifur
sonur hans fæðst. Land jarðarinnar
er að langmestu leyti óbyggð
víðerni. Landslag er tilkomumikið,
jarðfræði fjölbreytileg, gróðurfar
sérstakt og náttúrufegurð almennt
mikil á svæðinu. Dalir og hvilftir
eru grafnar af jöklum ísaldar
í almennt einsleitan og mjög
reglulegan jarðlagastafla. Á milli
basalthraunlaga eru rauðleit setlög,
oftast forn jarðvegur að uppruna.
Víðernisupplifun er mikil og svæðið
nær óraskað. Svæðið er hluti af
víðáttumesta, samfellda óbyggða
víðerni á Vestfjörðum.
Skil á athugasemdum
Frestur til að skila athugasemdum
við áformin er til og með 23. ágúst
2019. Athugasemdum má skila
hér að neðan, með tölvupósti á
netfangið ust@ust.is eða senda
með pósti til Umhverfisstofnunar,
Suðurlandsbraut 24, 108 Reykjavík.
/VH
Fríform ehf.
Askalind 3,
201 Kópavogur.
562–1500
Friform.is
Mán.–Fös. 09–17
Glæsilegar danskar
innréttingar í öll
herbergi heimilisins
DEUTZ-FAHR 4090E – 88 hö
ÞÓR FH
REYKJAVÍK:
Krókháls 16
Sími 568-1500
AKUREYRI:
Baldursnes 8
Sími 568-1555
Vefsíða og
netverslun:
www.thor.is
Helsti búnaður:
DEUTZ-FAHR 4090E er rétti traktorinn fyrir þá sem vilja virkilega
einfaldar vélar sem alltaf fara í gang.
Hentar vel sem auka traktor eða túnavél á stærri búum eða sem
aðalvél á minni búum og hjá tómstundabændum.
DEUTZ-FAHR 4090E hefur slegið í gegn víðs vegar í Evrópu enda á
frábæru verði og vél sem hentar vel í öll helstu landbúnaðarstörf
DEUTZ-FAHR 4090E er búinn rúmgóðu sex pósta húsi, miðstöð og
aðrandi sæti.
DEUTZ-FAHR 4090E er lágbyggður traktor, einungis 2,50m í hæsta
punkt á ökumannshúsi, svo vélin kemst nánast alls staðar að.
Kr. 5.950.000,-án VSKDEUTZ-FAHR 4090E - 88 höVerð frá kr.
*) Verð miðast við gengisskráningu á Evru = 142 ISK.
*)
Mótor: 3 cylindra FARMotion mótor, 88 hö
Gírkassi: 5 gíra kassi, hátt og lágt drif og
skriðgír.
Mekanískur vendigír
40 km/klst hámarkshraði.
Aflúrtak: 2 hraðar 540/540E
Lyftigeta á beisli: 3.500 kg.
Vökvakerfi: 50 l/mín vökvadæla. Stýrisdæla 17
l/mín
Vökvatengi: 2 tvívirk vökvaúrtök (4 stútar)
Lyftukrókur
Dekkjastærð 320/70R24 að framan og
480/70R30 að aftan
Til með og án ámoksturstækja.
Drangar á Ströndum:
Áform um friðlýsingu
Bókamarkaðurinn á Snæfellsnesi
er opinn föstudaga til sunnudags frá kl. 12 - 18.
Markaðurinn er staðsettur á Borgarbraut 2, Grundarfirði.
Bókamarkaðurinn á Snæfellsnesi - þar sem fjallið ber við himininn
Drangaskörð. Mynd / HKr.