Bændablaðið - 26.09.2019, Qupperneq 10

Bændablaðið | Fimmtudagur 26. september 201910
FRÉTTIR
Í Eyja- og Miklaholtshreppi á
Snæfellsnesi er síðasti hrepp-
stjóri landsins starfandi með þann
titil. Maðurinn heitir Halldór
Kristján Jónsson og býr á Þverá
og stóð vaktina sem réttarstjóri í
Þverárrétt.
Samkvæmt upplýsingum frá
Sambandi íslenskra sveitarfélaga
hefur hreppum fækkað jafnt og
þétt með sameiningu sveitarfélaga
og eru þeir nú 24 á landinu öllu af
70 sveitarfélögum. Samfara þeim
breytingum og fækkun sýslumanns­
embætta hefur embættum hrepp­
stjóra fækkað, þannig að nú er
einungis einn maður á landinu sem
ber titil hreppstjóra.
Síðasti „móhíkaninn“
„Ég er síðasti móhíkaninn með
þennan titil, sagði Halldór í samtali
við Bændablaðið. Hann sagði
fækkun hreppstjóra vera eðlilegan
gang lífsins og afleiðingu betri
samgangna, aukinna samskipta og
breytinga á stjórnkerfinu. Þá segir
hann stefnuna vera þá að fækka
sveitarfélögum enn frekar sem ýti
undir breytingar á embættum.
Hreppstjórar hafa alltaf verið
æðri sveitarstjórnarstiginu ef svo
má segja, því þeir hafa heyrt undir
sýslumenn og voru eins konar
framkvæmdaraðilar þeirra í minni
sveitarfélögum. Þannig héldu
hreppstjórar uppboð á sínu svæði og
störfuðu sem ígildi lögreglustjóra.
Sáu um kosningar og „aksjón“
„Við sjáum um kosningar og allt
slíkt sem sveitarstjórnarmenn gera
ekki. Nú er það allt orðið breytt enda
hefur kjörstöðum fækkað mikið.
Þegar menn fluttu t.d. af jörðum
var svo haldið „aksjón“ (orð sem
notað var áður fyrr yfir uppboð).
Meira að segja þegar skólinn okkar
var byggður eftir 1965 voru eftir
leifar af ýmiss konar dóti og þá var
haldin „aksjón“ á þeim hlutum. Þetta
þóttu miklir menningarviðburðir,“
segir Halldór.
Í lögum segir að hreppstjóri
skuli vera í hverju sveitarfélagi
utan aðseturs sýslumanns, nema
sýslumaður telji þess ekki þörf.
Þá er starf hreppstjóra losnar skal
sýslumaður auglýsa það laust til
umsóknar. Sýslumaður veitir stöðu
hreppstjóra að fenginni umsögn
sveitarstjórnar. Hafi sýslumaður
skrifstofu í sveitarfélagi utan
aðseturs síns er honum heimilt
án auglýsingar að skipa forstöðu­
mann þeirrar skrifstofu jafnframt
hreppstjóra í því sveitarfélagi. Er
hreppstjórastarfið þá hluti af starfi
forstöðumanns. Engan má skipa
hreppstjóra, nema hann uppfylli
eftirtalin skilyrði:
1. Sé svo andlega og líkamlega
hraustur, að hann geti gegnt
stöðunni.
2. Sé 21 árs að aldri.
3. Sé lögráða og hafi forræði á fé
sínu.
4. Sé íslenskur ríkisborgari.

Á Vesturlandi eru aðeins eftir tveir
hreppar þótt sveitarfélögin séu 8
talsins. Það eru Eyja­ og Miklaholts­
hreppur sem er með eins starfandi
hreppstjóra landsins. Síðan er
Skorradals hreppur í samnefndum
dal sem gengur austsuðaustur úr
Borgarfirði.
Á Vestfjörðum eru 9 sveitarfélög
en af þeim eru fimm hreppar. Það
eru Árneshreppur sem nær frá
Reykjarfirði að Kaldbaksvík á
Ströndum, Kaldrananes hreppur
sem nær úr Kaldbaksvík og í botn
Steingrímsfjarðar á Ströndum,
Reykhóla hreppur sem nær yfir Austur­
Barðastrandasýslu, Súðavíkur hreppur
sem nær yfir allt innanvert Ísafjarðar­
djúp að vestanverðu og Tálknafjarðar­
hreppur.
Á Norðurlandi vestra eru tveir
hreppar eftir af 7 sveitarfélögum, en
það eru Akrahreppur í Skagafirði og
Húnavatnshreppur inn af Húnafirði.
Á Norðurlandi eystra eru fimm
hreppar af 13 sveitarfélögum. Það
eru Grýtubakkahreppur í Eyjafirði,
Svalbarðsstrandarhreppur í Eyjafirði,
Tjörneshreppur á samnefndu nesi,
Skútustaðahreppur í Mývatnssveit
og Svalbarðshreppur við Þistilfjörð,
Á Austurlandi eru enn þrjú
sveitar félög skilgreind sem hreppar
af 7 sveitarfélögum. Það eru
Vopnafjarðarhreppur, Borgarfjarðar­
hreppur sem nær yfir svæðið
frá Héraðsflóa að Seyðisfirði,
Fljótsdals hreppur í Fljótsdal inn af
Lagarfljóti og Djúpavogshreppur.
Á Suðurlandi eru 14 sveitarfélög
en sjö hreppar með afar flókinni
skiptingu. Það er Ásahreppur sem
er tvískiptur á milli Rangárþings
ytra, Flóahrepps og Skeiða­ og
Gnúpverjahrepps. Grímsnes­ og
Grafningshreppur er svo þrískiptur,
austan við landamerki Suðurnesja og
höfuðborgarsvæðis. Hann er líka með
landamerki í suður að Flóahreppi
og Sveitarfélaginu Ölfusi, en þar á
milli er Sveitarfélagið Árborg. Þá eru
landamæri að Bláskógabyggð í norðri
og Skeiða­ og Gnúpverjahreppi í
austri. Hrunamannahreppur er svo
á milli Bláskógabyggðar í vestri
og Skeiða­ og Gnúpverjahrepps
í austri. Mýrdalshreppur er með
vesturlandamæri að Rangárþingi
eystra og Skaftárhreppi í austri.
Austan Skaftárhrepps er svo sveitar­
félagið Hornafjörður.
Á Suðurnesjum eru 5 sveitarfélög
en enginn hreppur.
Á höfuðborgarsvæðinu eru 7
sveitarfélög og þar af er einn hreppur,
Kjósarhreppur. Hafnar­fjörður er svo
tvískiptur, en hluti sveitarfélagsins er
á Krísuvíkursvæðinu á Suðurnesjum.
/HKr.
Síðasti hreppstjórinn á landinu í
hlutverki réttarstjóra í Þverárrétt
– Halldór Kristján Jónsson segist vera síðasti „móhíkaninn“ í þessari stétt
Halldór Kristján Jónsson, síðasti hreppstjóri landsins, var reffilegur við að draga í dilka í Þverárrétt um síðustu
helgi, en þar gegndi hann líka hlutverki réttarstjóra. Mynd / Anna Rún Halldórsdóttir.
Skoðaðu úrvalið á: www.hekla.is/mitsubishisalur
L200 4x4 InStyle, 33” breyttur
Verðlistaverð 7.070.000 kr.
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri | Bílasala Selfoss | Bílás Akranesi | BVA Egilsstöðum
Veiðitilboð Mitsubishi
Tilboðsverð 6.470.000 kr.
Costco semur við
Norðlenska
Costco á Íslandi hefur ákveðið að
ganga til samninga við Norðlenska
um viðskipti með lambakjöt.
Ágúst Torfi Hauksson, fram­
kvæmda stjóri Norðlenska, staðfesti
í samtali við Bændablaðið að fyrir­
tækin hefðu náð samningi um sölu
Norðlenska á lambakjöti til Costco
en kaus að tjá sig ekki frekar um
málið.
Costco mun hafa óskað eftir verð­
tilboðum í lambakjötsviðskipti sín
og ákvað í framhaldinu að semja við
Norðlenska. /VH
Kristján Þór Júlíusson
sjávarútvegs- og landbúnaðar-
ráðherra hefur undirritað
reglugerð sem kveður á um
viðbótartryggingar varðandi
salmonellu vegna innflutnings á
kjúklingakjöti, hænueggjum og
kalkúnakjöti.
Viðbótartryggingin þýðir að
þessum matvælum skal alltaf fylgja
vottorð sem byggja á salmonellu­
rannsóknum og sýna að hún hafi ekki
greinst. Í því felst að framleiðandi
eða sendandi vörunnar taki sýni úr
öllum sendingum á kjúklinga­ og
kalkúnakjöti, sem og úr eggjum.
Ef varan er laus við salmonellu er
gefið út vottorð þess efnis. Án slíks
vottorðs verður innflutningur ekki
heimilaður. Reglugerðin tekur gildi
1. janúar 2020.
Eftirlitsstofnun EFTA (ESA)
heimilaði íslenskum stjórnvöldum
hinn 16. janúar síðastliðinn að setja
umræddar viðbótartryggingar að
undangenginni umsókn atvinnuvega­
og nýsköpunarráðuneytisins hinn 4.
júlí 2018.
Drög að reglugerðinni voru
birt á Samráðsgátt stjórnvalda á
tímabilinu 4.–18. september en
engar athugasemdir bárust.
Viðbótartryggingarnar eru unnar
í samræmi við aðgerðaáætlun í 17
liðum um að efla matvælaöryggi,
tryggja vernd búfjárstofna og
bæta samkeppnisstöðu innlendrar
matvælaframleiðslu. Áætlunin
var lögð fram af Kristjáni Þór
Júlíussyni sjávarútvegs­ og
landbúnaðarráðherra og var hún
samþykkt sem þingsályktun hinn
19. júní síðastliðinn. /VH
Viðbótartryggingar
varðandi salmonellu