Fréttabréf Öryrkjabandalags Íslands - 01.06.1999, Qupperneq 27

og áður sagði hefur sá hópur sem er
virkur í starfi félagsins snúið sér meira
að ákveðnum verkefnum. Stærsta
verkefnið hingað til var samnorræn
ráðstefna sem var haldin í Reykholti
sumarið 1994. í ágúst n.k. verður
norræn ráðstefna haldin öðru sinni á
Islandi, í þetta sinn að Laugarvatni.
Nýlega var formlega stofnaður
foreldrahópur barna sem stama, en
þetta er önnur tilraunin sem gerð er
til að koma svona hóp á laggimar. Við
væntum mikils af starfi þessa hóps.
Erlent samstarf
Aður en félagið var stofnað var
undirritaður kominn í samband við
ýmsa einstaklinga og félög um stam
víða um heim. Töluverð tengsl eru
milli þessara aðila milli landa og má
segja að þeir eigi sér sameiginlegt
tungumál. Þeir skilja hver annan.
Það samstarf sem við emm mest
virk í er norræna samstarfið. I um
30 ár hafa félögin á hinum Norður-
löndunum haldið sameiginlega ráð-
stefnu, þar sem fjallað er um stam frá
ýmsum sjónarhornum. Eitt aðalatrið-
ið við þessar ráðstefnur er sú sam-
kennd sem við finnum með þessum
hóp. Við höfum átt fulltrúa á þessum
námsstefnum síðan 1991 og í ár er
komið að okkur að halda ráðstefnuna
í annað sinn. Norræna samstarfið
hefur gefið mikil persónuleg tengsl
okkar við fjölda fólks á hinum Norð-
urlöndunum.
Við höfum líka tekið þátt í sam-
starfi innan Evrópusamtaka félaga um
stam, ELSA. Innan þessara samtaka
fara fram skoðanaskipti og skipst er á
upplýsingum um það sem er að gerast,
hvernig unnið er t.d. gagnvart yfir-
völdum og samtökin beita sér fyrir
þrýstingi á stjómvöld eftir því sem við
á. Ekki hefur verið farið út í samskipti
almennra félaga á þessum vettvangi,
en það gæti orðið síðar. Fjármagns-
skortur háir þessu samstarfi nokkuð,
en ELSA hefur fengið styrki frá ESB
semhjálpauppásakimar. Viðíslend-
ingar njótum þó ekki góðs af því eins
og flestir aðrir, þar sem Island stendur
utan ESB.
A heimsvísu eru starfandi alþjóð-
leg samtök, International Stuttering
Assoeiation (ISA). Formlegt starf
þessara samtaka er frekar lítið enn
sem komið er, en heimsráðstefnur
hafa verið haldnar á þriggja ára fresti,
nú síðast í Suður-Afríku sumarið
1998. Þar áttum við því miður engan
fulltrúa.
ÖBÍ
Á aðalfundi ÖBI s.l. haust var
beiðni Málbjargar um inngöngu í ÖBI
samþykkt. Með því má segja að
félagið sé búið að ávinna sér sess sem
fullgildur vettvangur fyrir þann hóp
fólks sem stamar.
Lokaorð
Félagar í Málbjörgu eru nú um 70
talsins. Það er von okkar að við get-
um, með starfi félagsins, breytt að-
stöðu þeirra sem stama í landinu til
betri vegar.
Það er óhætt að segja að við sem
höfum starfað að málefnum félagsins
höfum fundið að starfið hefur haft
jákvæð áhrif á okkar eigið stam og við
erum betur tilbúin en áður að takast á
við stamið með það fyrir augum að
ná tökum á því, í stað þess að það hafi
tak á okkur.
Benedikt E. Benediktsson
STYRKVEITINGAR
ÖBÍ 1999
Til aðildarfélaga:
Alnæmissamtökin 370 þús.kr.
Blindrafélagið 670 þús.kr.
Daufblindrafélagið 420 þús.kr.
Félag aðstand. Alzheimersj. 570 þús.kr.
Félag heymarlausra 860 þús.kr.
Félag nýrnasjúkra 220 þús.kr.
Foreldrafél. misþr. barna 520 þús.kr.
Foreldra- og styrktarfél. heyrnard. 280 þús.kr.
Geðhjálp 800 þús.kr.
Geðvemdarfélagið 360 þús.kr.
Gigtarfélagið 650 þús.kr.
Heyrnarhjálp 360 þús.kr.
LAUF 380 þús.kr.
Málbjörg 250 þús.kr.
MG félagið 200 þús.kr.
MND félagið 260 þús.kr.
MS félagið 790 þús.kr.
Parkinsonsamtökin 510 þús.kr.
SPOEX 440 þús.kr.
SÍBS 740 þús.kr.
Samtök sykursjúkra 360 þús.kr.
Sjálfsbjörg 890 þús.kr.
Styrktarfél. lam. fatl. 590 þús.kr.
Styrktarfél. vang. 810 þús.kr.
Tourette-samtökin 280 þús.kr.
Umsjónarfél. einhv. 470 þús.kr.
Samtals til félaga 13.050 rnillj. kr.
Einnig var úthlutað 950 þús.kr. til annarra aðila. Helstu styrkirnir voru
veittir til: íþróttasambands fatlaðra; verkefnis Hörpu Njáls og Hala-
leikhópsins. 4 aðrir smærri styrkir voru veittir.
Fjárhagsáætlun gerði ráð fyrir 14 millj. kr. samtals til styrkveitinga og
tóku styrkupphæðir eðlilegt mið þar af.
H.S.
fréttabréf öryrkjabandalagsins
27