Bændablaðið - 02.04.2020, Blaðsíða 33
Bændablaðið | Fimmtudagur 2. apríl 2020 33
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
STARTARAR í flestar
gerðir dráttarvéla
Víkurvagnar ehf. – Hyrjarhöfði 8. – 110 Reykjavík
Sími 577-1090 – www.vikurvagnar.is – sala@vikurvagnar.is
STYRKUR, ÞJÓNUSTA OG ÁREIÐANLEIKI
MIKIÐ ÚRVAL KERRUVARAHLUTA
VÍKURVAGNAR EHF.
RAFMAGNSBÚNAÐUR
BREMSUR
BEISLI
DEKK
LJÓS
LED LJÓS
Bændablaðið Smáauglýsingar 56-30-300
Næsta blað kemur út 22. apríl
LESENDABÁS
Samstaða um íslenska
matvælaframleiðslu
Í síðustu viku kynnti ég í ríkis-
stjórn 15 aðgerðir sem vinna móti
áhrifum COVID-19 veirunnar á
íslenskan landbúnað og sjávarút-
veg. Aðgerðirnar koma til viðbótar
við almennar aðgerðir ríkisstjórn-
arinnar en umfang þeirra er yfir
200 milljarðar króna.
Aðgerðirnar eru afrakstur náins
samráðs við m.a. Bændasamtök
Íslands. Átta af aðgerðunum 15 eru
á sviði landbúnaðar, fimm á sviði
sjávarútvegs og tvær eru almennar
og snerta báðar greinar. Markmið
þeirra er skýrt. Að lágmarka neikvæð
áhrif á þessar greinar til skemmri og
lengri tíma, en um leið skapa öfluga
viðspyrnu þegar þetta tímabundna
ástand er gengið yfir. Ég vil nýta
þetta tækifæri til að fara yfir þær
aðgerðir sem snerta íslenskan land-
búnað.
Fjárfest í íslenskri garðyrkju
Fyrst ber að nefna þá metnaðarfullu
sókn sem fyrirhuguð er í íslenskri
garðyrkju. Nú standa yfir samninga-
viðræður stjórnvalda og bænda um
endurskoðun búvörusamnings um
starfsskilyrði garðyrkjuræktar. Þar
er gert ráð fyrir að íslensk garðyrkja
verði efld til muna með auknum
fjárveitingum strax á þessu ári. Ég
hef óbilandi trú á þeim tækifærum
sem blasa við íslenskri garðyrkju
enda er aukin framleiðsla á íslensku
grænmeti forsenda þess að íslenskir
garðyrkjubændur nái að halda við
og auka markaðshlutdeild íslensks
grænmetis.
Í öðru lagi hef ég
ákveðið í samráði
við Bændasamtök
Íslands að beina
því erindi til fram-
kvæmdanefndar
búvörusamninga
að leita leiða til að
færa til fjármuni í
samræmi við gild-
andi búvörusamn-
inga. Markmið
slíkra tilfærslna er
að koma sérstaklega til móts við inn-
lenda matvælaframleiðendur sem
glíma við áskoranir vegna þessa
ástands.
Í þriðja lagi má nefna að ráðu-
neyti mitt mun taka höndum saman
með Bændasamtökum Íslands og
Rannsóknamiðstöð landbúnaðarins
við að skrá afurðatjón bænda vegna
COVID-19.
Jafnframt má nefna að ráðuneyti
mitt mun gera bændum kleift að fá
fjölþætta ráðgjöf til að takast á við
þær áskoranir sem nú blasa við
vegna COVID-19, tryggt verður að
einstaklingar sem sinna afleysingar-
þjónustu fyrir bændur sem glíma við
COVID-19 fái greitt fyrir þá vinnu
og ráðuneyti mitt og Bændasamtökin
munu vinna að gerð mælaborðs fyrir
landbúnaðinn til að bæta framsetn-
ingu gagna um landbúnaðarfram-
leiðsluna, birgðir og framleiðsluspár.
Þá má nefna að óskað hefur verið
eftir liðsinni dýralækna í bakvarða-
sveit og ráðstafanir verða gerðar til
að heimila ræktun iðnaðarhamps hér
á landi með skilyrðum.
Fallið frá hækkun á gjaldskrá
Tvær aðgerðir af aðgerðunum 15 eru
almennar, en snerta báðar hagsmuni
íslensks landbúnaðar. Annars vegar
hef ég ákveðið að fallið verður frá
áformum um 2,5% hækkun á gjald-
skrá Matvælastofnunar til 1. septem-
ber á þessu ári. Þetta er gert til að
bregðast við þeirri staðreynd að fyr-
irséð er að eftirspurn eftir íslenskum
matvælum muni dragast saman á
næstu misserum, m.a. í ljósi fækk-
unar ferðamanna til Íslands, og mun
slíkt hafa áhrif á rekstur íslenskra
matvælaframleiðenda.
Hins vegar liggur fyrir að hert-
ar kröfur um samkomur fólks og
aðrar ráðstafanir yfirvalda geta
haft neikvæð áhrif á fyrirtæki sem
sinna íslenskri matvælaframleiðslu.
Heilbrigðisráðherra
hefur, eftir samráð
við sóttvarnalækni,
almannavarnadeild
ríkislögreglustjóra
og Matvælastofnun,
ákveðið að veita
kerfislega og efna-
hagslega mikilvæg-
um fyrirtækjum í
þessum greinum
undanþágu frá til-
teknum ráðstöfun-
um að uppfylltum
ströngum skilyrðum. Undir það
falla meðal annars sláturhús og
afurðastöðvar. Ráðuneyti mitt mun
áfram fylgjast með þessari þróun í
samvinnu við heilbrigðisyfirvöld og
atvinnulífið.
Veljum íslenskt
Ég hef í mínum samskiptum við
bændur upplifað samstöðu um þær
fyrstu aðgerðir sem ég hef nú kynnt.
Það verður í forgangi í mínu ráðu-
neyti á næstu dögum og vikum að
framfylgja þessum aðgerðum og að-
stoða íslenska matvælaframleiðslu í
gegnum þetta ástand. Grípa til frek-
ari aðgerða sem nauðsynlegar verða
og gera það sem þarf. En mögulega
er mikilvægasta aðgerðin af þeim
öllum hins vegar sú sem hver og
einn Íslendingur hefur í hendi sér
á hverjum degi; að velja íslensk
matvæli.
Kristján Þór Júlíusson,
sjávarútvegs- og landbúnaðar-
ráðherra
„En mögulega er mikil-
vægasta aðgerðin af þeim
öllum hins vegar sú sem
hver og einn Íslendingur
hefur í hendi sér á hverj-
um degi; að velja íslensk
matvæli.“
Kristján Þór Júlíusson.