Íþróttablaðið - 01.12.1948, Blaðsíða 15
ÍÞRÓTTABLAÐIÐ
5
I/.X100 m. boðhlcmp (úrslit), Blankers-Koen hefir tekizt að pína sig fram úr
King en Jones (á 3. braut), Garndner, (1).. br.) og Nielsen (6. braut) berjast um
3. sætið um 4 metrum á eftir.
Chile hljóp á 51,5, en síðasta ítalska
stúlkan var svo óheppin að detta og
verða að hætta. Loks vann Holland 3.
og síðasta riðilinn á bezta tímanum,
47,6 sek., en Danmörk skaut Banda-
ríkjunum ref fyrir rass og krækti I
annað sætið á 48,1 móti 48,3.
I úrslitunum fékk Ástralía 1. braut,
Kanada 2., Bretland 3., Austurríki 4.,
Holland 5. og Danmörk 6. braut.
Mörgum á óvart héldu dönsku stúlk-
urnar á yztu brautinni foruztunni 3
fyrstu sprettina, en Ástralía og Kanada
voru rétt á eftir. Eftir síðustu skipt-
ingu virtist sem Ástralíustúlkan King
ætlaði að tryggja sér sigurinn, því hún
var strax orðin 3—4 metrum á undan
næstu sveit. Þá verður manni allt í einu
lítið á hollenzku stúlkuna, sem hleypur
síðasta sprettinn. Hún hefir þegar rifið
sig fram úr Danmörku, Bretlandi og
Kanada og nálgast óðum foruztuna. Það
er Blankers-Koen, sem hér er á ferð-
inni og þótt hún sé búin að vinna 3
gullmedalíur virðist sem þessi fjórðá
raun muni verða henni fullerfið viður-
eignar. 10 m. frá marki er Ástralíustúlk-
an enn vel á, undan, en þegar i mark
er komið hefir foruztan skyndilega skipt
um handhafa. Blankers-Koen er komin
að snúrunni 1/2 metra á undan þeirri
áströlsku. 4 — 5 metrum aftar berjast
þrjár um þriðja sætið með þeim úrslit-
um að Jones (Kanada) hreppir það.
Gardner frá Bretlandi var tæpum metra
á eftir og hafði tekizt að skjóta þeirri
dönsku álíka langt aftur fyrir sig.
Sá tímamunur, sem tímaverðir gáfu
upp milli 2. og 3. sveitar var víðs fjarri
lagi eins og margt fleira, sem þeir góðu
menn sendu frá sér. Létu þeir Ástra-
líu fá 47,6 og Kanada (4 m. aftar) 47,8,
en það samsvarar því að síðasta Kan-
adastúlkan hafi verið 20 sinnum fljótari
með þessa 4 metra en tímaverðirnir
töldu LaBeach hafa verið x úrslitum
100 m. hlaupsins! Til þess að lesendur
fái einfalda en góða hugmynd um þessi
allt of tíðu mistök tímavarða Olympíu-
leikana er bezt að líta á meðfylgjandi
mynd af boðhlaupinu. Til skýringar skal
þess getið að tímaverðir gerðu sama mun
(2/10) á 2. og 3. og 3. og 4. sveit (47,5
— 47,6 — 47,8 — 48,0 — 48,2).
Þetta síðasta afrek Koen að vinna
hlaupið fyrir Holland, en það gerði hún
bókstaflega, skipar henni sess meðal
hinna ódauðlegu Olympíusigurvegara,
eins og Kranzlein, Nurmi og Owens. Hún
keppti í 4 greinum og vann sigur í öll-
um og varð þó að hætta við þátttöku
í hástökki og langstökki, þar sem hún
á hin staðfestu heimsmet.
Blankers-Koen er gift þjálfara sínum,
Jan Blankers, fyrrverandi þrístökksm.
og er því ekki að undra þótt stíll henn-
ar sé góður. Annars er hún eins og sköpuð
fyrir íþróttir, og hefir, þrátt fyrir gift-
ingu og barneignir, tekizt að halda sér
í fullkominni þjálfun síðustu 14 árin.
KRINGLUKAST:
Heimsmet: 48,31 m. G. Mauermeyer
Þýzkalandi 1936.
Olympsmet: 47,63 m. G. Mauermeyer,
Þýzkalandi 1936.
1. Micheline Ostermeyer, Frakkl. 41,92
2. Cordiale Gentile, Italíu .. 41,17
3. J. Mazeas, Frakklandi ..... 40,47
4. J. Wajs-Marcinkiewicz, Póllandi 39,30
5. L. Haidegger, Austurríki .. 38,81
6. A. E. Panhorst-Niesink, Hollandi 38,74
Þetta var fyrsta keppnisgrein leik-
anna og fór reynslukeppni fram föstu-
daginn 30. júli s.l. kl. 11, f. h. en úrslit-
in síðar um daginn, hvorttveggja í glaða
sólskini og hita.
Lágmarksskilyrði til aðalkeppni var
36 m., en þar sem svo fáar náðu því
fengu 12 beztu að taka þátt í aðalkeppn-
inni (samanber karlakeppnina í síðasta
blaði). Annars voru keppendur 31 að tölu.
Búizt hafði verið við því að hin karl-
mannlega stúlka Gentile Cordiale yrði
hlutskörpust, en hún virtist mjög óviss
í hringnum og gerði helming kastanna
ógild þ. á. m. lengstu köstin. Eftir undan-
úrslitin var franski píanósnillingurinn
Ostermeyer með lengsta kastið, 40,05 m.
en yfirleitt var keppnin jöfn og spenn-
andi. 1 næst síðustu umferð náði Mazeas
frá Frakklandi foruztunni með 40,47 m.
kasti og þótt Ostermeyer vandaði sig
gat hún aðeins svarað með 40,45 m., en
hin heillum horfna Gentile gerði ógilt
enn lengra kast. 1 síðustu umferð heppn-
aðist þeirri ítölsku loks að ná gildu kasti
sem var lengra en hinar höfðu náð.
Mældist það 41,17 m. og virtist nú sem
sigur hennar væri fyrirsjáanlegur. A.
m. k. var Mazeas litla svo taugaóstyrk
að hún missti kringluna niður á 35 m.
strikið. Nú var Ostermeyer eina vonin.