Orð og tunga - 2020, Síða 11

Formáli ritstjóra ix
Ég þakka höfundum greina í 22. hefti Orðs og tungu fyrir samstarfið
og ekki síður ritrýnum sem tóku að sér að meta aðsendar greinar.
Tímaritið fylgir þeirri reglu að ritrýnar njóti fullrar nafnleyndar og því
er ekki hægt að nefna þá með nafni. Ég vil þó taka sérstaklega fram
að ég fyllist alltaf þakklæti þegar ég fæ vandaða umsögn frá ritrýnum
því það er ekki sjálfgefið að fræðimenn noti eigin rannsóknartíma í
að meta verk annarra. Þá þakka ég þeim sem sitja í ráðgefandi rit­
nefnd tímaritsins fyrir þeirra störf, Emily Lethbridge fyrir að lesa yfir
útdrætti á ensku og Svanhildi Maríu Gunnarsdóttur fyrir próf arka­
lestur. Bessi Aðalsteinsson fær bestu þakkir fyrir að annast enn sem
fyrr umbrot og samskipti við prentsmiðju og kápuhönnuð. Síðast en
ekki síst langar mig til að þakka samstarfsmönnum mínum á Stofn­
un Árna Magnússonar í íslenskum fræðum. Eins og ég nefndi hér
í upphafi hefur mörgum okkar orðið ljóst undanfarnar vikur mikil­
vægi vinnustaðarins. Við undirbúning þessa heftis hefur mér reynst
ómetanlegt að hafa vinnufélaga mína hér á stofnuninni þegar ég hef
þurft að bera undir þá atriði eins og t.d. orðalag eða stærri álitamál er
varða fræðilega ritstjórn.
Helga Hilmisdóttir, ritstjóri
tunga_22.indb 9 22.06.2020 14:03:49