Orð og tunga - 2020, Page 139

Orð og tunga 22 (2020), 127–133, https://doi.org/10.33112/ordogtunga.22.10
© höfundar cc by-nc-sa 4.0.
Veffregnir
Á árunum 2018 og 2019 hafa margir vefir Stofnunar Árna Magnússon­
ar í íslenskum fræðum verið uppfærðir auk þess sem nýir vefir hafa
litið dagsins ljós. Í þeirri vinnu hefur verið leitast við að bæta aðgengi
að gögnum á vefunum, auðvelda notkun, samræma útlit og hönnun
og gera þá farsímavænni. Margir af nýju eða endurbættu vefunum eru
vefir fyrir tiltekin orðasöfn eða orðabækur, en auk þeirra hafa verið
settir upp nýir málheildavefir, vefur fyrir Orð og tungu og nokkrir
minni vefir með sérefni. Við lýsum stuttlega þessum nýjungum og
segjum frá virkni vefanna.
Beygingarlýsing íslensks nútímamáls
Ný útgáfa Beygingarlýsingar íslensks nútímamáls (BÍN) var kynnt haust­
ið 2019 (Kristín Bjarnadóttir o.fl. 2019). Í nýju útgáfunni var gagna­
grunn ur inn sem BÍN keyrir á skrifaður upp á nýtt svo hægt væri að
skrá alls kyns nýjar upplýsingar. Þannig er nú hægt að gera grein­
ar mun á lýsandi og vísandi málfræði í gagnagrunninum og tekið
hefur verið saman vísandi úrtak með yfir 50.000 algengum orðum,
BÍN­kjarn inn. BÍN­kjarninn er aðgengilegur í forritaskilum, sem gef­
ur öðr um vefum kost á að nýta efnið í honum. Auk þess eru nú að­
gengi leg ýtarlegri gögn úr BÍN til nota í máltækni og BÍN­vefurinn
var hann aður upp á nýtt til að verða farsímavænni og aðgengilegri
fyrir not endur.
Ritmálssafn Orðabókar Háskólans
Í Ritmálssafni Orðabókar Háskólans má finna dæmi um orðnotkun úr
íslenskum textum frá siðaskiptum til loka 20. aldar. Í safninu eru orð­
tekin dæmi, auk upplýsinga um heimildir. Haustið 2018 lauk þróun á
nýju viðmóti fyrir ritmálssafnið á vefslóðinni ritmalssafn.arnastofnun.
is. Um er að ræða endurhönnun á eldri vef með mjög auknum leitar­
möguleikum.
tunga_22.indb 127 22.06.2020 14:03:54