Orð og tunga - 2020, Side 147

Orð og tunga 22 (2020), 135–136, https://doi.org/10.33112/ordogtunga.22.11
© höfundar cc by-nc-sa 4.0.
l
ISLEX fær nýtt útlit
Norræna veforðabókin ISLEX fékk nýtt útlit síðla árs 2019. Þá voru
liðin átta ár frá því að orðabókin var fyrst opnuð á vefnum með
markmálunum dönsku, sænsku og norsku (bókmáli og nýnorsku).
Síðar bættust við færeyska (2015) og finnska (2018).
Nýja vefsíðan er létt og fersk og nú er leitin þægilegri en áður var.
Viðmót orðabókarinnar í snjallsímum hefur einnig verið endurbætt.
Meðal nýjunga er að hægt er að slá inn upphaf orðs og birtast þá
tillögur um framhaldið (e. autofill). Einnig eru birt nokkur skyld orð
þegar farið er í ákveðna flettugrein, sbr. Mynd 1 sem sýnir flettuna
ósannindi.
Mynd 1: Flettugreinin ósannindi ásamt skyldum orðum. Skyldheitin eru fengin með
vél rænni vinnslu á íslensku orðunum ásamt jafnheitum markmálanna.
Árið 2019 voru notendur ISLEX um 130.000 og er þá að finna í flestum
heimshornum. Áhugavert er að skoða þróun þeirra tækja sem not end­
ur fletta með í orðabókinni, en skiptingin er þessi: tölvur 54%, far sím­
ar 36% og spjaldtölvur 10%. Hlutdeild farsíma til uppflettinga hefur
aukist mjög á undanförnum fáum árum en fyrstu árin eftir opnun
vef orðabókarinnar (2011) var hlutfall farsíma lengi vel aðeins um 5%.
tunga_22.indb 135 22.06.2020 14:03:54