Íþróttablaðið - 01.02.1983, Síða 11

A heimavelli
Gunnar með
200 leiki
Þegar Þróttur mætti norsku
meisturunum frá Tromsö í
Evrópubikarkeppni meistara-
liða í blaki skömmu fyrir jól
lék Gunnar Ámason sinn 200.
leik með liðinu. Slíkt þykir í
frásögur færandi þar sem
blakíþróttin er ekki ýkja göm-
ul sem keppnisíþrótt á Islandi.
Það sem kannski var þó enn
merkilegra var það að um-
ræddur afmælisleikur Gunnars
var einnig afmælisleikur
Þróttar, líka 200. leikur. Hafði
Gunnar því leikið alla leiki
Þróttar frá upphafi. Ekki fékk
Gunnar og félagið þó verðuga
afmælisgjöf þar sem það varð
að lúta í lægra haldi fyrir
norsku meisturunum. En hér
innanlands hefur Þróttaliðið
verið með öllu ósigrandi tvö
síðustu ár og ekkert bendir til
þess að veldi félagsins verði
hnekkt í náinni framtíð.
EM í siglingum hér
íslenskir siglingamenn eru
nú að færa sig upp á skaftið.
Nokkrir siglingamenn tóku
þátt í mótum eriendis s.l. sum-
ar og stóðu sig þar með ágæt-
um þótt reynsluna skorti. Nú
hafa siglingamenn mikinn
áhuga á því að halda Evrópu-
meistaramótið í „Las-
er“-báta-flokki hérlendis
næsta sumar og þykir líklegt
að þeir fái vilja sínum fram-
gengt. Munu þá væntanlega
koma mörg hundruð erlendir
siglingamenn til landsins og
svífa hér seglum þöndum. Þarf
ekki að efa að verði af því að
mótið verði hérlendis mun það
verða gífurleg lyftistöng fyrir
siglingaíþróttina og vekja á
henni verðskuldaða athygli.
11