Íþróttablaðið - 01.06.1991, Side 22

og stöðugt að því að ná góðum ár-
angri á heimsmeistaramótinu. Pétur
er mjög sterkur karakter og það á eftir
að koma honum til góða. Hann á alla
möguleika á því að fara á verðlauna-
pall á heimsmeistarmótinu, eins og
reyndar 6-8 aðrir kúluvarparar í
heiminum. Pétur þarf líka á skilningi
FRÍ að halda því ef hann er að æfa í
gegnum ákveðið tímabil, þar sem
hann er þreyttur, þýðir ekki að senda
hann utan á mót. Æfingar hans miða
að því að ná toppi á heimsmeistara-
mótinu og verður undirbúningur
hans að vera í samræmi við það. Ef
FRÍ vill senda kúluvarpara á mót er-
lendis verður Andrés, bróðir hans, að
fara í staðinn ef Pétur er illa upplagð-
ur. Skilningurforystumanna í íþrótta-
hreyfingunni verður að vera til staðar
þegar svona stendur á.
Vésteinn Hafsteinsson hefuraldrei
verið sterkari en í ár. Hann hefur æft
gífurlega vel í vetur þótt hann hefði
kannski mátt hafa æfingarnar fjöl-
breyttari. í ár ætlar hann að taka þátt í
nokkrum Grand Prix mótum, ef hann
á þess kost. Ef Véstei n n kemst á nokk-
ur sterk mót í sumar mun hann örugg-
lega standa sig vel á heimsmeistara-
mótinu í Tokyo í haust. Það er lykill-
inn að góðum árangri hans í haust að
keppa á sterkum mótum. Hann hefur
stundum komið of „keppnisþurr" í
stórmót.
Eftir að hafa séð Eggert Bogason
kasta í vor hef ég fengið mikla trú á
honum. Hann er mun hraðari en
áður og ef hann nær að slípa stílinn
betur getur hann komið sterkur upp.
Það er eins með hann og Véstein að
hann verður að keppa á minnst 6-7
sterkum mótum erlendis í sumar til
þess að geta staðið sig vel í haust.
Sigurður Matthíasson kastar, að
mínu mati, spjótinu í fyrsta skipti yfir
80 metra í sumar. Síðan eru nokkrir
kastara á uppleið. Andrés
Guðmundsson kúluvarpari á að geta
kastað 19 metra í sumar.
íris Grönfeldt spjótkastari hefur
aldrei verið eins líkamlega sterk en
það hefur vantað aðeins upp á tækn-
ina hjá henni í vor. Ef hún lagar það
hef égtrú á því áð hún nái fyrri styrk í
spjótkasti sem hún bjóst kannski ekki
við fyrir þremur árum, þegar hún var
meidd.
Eftir að hafa séð fyrsta 100 metra
hlaupið hjá Einari Þór Einarssyni
spretthlaupara, eftir meiðslahrinu
sem hann lenti í, hef ég trú á því að
hann nái lágmarkinu á heimsmeist-
aramóti í sumar, sem er 10.50. Ég
hafði ekki fulla trú á því í vetur, þrátt
fyrir gífurlegan dugnað hans sem
íþróttamanns, að hann færi niður í
10.50 en hann á möguleika á því, að
mínu mati.
Einar Vilhjálmsson ætti að geta kast-
að yfir 90 metra að mati Stefáns.
Ég held að þetta verði millibilsár
hjá Helgu Halldórsdóttur en Þórdís
Gísladóttir er enn á uppleið. Hún er
kröftugri stökkvari en áður og hefur
þegar náð lágmarkinu fyrir heims-
meistaramótið. Því miður á hún samt
ekki raunhæfa möguleika á því að
komastá verðlaunapall. Þóhefégtrú
á því að hún fari yfir 1.90 í sumar."
— Ertu þeirrar skoðunar að ísland
muni eignast heimsmeistara í frjáls-
íþróttum í framtíðinni?
„Já, viðeigum alla möguleika á því
að eignast heimsmeistara eða Ól-
ympíumeistara á næstu tveimur ár-
um. Hæfileikarnir eru fyrir hendi."
— Eigum við einhver ungviði sem
gætu skipað sér í fremstu röð í fram-
tíðinni?
„Tvímælalaust. Hvað kösturum
viðkemur þá kemur það ekki Ijós fyrr
en menn eru að nálgast tvítugt hvort
þeir verða góðir eða ekki. Þá kemur í
Ijós hvort viðkomandi hafi sterkt
„egó" og hvort hann ætli sér að velja
þá lífsleið að verða kastari. Menn
verða hreinlega að velja sér það t.d.
að verða kúluvarparar í 10-15 ár. Við
eigum nóg af efnum en síðan er
spurning hvað framtíðin beri í skauti
sér."
— Hver heldur þú að þróunin
verði í þjálfun frjálsíþróttamanna á
Islandi í framtíðinni?
„Þróunin í þjálfaramálum er að
mörgu leyti neikvæð hérá landi. Það
stafar að vissu leyti af skilningsleysi
forráðamanna félaganna fyrir starfi
þjálfara. Sumir telja að þetta starf sé
ekkert annað en tómstundagaman
þjálfara og að þeir þurfi ekkert að fá
22