Íþróttablaðið - 01.06.1991, Qupperneq 61

ESSO
Haukur Gunnarsson ásamt Bjarna Bjarnasyni og Vilhjálmi Jónssyni, forstjóra
Ólíufélagsins hf.
styrkir Hauk Gunnarsson
Það er alltaf ánægjulegt þegar
fyrirtæki veita einstaklingum, sem
skara fram úr í íþróttum, fjárstyrk til
þess að stunda íþrótt sína sem best
— sérstaklega þegar stórmót eru
framundan. ESSO — Olíufélagið hf.
— hefur í samráði við íþróttasam-
band fatlaðra ákveðið að styrkja
Hauk Gunnarsson fram að Ólympíu-
leikunum í Barcelona sem fara fram í
september 1992.
Haukur hefur verið einn fremsti
frjálsíþróttamaður íslands í íþróttum
fatlaðra og á glæsilegan feril að baki.
Hápunkturinn á ferli Hauks var án
efa frammistaða hans á Ólympíuleik-
um fatlaðra í Seoul, Suður-Kóreu, ár-
ið 1988. Þá setti HaukurÓlympíumet
og heimsmet í 100 metra hlaupi auk
þess sem hann vann til bronsverð-
launa í 200 og 400 metra hlaupi.
Sama ár var Haukur kosinn íþrótta-
maður Reykjavíkur og hafnaði í 3.
sæti í kjöri íþróttamanns ársins hjá
íþ róttaf rétta m ö n n u m.
ífyrranáði Haukurstórglæsilegum
árangri á heimsleikum fatlaðra í As-
sen í Hollandi er hann fékk silfur-
verðlaun í 100 og 400 metra hlaupi
ogbronsverðlaun í 200 metra hlaupi.
Of langt mál yrði að telja upp öll
afrek Hauks til þessa en ÍÞRÓTTA-
BLAÐIÐ sló á þráðinn til hans og
forvitnaðist um það hvað hefði á
daga hans drifið á undanförunum
mánuðum og hvað væri framundan
hjá honum.
„Um þessar mundir miðast allur
minn undirbúningur við það að vera í
toppformi á Ólympíuleikunum á
næsta ári. Þar ætla ég að keppa í 100,
200 og 400 metra hlaupi. Hugsan-
lega keppi ég líka í 800 metra hlaupi
og langstökki. Það verður við ramm-
an reip að draga í Barcelona því
nokkuð margar þjóðir munu senda
keppendur á Ólympíuleikana og
margir þeirra eru góðir. Asíumenn,
Ástralíubúar og Kanadamenn mæta
sterkir til leiks í fyrsta skipti og sömu-
leiðis Þjóðverjar og Frakkar. Það
verður því ekki hlaupið að því að
krækja í gullið því Þjóðverjinn um-
deildi, sem sigraði mig á heimsleik-
unum ífyrra, verður væntanlega með
ásamt einhverjum nýjum keppend-
um."
Haukur hefur æft með frjáls-
íþróttadeild Ármanns undanfarin ár
og verið ötull við æfingarnar. Hann
segist hafa hlaupið undir staðfestu
heimsmeti í 100 metra hlaupi á æf-
ingum og vonast jafnvel til að bæta
það í sumar. „Auk einhverra móta
hér heima keppi ég á þýska meistara-
mótinu 13.-14. júlíog á Evrópumeist-
aramóti félagsliða sem ferfram í Eng-
landi í haust."
Haukur segist verið mjög þakklát-
ur fyrir þann styrk sem Ólíufélagið hf.
veitir honum en hann hljóðar upp á
30.000 krónur á mánuði fram að Ól-
ympíuleikunum. „Ég hef stundum
verið gagnrýninn á stefnu Iþrótta-
sambands fatlaðra en mér finnst að
sambandið mætti styðja betur við
bakið á fáum einstaklingum, sem
eiga góða möguleika á því að ná
langt, í stað þess að styrkja marga."
Haukur og sambýliskona hans
eignuðust son í fyrra og lífið snýst því
ekki lengur eingöngu um íþróttaiðk-
un. „Ég hef ákveðið að draga mig í
hlé eftir Ólympíuleikana á næsta ári.
Auðvitað hætti ég aldrei í íþróttum en
ég ætla ekki að eyða svona miklum
tíma í æfingar eftir leikana. Ég gæti
vel hugsað mér að leika mér aðeins í
tennis, badminton, fótbolta eða öðr-
um greinum þegarég hætti að hlaupa
fyrir alvöru."
61