Íþróttablaðið - 01.04.1997, Side 24

Fjölmiðlar urðu strax hrifnir af þess-
um geðþekka leíkmanni og gerðu
harða hríð að honum við hvert tæki-
færi en Alex Ferguson, framkvæmda-
stjóri, gerði allt sem í hans valdi stóð
til að passa upp á gullkálfinn og
bannaði öll viðtöl svo Giggs gæti
einbeitt sér að því að spila fótbolta.
Margir höfðu áhyggjur af því að öll
þessi frægð og hylli hefði slæm áhrif
á Giggs og voru menn fljótir að draga
fram sögur af öðrum leikmanni sem
byrjaði ungur að spila með United,
lék í treyju númer ellefu og var eftir-
sóttur af kvenfólki. Það var George
Best sem er einn hæfileikaríkasti
leikmaður Bretlandseyja fyrr og síðar
en varð síðar hrifnari af hóglífi og
skemmtunum en streðinu inni á fót-
boltavellinum. En Giggs lét það ekki
trufla sig heldur hélt áfram að ein-
beita sér að fótboltanum. Nú, fimm
tímabilum síðar, hefur Giggs orðið
þrisvar enskur meistari og er þekktur
út um alla Evrópu fyrirfrábæra hæfi-
leika sína.
ÍÞRÓTTABLAÐIÐ hitti Giggs að
máli föstudaginn 17. febrúar, á Val-
entínusardaginn, og ég gat ekki ann-
að en brosað við tilhugsunina um
hversu margar stúlkur hefðu viljað
vera í mínum sporum.
Æfingasvæði United, The Cliff, er
glæsilegt og það fer ekki fram hjá
neinum að þar er atvinnumennskan í
fyrirrúmi. Þar eru verðir á hverju strái
því fleiri hundruð manns koma á
degi hverjum til að berja goðin aug-
um þegar þau koma af vellinum að
félagshúsinu og skrækirnir og lætin
eru eins og þar séu poppstjörnur á
ferð. Ég beið inni í félagshúsinu og
fylgdist með köppunum birtast einn
á eftir öðrum og þegar Giggs loks
mætti á svæðið þurftu allir að eiga
við hann orð, báðu hann um að skri-
fa á hitt og þetta og fá myndir af hon-
um. Giggs var hinn rólegasti og sin-
nti öllum eins vel og hann gat og bað
mig einlægt afsökunar á biðinni.
Ryan Giggs er greinilega maður
sem kann að fara með frægðina og
hroki og yfirlæti eru sennilega ekki
til í hans orðabók. Það er aðdáunar-
vert að sjá hvernig hann sýnir öllum
áhuga og reynir að þóknast sem
flestum. Hann gefur ekki í skyn á
nokkurn hátt að það sé verið að sóa
tíma hans, því síður að hans tími sé
dýrmætari en tími annarra. Ætli hon-
um sé ekki best lýst sem „sjentil-
manni". Loks gafst næði og við sett-
umst upp í bílinn hans, splunkunýjan
Austin Martin sportbíl, og þar fór við-
talið fram.
24