Bændablaðið - 16.07.2020, Side 4
Bændablaðið | Fimmtudagur 16. júlí 20204
FRÉTTIR
NIÐURREKSTRARHAMRAR TIL AÐ REKA NIÐUR
GIRÐINGASTAURA, VEGSKILTI
OG ALLS KYNS STÁLPRÓFÍLA.
SNILLDAR GRÆJA FRÁ HYCON
Mjög auðveldur í notkun og léttir vinnuna til muna.
Hægt er að nota fjarstýringu til að reka niður mjög háa staura.
Nýr flokkur beingreiðslna
fyrir garðyrkjubændur
– Býður upp á fjölbreyttari stuðning og hvata til að framleiða fleiri tegundir
Með nýendurskoðuðum garð
yrkjusamningi, sem skrifað
var undir um miðjan maí, gefst
bændum nú kostur á fjölbreyttari
stuðningi fyrir garðyrkjufram
leiðslu en áður. Við samninginn
bætist nýr flokkur beingreiðslna
í ylrækt, beingreiðslur B, vegna
ræktunar á öðrum grænmetis
tegundum en gúrkum, paprikum
og tómötum.
Heildarfjárhæð verður 37 millj-
ónir króna á ári og fyrstu bein-
greiðslur verða greiddar í september.
Jarðræktarstyrkir vegna útiræktaðs
grænmetis verða veittir frá og með
árinu 2021 og verða þeir útfærðir og
kynntir í ágúst.
Landbúnaðarráðherra hefur
gefið út nýja reglugerð um stuðn-
ing við garðyrkju nr. 630/2020
þar sem sérstaklega er fjallað um
hina nýja tegund beingreiðslna.
Það segir m.a. að ylræktend-
um skulu tryggðar beingreiðslur
vegna annarrar ylræktar ætlaðri
til manneldis auk svepparæktar.
Framleiðendur sem vilja öðlast rétt
til beingreiðslna B skulu senda raf-
ræna umsókn vegna ársins 2020
eigi síðar en 18. ágúst 2020.
Umsókn skal innihalda a.m.k.:
a. Heildarstærð gróðurhúsa eða
ræktunarrýmis í svepparækt að
grunnfleti í m² ásamt heildar-
stærð þess hluta sem ætlaður er
undir ræktun eftir tegundum og
heildarstærð þess hluta sem á
að raflýsa á hverjum ræktunar-
stað fyrir sig. Upplýsingarnar
skulu vera eftir mánuðum.
b. Áætlaða ræktun, heildar-fram-
leiðslu og sölu eigin fram-
leiðslu í kg eða einingum af
hverri tegund á árinu eftir
mánuðum.
c. Upplýsingar um hvort ræktun sé
með raflýsingu eða öðrum hætti,
ásamt upplýsingum um orkuþörf
og tegund lýsingar.
Ræktun skal að lágmarki
stunduð á 250 fermetrum
Í reglugerðinni kemur fram að
beingreiðslur B skulu greiddar til
framleiðenda út á eigin framleiðslu
ylræktartegunda. Framlög sam-
kvæmt fjárlögum hvers árs skiptast
jafnt milli tegunda eftir fermetra-
fjölda gróðurhúsa að grunnfleti og
greiðast til framleiðenda miðað við
fjölda fermetra að grunnfleti sem
nýttur er til ræktunar á afurðum
sem eru ætlaðar til sölu. Forsenda
greiðslna er að ræktunin fari fram
í a.m.k. níu mánuði á almanaks-
ári og ræktun skal að lágmarki
stunduð á 250 m2 á ársgrundvelli.
Þá er gerð krafa um að framleið-
andi geri grein fyrir framleiðslu og
sölu þeirra afurða sem ræktaðar eru
í því húsnæði sem beingreiðslur B
eru greiddar út á.
Bændur hvattir til að
sækja um sem fyrst
Mikilvægt er að framleiðendur sem
hyggjast sækja um beingreiðslur
B sæki um sem allra fyrst um að
gerast rétthafar og handhafar bein-
greiðslna B í garðyrkju inni í Afurð
(www.afurd.is), greiðslukerfi land-
búnaðarins. Þeir sem sækja um og
öðlast rétt til beingreiðslna B geta
fengið greiðslur vegna framleiðslu
og sölu frá og með 1. júlí sl. Vinna
er í fullum gangi við undirbúning
á rafrænu skráningarferli í Afurð.
Stefnt er að því að opna fyrir skrán-
ingu framleiðsluáætlunar og síðan í
beinu framhaldi mánaðarlega fram-
leiðslu og sölu á næstu dögum.
Fyrstu greiðslur í september
Áætlað er að fyrsta greiðsla á bein-
greiðslum B vegna framleiðslu í
júlí verði í september nk. og miðað
við að hún verði 80% af áætlaðri
mánaðargreiðslu. Eftir það verður
greitt fyrsta hvers mánaðar vegna
framleiðslu næstliðins mánaðar á
undan. Lokauppgjör á sér síðan stað
í upphafi hvers árs vegna ársins á
undan.
Framleiðendum er bent á að
kynna sér samninginn og reglugerð
nr. 630/2020 þar sem koma fram
regluverk í tengslum við ákvæði
sem taka strax gildi á þessu ári í
endurskoðuðum samstarfssamningi
stjórnvalda og bænda um garðyrkju.
/TB
Sláturhús KVH á Hvammstanga:
Ný frystigeymsla reist
sem eykur hagræðingu
– Sláturhússtjórinn segist ekki fara í gegnum sláturtíð með óvanan mannskap
Framkvæmdir standa nú yfir
við byggingu nýrrar frysti
geymslu við Sláturhús KVH á
Hvammstanga. Hún er 450 fer
metrar að stærð og rúmar um
500 tonn af kjöti.
Davíð Gestsson sláturhússtjóri
segir að framkvæmdir gangi vel.
Búið er að klæða húsið að innan,
gólfplatan verður steypt í vikunni
og í beinu framhaldi af því hefst
uppsetning á frystikerfi. Verklok
eru áætluð um mánaðamótin ágúst
og september.
Allur lager á sama stað
„Við fórum einkum út í þessar
framkvæmdir til að hagræða enn
frekar hjá okkur. Með tilkomu
nýju frystigeymslunnar verður
allur lager á sama stað og við
komumst hjá óþarfa flutningi á
milli staða. Það hefur þann ávinn-
ing í för með sér að kolefnissporið
minnkar,“ segir Davíð.
Bjartsýnn á að pólskir verka-
menn komist í sláturtíð
Hann segir að horft sé björtum
augum til næstu sláturtíðar og
stefnir Sláturhúsið á Hvammstanga
leynt og ljóst að því að fá sína góðu
og tryggu starfsmenn frá Póllandi
líkt og verið hefur undanfarin
ár. „Það er mjög mikilvægt fyrir
okkur, nær 80% af þessu fólki hefur
komið til starfa hjá okkur ár eftir
ár, jafnvel áratugi og þetta er allt
afburða fólk sem kann vel til verka.
Ég sé það engan veginn fyrir mér
að fara í gegnum sláturtíð með
óvanan mannskap,“ segir Davíð.
/MÞÞ
Ný frystigeymsla við Sláturhús KVH á Hvammstanga mun rúma um 500 tonn
af kjöti. Lager fyrirtækisins verður þar með allur á einum stað sem minnkar
óþarfa flutninga og kolefnisspor fyrirtækisins. Mynd / HKr.
Með nýjum garðyrkjusamningi gefst bændum sem stunda ylrækt kostur
á að fá beingreiðslur fyrir aðrar tegundir en gúrkur, paprikur og tómata.
Mynd / TB.
Hótel Saga ehf. og Bændahöllin ehf.:
Fá heimild héraðsdóms til að
endurskipleggja reksturinn
Héraðsdómur Reykjavíkur veitti
fyrir helgi Hótel Sögu ehf. og
Bændahöllinni ehf. heimild til
fjárhagslegrar endurskoðunar
á grundvelli nýsamþykktra laga
nr. 57/2020 um heimildir til fjár
hagslegrar endurskipulagningar
fyrirtækja.
Að fengnum þessum heimild-
um fá stjórnendur félaganna mik-
ilvægt svigrúm til að endurskipu-
leggja rekstur þeirra, hvort sem er
með samningum við kröfuhafa,
endurfjármögnun núverandi skuld-
bindinga, nýju hlutafé eða með
öðrum hætti.
Líkt og önnur ferða-þjónustufyr-
irtæki hefur Hótel Saga orðið fyrir
tekjufalli í kjölfar kórónaveirufar-
aldursins. Miðað við tekjur þess á
sama tíma í fyrra er samdrátturinn
í kringum 90%.
Erfiður rekstur
Þrátt fyrir þessa erfiðu stöðu hefur
stjórnendum og eigendum félag-
anna tekist að halda rekstri hótels-
ins gangandi. Engu að síður töldu
þeir mikilvægt að óska eftir heim-
ild héraðsdóms til fjárhagslegrar
endurskipulagningar við þessar
erfiðu rekstraraðstæður til þess
að fá svigrúm til að endurskipu-
leggja reksturinn til framtíðar
litið, en heimild til fjárhagslegrar
endurskipulagningar kemur Hótel
Sögu í greiðsluskjól og kemur í
veg fyrir að kröfuhafar geti gengið
að félögunum og eignum þeirra á
meðan heimildin er í gildi og endur-
skipulagningin stendur yfir.
Sigurður Kári Kristjánsson
hæstaréttarlögmaður
tilsjónarmaður
Stefnt er að því að rekstri Hótels
Sögu verði fram haldið nú þegar úr-
skurður Héraðsdóms Reykjavíkur
liggur fyrir. Sigurður Kári
Kristjánsson, hæstaréttarlögmaður
hjá Lögmönnum Lækjargötu, sem
var félögunum innan handar við að
afla heimildanna, hefur verið skip-
aður aðstoðarmaður þeirra við hina
fjárhagslegu endurskipulagningu.
Tíminn nýttur til að finna lausn
Ingibjörg Ólafsdóttir, fram-kvæmda-
stjóri Hótel Sögu og Bænda hallar-
innar, telur þann áfanga sem náðst
hefur mikilvægan fyrir hagsmuni
félaganna og aðaleiganda þeirra,
Bændasamtök Íslands. „Nú er ver-
kefnið að nýta næstu þrjá mánuði vel
við að leita samninga og finna fram-
tíðarlausnir á vanda félaganna. Við
ætlum okkur að gera það og munum
skoða alla möguleika sem bjóðast í
þeim efnum,“ segir Ingibjörg í sam-
tali við Bændablaðið. /VH
Hótel Saga við Hagatorg var reist af bændum og vígð árið 1962. Mynd / HKr.
Sigurður Kári Kristjánsson.
Ingibjörg Ólafsdóttir.