Bændablaðið - 16.07.2020, Blaðsíða 48
Bændablaðið | Fimmtudagur 16. júlí 202048
MATARKRÓKURINN
LÍF&LYST – BÆRINN OKKAR
Magnús Örn Sigurjónsson
stendur að búrekstrinum í dag á
bænum Pétursey 1 og er þar sjötti
ættliðurinn sem stundar búskap
á jörðinni.
Býli: Pétursey 1.
Staðsett í sveit: Mýrdalshreppi,
Vestur-Skaftafellssýslu.
Ábúendur: Magnús Örn Sigur-
jóns son og móðir hans, Kristín
Magnúsdóttir.
Fjölskyldustærð (og gæludýra): Á
bænum búa ásamt Magnúsi, afi hans
og amma, Eyjólfur Sigurjónsson og
Erna Ólafsdóttir. Föðurbróðir, Pétur
Eyjólfsson. Foreldrar, Sigurjón
Eyjólfsson og Kristín Magnúsdóttir,
og yngri bróðir, Sigurður Eyjólfur
Sigurjónsson. Kötturinn Grettir,
hundarnir Loppa og Bangsi.
Stærð jarðar? 490 hektarar ásamt
óskiptu heiðarlandi með öðrum
Péturseyjarbæjum.
Gerð bús? Kúabú.
Fjöldi búfjár og tegundir?
Mjólkurkýr og naut. Samtals um
110 nautgripir og fáeinar kindur.
Hvernig gengur hefðbundinn
vinnudagur fyrir sig á bænum?
Dagurinn byrjar á morgunmjöltum
um kl. 6.30 og lýkur um kl. 19.00,
þegar ekki er verið í heyskap eða
jarðvinnslu. Þess á milli er unnið
við ýmis önnur bústörf.
Skemmtilegustu/leiðinlegustu
bústörfin? Skemmtilegast er að
vera í heyskap á góðum sumardegi
eða jarðvinnsla á vorin.
Leiðinlegast er að gera við
flórsköfurnar í fjósinu.
Hvernig sjáið þið búskapinn
fyrir ykkur á jörðinni eftir
fimm ár? Með svipuðu sniði en
með fleiri nautgripum og meiri
kornrækt.
Hvar teljið þið að helstu tækifærin
séu í útflutningi íslenskra búvara?
Ég hugsa að mikil tækifæri séu í
íslenskri kornrækt
Hvað er alltaf til í ísskápnum?
Mjólk, smjör, ostur, rjómi og egg.
Hver er vinsælasti maturinn á
heimilinu? Nautasteik.
Eftirminnilegasta atvikið við
bústörfin? Það var þegar nýja
kálfa- og kvíguaðstaðan var tekin
í notkun.
Grænmeti er jafnvel betra grillað
Að grilla grænmeti er auðveld leið
til að breyta bragðinu af græn-
meti á skemmtilegan hátt. Núna
er tíminn til að grilla smá græn-
meti. Það eldast fljótt og er svo
ljúffengt með bara vott af reyk frá
grillinu. Í flestum tilvikum getið
þið sagt til um hvort grænmeti sé
tilbúið bara með því að skoða það.
Hér eru nokkur ráð um fullkomið
grillað grænmeti.
1. Penslið grænmetið létt með olíu.
Grænmetið getur þornað í hit-
anum án olíu. Áður en þið setj-
ið grænmetið á grillið skulið
þið velta eða pensla með olíu.
Ekki nota of mikið – það bætir
aðeins við óþarfa hitaeining-
um. Heldur penslið með olíu
bara nægilega mikið svo hún
hjálpi til við að kryddið festist
við. Passið réttan eldunartíma
til þess að koma í veg fyrir að
grænmetið brenni.
2. Sumt grænmeti tekur eina mín-
útu eða tvær mínútur að elda á
meðan annað tekur lengri tíma.
Grænmeti eins og kartöflur
mun taka lengstan tíma að elda.
Með því að elda á of miklum
hita of lengi mun grænmetið
brenna að utan en haldast hrátt
að innan. Til að koma í veg
fyrir bruna er grænmeti brún-
að á miklum hita og svo fært
á kaldari hluta grillsins til að
klára matreiðsluna. Þið getið
líka foreldað grænmetið og
gefið nokkrar mínútur á grill-
inu til að fá smá lit að utan – og
gott bragð.
3. Notið álbakka, spjót eða
grill körfu fyrir litla bita.
Kirsuberjatómatar, kúrbítsbitar
og sveppir eru frábærir á grill-
inu. Til að koma í veg fyrir að
minna grænmeti eða ávaxtabitar
rúlli eða falli niður um teinana,
setjið þá frekar á spjót, á álbakka
eða notið grillkörfu. Ef þið eruð
ekki með grillkörfu skulið þið
brjóta álpappír í tvennt og troða
upp kantana til að búa til bakka.
Þessi „karfa“ kemur í veg fyrir
að maturinn detti í gegn en hann
fær samt nóg af grillbragði.
4. Skerið minna grænmeti í smærri
bita til að það eldist jafnt.
Hvernig þú skerð grænmetið
þitt ræður því hversu hratt það
eldast. Skerið grænmetið því
í smærri bita ef þið viljið að
grænmetið eldist hraðar (eða
notið spjót). Skerið kringlótt
grænmeti eins og lauk eða
eggaldin í bita.
5. Prófið að elda í álpakka.Setjið
grænmetið í tvöfaldan álpapp-
ír. Fellið yfir og klípið kantana
saman og búið til pakka. Setjið
pakkann á grillið. Lokið grill-
inu og eldið þar til grænmetið
er orðið mjúkt (um það bil 12
til 15 mínútur, fyrir kartöflur).
Þegar þið opnið pakkann skulið
þið gæta að gufunni sem getur
brennt hendur.
Grillað grasker með papriku
› 600 g grasker
› 2 msk. ólífuolía
› 2 tsk. reykt paprikuduft
› 2 hvítlauksrif, saxað
Setjið grasker í stóra skál. Bætið við
olíu, papriku og hvítlauk. Blandið
saman.
Hitið grill yfir miðlungs háum hita.
Eldið grasker í 5 til 7 mínútur á hvorri
hlið eða þar til bitarnir eru brúnaðir og
mjúkir viðkomu. Berið fram.
Ostafylltir sveppir
Ostafylltir sveppir er mjög auðvelt
að búa til með því að nota aðeins það
sem er til í ostadeildinni, ásamt salti
og pipar, glútenfrítt og geta jafnvel
passað inn í ketó mataræði.
› 10 sveppir – Veldu meðalstóra sveppi
sem hægt er að borða í 1–2 bitum. Þú
getur líka notað portobello-sveppi ef
þú vilt það frekar. Sumir nota þá í stað
hamborgara.
› Rjómaostur – Hægt er að gera rjóma-
lagaða fyllingu með sólþurrkuðum
tómötum.
› Reyktur ostur – Fyrir djarft reykbragð
er ný íslensk framleiðsla í boði.
› Parmesan ostur – Til að búa til stökka
skorpu.
› Ristaðar rauðar paprikur – Bætir
fallegum lit við.
› Laukur og hvítlaukur – Passar vel við
sveppi.
Til að undirbúa sveppina skuluð þið
taka stilka sveppanna af til að búa til
holu. Annaðhvort hendirðu stilkunum
eða geymir til að nota síðar. Notaðu
síðan rakan eldhúspappír til að bursta
af óhreinindi. Best er að skola ekki
sveppi eða setja þá í vatn, því þeir
taka fljótt upp vökva.
Blandið fyllinguna – mýkið rjómaost-
inn. Blandið ost eftir smekk og rauða
papriku, lauk og hvítlauk, ef nota á það.
Saltið og piprið.
Fyllið sveppina – Fylltu sveppina með
ostafyllingu að eigin vali.
Grillið á álbakka – Látið standa í tíu
mínútur, þar til topparnir eru „puffað-
ir“ og gylltir. Sveppirnir ættu að vera
dökkir og mjúkir.
BBQ-smjör:
› 2 msk. olía
› 1/2 lítill rauðlaukur, saxaður
› 2 hvítlauksrif, saxað
› 2 tsk. paprikuduft
› 1/2 tsk. cayenne duft
› 1 tsk. cuminfræ
› 1 tsk. chili duft
› 1/2 bolli vatn
› 1 1/2 msk. ósaltað smjör, stofuheitt
› 1 tsk. Worcestershire sósa
› Salt og svartur pipar
Hitið olíuna í miðlungs eldri pönnu
yfir miklum hita þar til næstum byrjar
að rjúka úr. Bætið lauknum við og
eldið þar til hann er mjúkur, í tvær til
þrjár mínútur. Bætið hvítlauknum við
og eldið í 30 sekúndur. Bætið papriku,
cayenne, cumin og chili við og eldið
í mínútu. Bætið 1/2 bolla af vatni við
og eldið þar til blandan þykknar og
vatnið minnkar. Látið kólna aðeins.
Setjið smjörið í matvinnsluvél, bætið
kryddblöndunni og Worcestershire
sósunni við og vinnið þar til þetta
er slétt. Kryddið með salti og pipar,
skafið blönduna í litla skál, breiðið yfir
og geymið í kæli í að minnsta kosti
30 mínútur til að smjörið samlagist.
Færið í stofuhita áður en borið er fram.
Jurtasmjör:
› 2 msk. ósaltað smjör, við stofuhita
› 1/4 bolli saxaðar ferskar kryddjurtir
(basilika, graslaukur eða estragon)
› 1 tsk. salt
› Nýmalaður svartur pipar
Blandið vel saman í matvinnsluvél.
Fullkomlega grillaður maísstöngull
Hitið grillið yfir miðlungs hita.
Dragið ytra hýði niður af maís. Fellið
hýði aftur á sinn stað og setjið maís
í stóra skál af köldu vatni með einni
matskeið af salti í tíu mínútur.
Takið úr vatni og hristið umfram vatn
af. Setjið kornið á grillið, lokið hlífinni
og grillið í 15 til 20 mínútur. Snúið á
fimm mínútna fresti, eða þar til kornin
eru orðin mjúk þegar stungið er í þau
með hníf. Fjarlægið hýðið. Berið fram
með BBQ smjöri og/eða jurtasmjöri.
Smyrjið yfir kornið meðan það er heitt.
Bjarni Gunnar Kristinsson
matreiðslumeistari
Pétursey 1
Magnús Örn þegar hann útskrifaðist úr búfræði, ásamt yngri bróður sínum
og foreldrum.