Bændablaðið - 16.07.2020, Blaðsíða 7
Bændablaðið | Fimmtudagur 16. júlí 2020 7
LÍF&STARF
Minn uppáhalds hagyrðingur í dag er án efa Óskar Sigurfinnsson í Meðalheimi á Ásum. Því nýti
ég mér aðstöðuna og fylli það sem lifir
þáttar með gullstökum Óskars. Óskar bjó
við sauðfé lengst af sinni búskapartíð, og
því neysla lambakjöts honum hugstæð.
Breyttar neysluvenjur landans finnast
honum ekki geðþekkar:
Heilsan þokast fram um fet,
fituna skal banna.
Beinhorað og blóðhrátt ket
á borðum flestra manna.
Landanum mun líða skár
lagist mataræði.
Nú þekkist eftir þúsund ár
þetta rétta fæði.
Fyrr var reykt og fór í salt
feitar ær og sauðir.
Forfeðurnir átu allt,
-enda löngu dauðir.
Óskar er að ganga frá skattframtali sínu. Þar
urðu að vanda engar kollsteypur:
Afar fáum aurum velt,
ekkert verðmætt skapað,
ekkert keypt og ekkert selt,
ekki grætt né tapað.
Óskar sat hagyrðingabekki víða um landið,
enda eftirsóttur á hagyrðingasamkomum.
Meðal yrkisefna á einni slíkri samkomu
voru tískusýningar, bæði karla og kvenna.
Óskari var verkefnið hugumkært:
Engin hold ég á þeim sá,
aðeins beinagrindur.
Þetta setti enginn á
ef þær væru kindur.
Þær liðu um sviðið lon og don
og löbbuðu í elg og biðu.
Hann Sigurður læknir Sigurðsson
segði þær vera með riðu.
Og karlmennskan fékk líka sitt:
Útlitsfegurð olli báli
hjá ungum mönnum hvar sem er.
En það sem skiptir mestu máli
mun ég ekki ræða hér.
Hagyrðingar voru einhverju sinni spurðir
álits á jarðgangagerð. Óskar orti:
Um undirgöng mig ekkert varðar,
umferðin má fara í rör.
Ég ætla að vera ofanjarðar
alveg fram að jarðarför.
Á hagyrðingamótum er siðvenja að
hagyrðingar kynni sig lítillega við upphaf
samkomunnar:
Ennþá læt ég á mér níðast
inni á þessum stað.
Ég heiti Óskar, eins og síðast;
-ekki meira um það.
Um Ágúst Sigurðsson á Geitaskarði, sem
oftlega stýrði hagyrðingasamkomum, orti
Óskar:
Undarlega oft að sér
athyglina dregur,
þó flestir viti að Ágúst er
ekkert merkilegur.
Á þeirri samkomu hagyrðinga, sem hér
er vísað til, hefur Einar Kolbeinsson í
Bólstaðarhlíð verið meðal hagyrðinga.
Óskar hefur ekki séð ástæðu til að mæra
hann sérstaklega:
Með gáfurnar í góðu standi,
getur vel og mikið ort.
Einar virðist upprennandi
óþokki af verstu sort.
Umsjón:
Árni Geirhjörtur Jónsson
kotabyggð1@gmail.com
254MÆLT AF
MUNNI FRAM
Ísblá augu í Sölvholtssauðfé
Fyrir skemmstu var hér sagt stuttlega
frá fjárrúningi í Sölvholti upp á gamla
mátann og sýndar myndir af fallegum
kindum. Hér er sótt í sama atburð en
áherslan lögð á einkenni sem þar finnst
í fénu.
Í Sölvholtsfénu finnst sérkenni sem er að
því er ég best veit afar sjaldgæft í íslenska
fjárstofninum, en það er ísblátt í auga, líkt
og kemur fyrir í hrossum. Hinn venjulegi
augnlitur sauðfjár er mógulur. Þetta er sýnt
á meðfylgjandi myndum sem Páll Imsland
tók.
Þórdís Elísabetardóttir í hlutverki heimasætunnar með uppáhaldslambið sitt, svartbaugótt
gimbrarlamb með ísblátt vagl í auga. Myndir / Páll Imsland
Grátt hrútlamb með hefðbundinn augnlit.
Afmælishátíð 50 ára búfræðikandidata frá Bændaskólanum á Hvanneyri:
Gáfu Hvanneyrarstað níu
sérvaldar og traustar birkiplöntur
Skjöldur er fyrir framan birkilundinn þar sem fram kemur að hann sé gjöf frá 50 ára búfræðikandídötum. Frá vinstri; Ragnheiður I. Þórarinsdóttir,
rektor LbhÍ, Guðmundur P. Steindórsson, Þorvaldur G. Ágústsson, Tryggvi Eiríksson, Sigurður Karl Bjarnason, Ríkharð Brynjólfsson, Þorsteinn
H. Gunnarsson, Jón Atli Gunnlaugsson og Árni Snæbjörnsson.
Fimmtíu ára búfræðikandidatar
heimsóttu sinn gamla fræðastað á
Hvanneyri á dögunum og rifjuðu upp
gamla tíma. Við tilefnið færðu þeir
Hvanneyrarstað birkiplöntur að gjöf.
Haustið 1947 hófst framhaldsnám í
búfræði við nýstofnaða Framhaldsdeild
við Bændaskólann á Hvanneyri.
Námstíminn var tvö ár til viðbótar við
hefðbundið búfræðinám, með sumarlöngu
verknámi á milli námsára. Síðar var sjálft
kandídatsnámið lengt í þrjú ár og einnig
gerð krafa um viðbótar undirbúningsnám
í almennum greinum. Bændaskólinn á
Hvanneyri, síðar Landbúnaðarháskóli
Íslands, hafa frá árinu 1949 reglulega
útskrifað nemendur á háskólastigi, BSc.-
búfræðikandídata. Þeir hafa farið til
fjölbreyttra starfa í landbúnaði og á öðrum
vettvangi. Þá hafa allmargir þeirra sótt
framhaldsnám við erlenda háskóla, sem
hafa þar með viðurkennt kandídatsnámið á
Hvanneyri sem fyrstu prófgráðu við háskóla.
Níu nemendur luku námi vorið 1970
Í júní 1970 luku níu nemendur
búfræðikandídatsnámi BSc. frá Hvanneyri.
Í tilefni þessara tímamóta var 50 ára
afmælisins minnst hinn 26. júní sl.
með samkomu á Hvanneyri. Þar afhenti
hópurinn Hvanneyrarstað níu sérvaldar og
traustar birkiplöntur við hátíðlega athöfn,
að viðstöddum rektor skólans og gestum.
Hinir fyrrverandi nemendur eru: Árni
Snæbjörnsson, Guðmundur P. Steindórsson,
Jón Atli Gunnlaugsson, Ríkharð
Brynjólfsson, Sigurður Karl Bjarnason,
Sigurjón Bláfeld Jónsson (látinn), Tryggvi
Eiríksson, Þorsteinn H. Gunnarsson og
Þorvaldur G. Ágústsson.
Mikil aðsókn að skólanum í dag
Rektor Landbúnaðarháskólans, dr.
Ragnheiður I. Þórarinsdóttir, þakkaði fyrir
góða gjöf og greindi frá núverandi starfi
skólans og framtíðaráformum. Fram kom í
máli rektors að mikil aðsókn er að skólanum,
bæði á framhaldsskólastigi og háskólastigi.
Að athöfn lokinni, í fallegum lundi hjá
læknum við Gamla skólann, var gestum
boðið til kaffisamsætis í Skemmunni á
Hvanneyri.