Morgunblaðið - 09.01.2020, Blaðsíða 12

12 DAGLEGT LÍF
MORGUNBLAÐIÐ FIMMTUDAGUR 9. JANÚAR 2020
info@fedaszdental.huHafðu samband:
+ 36 70 942 9573 www.tannlaeknathjonusta.is
Tannlækningar í Ungverjalandi
Sparaðu allt að 50-70%!
Fyrir
Eftir
Kristín Heiða Kristinsdóttir
khk@mbl.is
Ég fór í skiptinám tilAmsterdam í Gerrit Riet-veld Academie þegar égvar í námi í grafískri
hönnun í Listaháskóla Íslands árið
2014. Að önninni lokinni var mér
boðið að vera áfram, svo ég sló til og
kláraði þrjú ár þar. Til að byrja með
skildi ég raunverulega ekkert hvað
var í gangi í þessu námi, en var samt
alveg heillaður og fannst ég verða að
halda áfram þarna til að komast að
því. Þetta er mjög fjölbreytt nám
sem brýtur upp hvað grafísk hönnun
er, námið miðar ekki að því að unga
út grafískum hönnuðum eftir fyrir-
fram gefnum hugmyndum, heldur er
áherslan á að móta sjálfstætt hugs-
andi fólk. Þetta er mjög fljótandi og
margir þeirra sem útskrifast þaðan
enda sem listamenn á ýmsum svið-
um menningarsenunnar,“ segir
Steinarr Ingólfsson, grafískur hönn-
uður sem hefur búið í Amsterdam
undanfarin fimm ár en býr nú um
stundarsakir í París. Hann hefur
komið að fjölmörgum ólíkum verk-
efnum frá því hann flutti út, m.a.
unnið að ímyndarherferðum fyrir
tónlistarfólk, hannað bækur, föt og
margt fleira.
Vinnur fyrir For All Queens!
Að loknu námi fór Steinarr að
vinna á veitingastöðum í Amsterdam
til að hafa í sig og á, en fljótlega fór
hann að sinna ástríðum sínum.
„Ég hannaði mína eigin tísku-
línu, CANE: Made in Osdorp, í sam-
starfi við vin minn Eduardo Leon og
við héldum tískusýningu. Í fram-
haldinu fór ég að vinna með ýmsum
minni tískufyrirtækjum í Amster-
dam, svo sem Hardeman og Nina-
mounah, og það spurðist út. Áður en
ég vissi af var ég farinn að gera mik-
ið af tískumiðaðri grafískri hönnun.
Þetta hefur verið fjölbreytt og
skemmtilegt, ég hef meðal annars
unnið við auglýsingar fyrir nýjar
tískulínur, hannað umbúðir fyrir
ilmvötn og hannað nektardagatöl
fyrir tískuljósmyndaratvíeyki, stad-
man.lara, en þau eru stór nöfn í Hol-
landi og víðar. Þau fjalla mikið um
líkamsímynd og verkin þeirra eru
mjög framsækin,“ segir Steinarr
sem vinnur að verkefnum víðar en
bara í Amsterdam og París.
„Núna er ég að vinna að verk-
efni fyrir Voguing-hóp sem starfar í
Brussel. Hópurinn heitir For All
Queens! og stendur fyrir ýmsum við-
burðum, vinnusmiðjum, klúbba-
kvöldum og gleðigöngum. Ég sé um
að hanna auglýsingar og plaköt fyrir
þeirra viðburði. Hópurinn verður
m.a. með viðburði á þessu ári sem
tengjast yfirlitssýningu í Brussel um
Keith Haring, bandarískan hönnuð
og listamann sem lést 1990 úr al-
næmi. Hann og Vogue-senan tengj-
ast óbeint, eru stoðir hinsegin menn-
ingar New York-borgar á níunda
áratugnum. Haring var samkyn-
hneigður og mik-
ið af list hans
fjallar um sam-
kynhneigð og
AIDS-pláguna.
Voguing er dans
sem fæddist í
Harlem á ball-
room-kvöldum
svartra og
latino-drag-
drottninga.
Núna er þessi
dansstefna aftur
orðin mjög
fyrirferðarmikil
og gaman að
geta lagt sitt af mörkum til þessarar
hreyfingar.“
Steinarr hefur hannað þónokkr-
ar ólíkar tegundir leturs og notað í
sinni vinnu, en einnig hefur hann
selt sitt letur öðrum til afnota. Þau
hefur hann flest notað í efni fyrir
tónlistarkonuna Countess Malaise,
en hann sér um alla hennar grafísku
hönnun.
„Ég byrjaði á að hanna mitt eig-
ið letur af því mér finnst það bæta
við ákveðnu djúsi í það sem ég er að
gera. Letur getur verið Trójuhestur
fyrir hugmyndir og hugmyndafræði
sem kemur ekki endilega fram í
textanum en kemur fram í letrinu
sjálfu.“
Bruggarar sem brjóta reglur
Verkefni Steinars eru af ólíkum
toga, hann hefur m.a. framleitt eigin
bjór ásamt Veru Rijks og Steven
Lenoir, sem einnig eru grafískir
hönnuðir, en bjórinn brugga þau í
takmörkuðu upplagi fyrir einstök til-
efni og hefur verið nokkuð vinsælt
að panta bjórinn þeirra fyrir
sýningaropnanir.
„Þetta fór af stað vorið 2016
þegar bekkurinn minn úr Rietveld
fór í vinnusmiðju í sex vikur til Berl-
ínar. Við ákváðum að verkefni okkar
yrði að brugga bjór og hanna flöskur
og merkimiða, því í Þýskalandi eru
sterk bjórlög sem banna að bjór
heiti bjór nema hann innihaldi ein-
vörðungu þrjú efni, vatn, humla og
korn. Í bjórnum má ekki vera ger,
sætuefni eða bragðbætir. Okkur
langaði að ögra þessum lögum og
brjóta reglur, svo við brugguðum
Saison-bjór, sem er árstíðabjór með
þessum bönnuðu efnum og við töpp-
uðum honum á kampavínsflöskur og
buðum sem drykk við lok vinnu-
smiðjunnar, til að fagna uppskeru
verka bekkjarins okkar,“ segir
Steinarr og bætir við að brugghúsið
þeirra heiti Arbeiter, eða verkamað-
ur á þýsku.
„Pælingin hjá okkur er að við
komum eins og árstíðaverkamenn í
þessa vinnusmiðju en Saison-bjór
var upphaflega bruggaður af far-
andverkamönnum sem komu á
sumrin til að vinna á býlum í Þýska-
landi og Frakklandi. Við höfum
bruggað um tíu umganga af bjór
sem hefur verið boðið upp á við hin
ýmsu tækifæri og í hvert sinn er tak-
markað upplag og bjórinn klárast
alltaf á hverjum viðburði. Bjórinn er
aldrei eins, því við erum sífellt að
prófa nýjar uppskriftir.“
Steinarr segir að síðast hafi þau
bruggað bjór fyrir sýningu í Amst-
erdam hjá Bergi Thomasi Anderson
og Ash Kilmartin, sýningu sem
fjallaði um danspláguna miklu í
Frakklandi árið 1518, en þá byrjaði
fólk að dansa á götum úti án sýni-
legra ástæðna og dansaði þar til það
datt niður örmagna og sumir dóu.
„Fólk var á einhverskonar
trippi, í annarlegu ástandi, og ein til-
gátan er að kornið hafi verið
skemmt, brauðið og bjórinn hafi
kveikt þetta. Á sýningu Bergs og
Ash var falin tunna með bjór þar
sem fólk gat fyllt
á leirílát sem það
fékk. Þeim þótti
kjörið að fá okk-
ur uppreisnar-
gjörnu amatör--
bruggarana til að
leggja til bjór-
inn,“ segir Stein-
arr og bætir við
að ekki sé ólík-
legt að hér á Ís-
landi séu
Fróðárundrin
sem lýst er í
Eyrbyggjasögu
dæmi um það
sama og fram
kom í dansplág-
unni í Frakk-
landi, þar sem
fólk fékk of-
skynjanir, mögu-
lega vegna þess
að það hafði etið
eitrað korn.
Gvasalia umturnaði áherslum
Steinarr flutti nýlega til Parísar
þar sem hann er í starfsnámi hjá
Balenciaga, sem er eitt af stóru
tískumerkjum Evrópu sem falla
undir lúxusmerki og var stofnað
1917 af Baskanum og klæðskeranum
Cristóbal Balenciaga.
„Ég er fyrsti starfsneminn í
grafíkdeildinni og var ráðinn til hálfs
árs. Þetta er mjög grafík-miðað
merki og ég er mest að hanna grafík
fyrir föt og munstur fyrir efni sem
klæðin eru sniðin úr,“ segir Steinarr
og bætir við að tískumerkið Balen-
ciaga hafi tekið mikinn kipp frá 2015
þegar nýr listrænn stjórnandi,
Demna Gvasalia, tók við.
„Gvasalia er georgískur fata-
hönnuður sem umturnaði áhersl-
unum og merkið hefur sprungið út í
vinsældum, sölutölur hafa fimmfald-
ast. Balenciaga er afar vinsælt hjá
svokölluðum „cool-kids“, til að
mynda eru heimsfrægir rapparar
gjarnir á að vitna í merkið í textum
sínum.“
Steinarr kann vel við sig í París,
segir hana skemmtilega borg þó hún
geti verið yfirþyrmandi.
„Vinnudagurinn er reyndar
frekar langur, ellefu tímar með
ferðalaginu til og frá vinnu, því ég
þarf að skila níu tíma vinnudegi og
svo tekur rúman klukkutíma fyrir
mig að komast þangað og annan að
fara heim, af því ég þarf að fara fót-
gangandi vegna verkfalls sem hefur
staðið yfir í neðanjarðarlestar-
kerfinu. Ég kann hinsvegar að meta
þessa útiveru og hreyfingu, ég kynn-
ist götunum betur fyrir vikið. Ég er
spenntur að kynnast starfinu betur
og lífinu í París.“
Nánar um verk Steinars á
heimasíðu hans: steinarr.services.
Kann vel við sig í alþjóðlegu umhverfi
Steinarr Ingólfsson er
ungur og upprennandi
grafískur hönnuður sem
hefur búið í Amsterdam og
Berlín og starfar með fólki
af ólíkustu þjóðernum.
Nú býr hann í París þar
sem hann er í starfsnámi
hjá Balenciaga.
Morgunblaðið/RAX
Steinarr Hann segist vera spenntur fyrir því að kynnast nýja starfinu í París betur og lífinu þar.
Nekt Steinarr vann grafík dagatals
fyrir ljósmyndatvíeykið stadman.lara.