Morgunblaðið - 09.01.2020, Blaðsíða 28

28 FRÉTTIRInnlent
MORGUNBLAÐIÐ FIMMTUDAGUR 9. JANÚAR 2020
Sigtryggur Sigtryggsson
sisi@mbl.is
Á fundi skipulagsfulltrúa Reykjavík-
ur fyrir jól var lögð fram umsókn
Yrkis arkitekta ehf. dags. 9. desem-
ber 2019 um nýtt deiliskipulag fyrir
lóðirnar að Laugavegi 168 og 170-174,
Heklureit. Í tillögunni felst að lóðinni
Laugavegur 170-174 verði skipt í
tvennt og vestari hluti hennar verði
lóðirnar Laugavegur 170 og 172. Lóð-
irnar nr. 168 og 172 verði nýttar undir
allt að 250 íbúðir. Valkvæð heimild er
um að lóðin nr. 168 verði nýtt undir
gististarfsemi.
Samkvæmt tillögunni verður hægt
að auka byggingarmagn á lóðinni,
byggja þrjár hæðir ofan á núverandi
byggingar og byggja við 3. hæð norð-
urhliðar núverandi álmu við Lauga-
veg. Nýju hæðirnar og viðbyggingin
eru undir atvinnustarfsemi. Valkvæð
heimild er um að nýja byggingar-
magnið verði nýtt undir allt að 90
íbúðir. Gert er ráð fyrir sex hæða bíla-
geymsluhúsi og núverandi byggingar
verða nýttar undir atvinnustarfsemi.
Á öllum lóðum er gert ráð fyrir versl-
un og þjónustu á jarðhæð, samkvæmt
uppdrætti Yrkis arkitekta ehf.
Skipulagsstjóri vísaði umsókninni
til meðferðar hjá verkefnisstjóra.
Bílaumboðið Hekla stærst
Svæðið sem deiliskipulagstillagan
nær til afmarkast af Laugavegi til
norðurs, lóðamörkum Laugavegar
178 til austurs, Brautarholti og lóða-
mörkum Skipholts 33, 31 og Braut-
arholti 29 til suðurs og til vesturs af-
markast svæðið af Nóatúni.
Á svæðinu er í dag fjölbreytt at-
vinnustarfsemi. Stærsti aðilinn er
bílaumboðið Hekla hf. en einnig er
þar að finna smærri fyrirtæki, versl-
anir og veitingahús.
Tillagan heimilar niðurrif á öllum
byggingum á vestari hluta Laugaveg-
ar 170-174, þ.e. Laugaveg 170-172 og
Brautarholt 33. Samanlagt er heimild
fyrir 216 stæðum að hámarki á reitn-
um.
Um markmið deiliskipulagstillög-
unnar segir m.a.:
„Vesturhluti deiliskipulagssvæð-
isins verði að mestu leyti nýttur undir
íbúðir. Er það einstakt tækifæri til að
þétta byggð og nýta land og innviði
borgarinnar sem best. Markmiðið er
að anna eftirspurn eftir fleiri íbúðum í
fjölbreytilegri stærð í göngufjarlægð
við verslun og þjónustu. Þessari deili-
skipulagstillögu er ætlað að styrkja
samgöngu- og þróunarás borg-
arinnar, þar sem felast helstu lífs-
gæðamöguleikar næstu kynslóða í
samgöngumiðuðu skipulagi. Þar geti
íbúar sinnt flestum daglegum athöfn-
um í innan við 20 mínútna göngu-
fjarlægð frá heimili sínu.“
Yrki arkitektar urðu hlutskarp-
astir í lokaðri samkeppni fimm arki-
tektastofa um skipulag á Heklureitn-
um, en úrslit samkeppninnar voru
kunngjörð sumarið 2017.
Tillagan gerði ráð fyrir blandaðri
byggð íbúða, verslana og hótels og
einnig er gert ráð fyrir bílakjallara á
svæðinu. Fjöldi íbúða á svæðinu get-
ur orðið 320-350 en svæðið er alls um
fimm hektarar.
Bílaumboðið Hekla hf. hefur sem
kunnugt er verið með starfsemi á
þessum stað um áratuga skeið. Heklu
var úthlutað stórri lóð við Álfabakka í
Suður-Mjódd, rétt við Reykjanes-
brautina, og hugðist byggja þar nýjar
höfuðstöðvar. Ekkert varð af þeim
áformum. Hyggst Hekla vera áfram
með starfsemi á Laugavegi, a.m.k.
fyrst um sinn.
Íbúðabyggð rís á Heklureitnum
 Skipulagsfulltrúi hefur fengið umsókn um nýtt deiliskipulag fyrir svæðið  Byggt verði ofan á
núverandi atvinnuhúsnæði við Laugaveg en aðrar byggingar verði rifnar  Hótelstarfsemi möguleg
Fyrirhuguð uppbygging á Heklureit
L augave gu r
B ra u t a r h o l t
N
ó
a
tú
n
L a u ga ve gu r
168170172
Núverandi byggingar Heimilt niðurrif
Fyrirhugaðar byggingar Heimiluð hækkun
174
Heklureitur
Mörk deiliskipulagssvæðis
Útlit frá Laugavegi
Grunnkort
og útlits-
mynd: Yrki
arkitektar
Ljósmynd/Hekla hf
Laugavegur Bílaumboðið Hekla er með langumfangsmestu starfsemina á reitnum. Fyrirtækið hyggst vera áfram með
starfsemi sína á svæðinu fyrst um sinn. Til stendur að byggja ofan á hús bílaumboðsins sem standa við Laugaveg.
Tölvuteikning/Yrki arkitektar
Heklureitur Þarna er einstakt tæki-
færi til að þétta byggð í Reykjavík.
Þrír tónlistarnemendur í fram-
haldsnámi og einn nemandi í við-
skiptafræði erlendis; þau Bryndís
Guðjónsdóttir, Pétur Eggertsson,
Sólveig Steinþórsdóttir og Lárus
Sindri Lárusson, fengu nýverið
styrk úr Ingjaldssjóði við Háskóla
Íslands. Þetta var í fjórða sinn sem
úthlutað er úr sjóðnum og er heild-
arupphæð úthlutaðra styrkja þrjár
milljónir króna.
Ingjaldssjóður var stofnaður til
minningar um Ingjald Hannibals-
son, prófessor við viðskiptafræði-
deild Háskóla Íslands. Ingjaldur
starfaði lengst af við HÍ og arf-
leiddi hann skólann að öllum eigum
sínum. Stofnfé sjóðsins nam rúm-
lega 70 milljónum króna og frá
stofnun hafa jafnframt borist gjafir
í sjóðinn. Skal sjóðurinn styrkja
efnilega íslenska námsmenn við
Háskóla Íslands til framhaldsnáms
erlendis í rekstrarstjórnun og al-
þjóðlegum viðskiptum eða nem-
endur í tónlist.
Ljósmynd/Gunnar Sverrisson
Ingjaldssjóður Styrkþegar, talið frá vinstri, eru Sólveig Steinþórsdóttir,
Bryndís Guðjónsdóttir, Lárus Sindri Lárusson og Pétur Eggertsson.
Fjórir fengu styrk
úr Ingjaldssjóði
 Efnilegir nemendur styrktir til náms