Morgunblaðið - 27.02.2020, Síða 24

24 FRÉTTIRInnlent
MORGUNBLAÐIÐ FIMMTUDAGUR 27. FEBRÚAR 2020
Sigtryggur Sigtryggsson
sisi@mbl.is
Sú mikla uppbygging sem orðið hefur
milli Laugavegar og Hverfisgötu á
síðustu misserum hefur haft í för með
sé að ný og skjólrík svæði hafa orðið
til í miðborginni.
Þegar horft er niður af Laugavegi,
milli húsanna nr. 25 og 27, má sjá
nýja göngugötu á svokölluðum
Brynjureit. Hún hefur fengið nafnið
Kasthúsastígur og dregur nafn sitt af
tómthúsbýlum með þessu nafni, sem
þarna stóðu á árum áður en eru löngu
horfin. Tómthús voru þau hús kölluð
sem ekkert jarðnæði fylgdi. Einnig er
hægt að komast að göngugötunni frá
Hverfisgötu, þ.e. í gegnum hús nr. 42.
Bílaumferð er óheimil á reitnum.
Í bókum Páls Líndal um sögustaði í
Reykjavík kemur fram að Kasthús
voru þyrping sex tómthúsbýla, sem
tóku að rísa um miðja nítjándu öldina
á svæðinu austan Klapparstígs, milli
Laugavegar og Hverfisgötu. Páll
nefnir til sögunnar nokkur býli sem
töldust til Kasthúsa.
„Þar sem nú er lóðin Laugavegur
25b var annar kasthúsabær, byggður
um 1875 og stóð eitthvað fram á
þessa öld. Þar bjó Kristján Hró-
bjartsson sem var aðalvatnsberi
þeirra sem bjuggu í Austurbænum
þá. Hann hafði viðurnefnið Kristján
með gleraugun sem kann að vísa til
þess að slíkt þarfaþing hafi verið fá-
títt í þá daga,“ ritar Páll Líndal um
Reykjavík á nítjándu öld.
Brynjureitur afmarkast af Lauga-
vegi, Klapparstíg, Hverfisgötu og
Vatnsstíg. Reiturinn er kenndur við
verslunina Brynju, sem hefur verið
starfrækt að Laugavegi 29 allt frá
árinu 1930. Félagið Þingvangur hefur
endurbyggt reitinn á undanförnum
árum. Þar er að finna bæði íbúðar- og
verslunarhús.
Jöfur atvinnuhúsnæði hefur fyrir
hönd Þingvangs auglýst til leigu
verslunar- og þjónustuhúsnæði við
Kasthúsastíg. Tekið er fram að
stærðir séu breytilegar og hægt að
innrétta að vild. „Umhverfið er í
miðju fjölbreyttu miðborgarlífinu
með mikla nálægð við ferðamenn.
Möguleikarnir eru endalausir en
rýmin henta vel ýmiss konar rekstri,
s.s. gullsmiði, snyrtistofu, hár-
greiðslustofu, kaffihúsi, heilsubúð,
mörkuðum af ýmsu tagi, listamönn-
um, einnig sem skrifstofur, s.s lög-
fræðistofur, auglýsingastofur og arki-
tektar svo fátt eitt sé nefnt,“ segir í
auglýsingunni.
Einnig er tekið fram að kostur gef-
ist á að tengja saman rekstur og bú-
setu í sama húsnæðinu.
Á Brynjureit hefur Þingvangur
byggt 77 íbúðir í nokkrum húsum.
Þetta eru íbúðir á bilinu 35-80 fer-
metrar. Samkvæmt yfirliti sem birt-
ist í Morgunbaðinu sl. laugardag eru
enn óseldar 20 íbúðir á reitnum.
Á vefnum skipulagsfraedi.is kemur
fram að það hafi verið einkennandi
fyrir Brynjureit, eins og marga reiti í
miðbænum, hvað húsin þar voru
byggð á mismunandi tímum og af-
mismunandi stærð. „Við gerð deili-
skipulagsins voru öll húsin metin og
vegin. Síðan var skoðað og skipulagt.
Lagt var til að endurgera sum og
fjarlæga önnur, byggja við og bæta.“
Af Laugavegi Inngangur að göngugötunni, milli húsanna númer 25 og 27.
Morgunblaðið/sisi
Kasthúsastígur Ný göngugata milli Laugavegar og Hverfisgötu. Þar er hægt að bjóða upp á margvíslega þjónustu.
Kasthúsastígur er ný göngugata
 Fær nafn af gömlum tómthúsbýlum  Ný og skjólrík svæði milli Laugavegar og Hverfisgötu
Morgunblaðið/Eggert
Brynjureitur Lögð var áhersla á að bjóða upp á litlar íbúðir í miðborginni.
Sigurður Skúli
Bergsson hefur
verið skipaður í
embætti toll-
gæslustjóra við
Tollgæslu Ís-
lands. Sex um-
sækjendur voru
um embættið.
1. janúar síð-
astliðinn samein-
uðust embætti
tollstjóra og ríkisskattstjóra undir
nafninu Skatturinn.
Sigurður Skúli er með embættis-
próf í lögfræði frá Háskóla Íslands
ásamt því að vera með B.Sc.-gráðu í
rekstrarhagfræði frá Handels-
højskole SYD í Danmörku.
Hann var settur tollstjóri frá og
með 1. október 2018 til og með 31.
desember 2019. Frá árinu 2006 var
hann aðstoðartollstjóri við embætti
tollstjóra auk þess að veita rekstrar-
og upplýsingatæknisviði embættis-
ins forstöðu frá árinu 2012.
Á árunum 2000-2006 gegndi hann
starfi forstöðumanns tollgæslusviðs
hjá Tollstjóranum í Reykjavík. Þar
áður var hann með rekstur eigin lög-
mannsstofu og gjaldheimtustjóri hjá
Gjaldheimtu Suðurnesja í sex ár.
Sigurður Skúli er kvæntur Þuríði
Árnadóttur lögfræðingi og eiga þau
tvo syni. sisi@mbl.is
Tekur við
embætti toll-
gæslustjóra
Sigurður Skúli
Bergsson
ALVÖRU
VERKFÆRI
VERKFÆRASALAN • SÍÐUMÚLA 9, REYKJAVÍK • DALSHRAUNI 13, HAFNARFIRÐI • DALSBRAUT 1, AKUREYRI • S: 560 8888 • vfs.is
145
EITTRAFHLÖÐUKERFI
YFIR VERKFÆRI
vfs.is
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum