Morgunblaðið - 27.02.2020, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 27. FEBRÚAR 2020
Sigtryggur Sigtryggsson
sisi@mbl.is
Áslaug Arna Sigurbjörnsdóttir
dómsmálaráðherra hefur ákveðið að
setja Ásu Ólafsdóttur, prófessor við
lagadeild Háskóla Íslands, og
Söndru Baldvinsdóttur héraðsdóm-
ara í embætti dómara við Landsrétt
vegna leyfa tveggja skipaðra dóm-
ara.
Hefur Ása verið sett í embætti frá
25. febrúar til 30. júní 2020 og
Sandra frá 2. mars til 30. júní 2020.
Frá og með 2. mars verða því fjór-
ir settir dómarar við Landsrétt, þau
Ása Ólafsdóttir, Björg Thorarensen,
Hjörtur O. Aðalsteinsson og Sandra
Baldvinsdóttir.
Frá þeim tíma verða 14 dómarar
starfandi við Landsrétt. Kynjahlut-
fallið verður þá orðið jafnt, sjö konur
og sjö karlar.
Samkvæmt upplýsingum Björns
L. Bergssonar, skrifstofustjóra
Landsréttar, eru 375 mál til af-
greiðslu hjá réttinum þessa stund-
ina. Áfrýjuð einkamál eru 205, kærð
einkamál 14, áfrýjuð sakamál 145 og
kærð sakamál 11.
Málin eru á öllum stigum vinnslu,
allt frá því að vera nýskráð til þess
að vera í lokafrágangi fyrir dóms-
uppkvaðningu, segir Björn.
Á heimasíðu Landsréttar eru tald-
ir upp skipaðir dómarar Landsréttar
sem eru 14 nú um stundir en ráðn-
ingarferli vegna fimmtánda dóm-
arans stendur yfir.
Af þessum 14 dómurum eru fjórir
í leyfi, Arnfríður Einarsdóttir, Ás-
mundur Helgason, Jón Finnbjörns-
son og Ragnheiður Bragadóttir.
Dómararnir fóru í leyfi eftir dóm
undirréttar Mannréttindadómstóls
Evrópu (MDE).
Starfandi dómarar eru Aðalsteinn
E. Jónasson, Davíð Þór Björgvins-
son, Eiríkur Jónsson, Hervör Þor-
valdsdóttir, Jóhannes Sigurðsson,
Kristbjörg Stephensen, Oddný
Mjöll Arnardóttir, Ragnheiður
Harðardóttir, Sigurður Tómas
Magnússon og Þorgeir Ingi Njáls-
son.
Sem fyrr segir stendur yfir ráðn-
ingarferli fimmtánda dómarans. Um
er að ræða dómaraembætti sem
losnaði þegar Ingveldur Einars-
dóttir var skipuð dómari við Hæsta-
rétt. Skipað verður í embættið eftir
að dómnefnd um hæfni umsækjenda
um dómaraembætti hefur lokið
störfum. Umsækjendur um emb-
ættið eru fjórir: Ásmundur Helga-
son, dómari við Landsrétt, Ástráður
Haraldsson héraðsdómari, Ragn-
heiður Bragadóttir, dómari við
Landsrétt, og Sandra Baldvins-
dóttir héraðsdómari.
Kynjahlutföll
dómenda í
Landsrétti jöfn
 Nú eru 375 mál til afgreiðslu hjá
réttinum  Eru á mismunadi stigum
Morgunblaðið/Hanna
Lyklasmíði & öryggiskerfi Skútuvogur 1E | 104 REYKJAVÍK | SÍMI 533 2900 |WWW.LYKLALAUSNIR.IS
Verð3.290,-
Ø 16 MM
Verð3.490,-
Ø 19 MM
BASE er kjörið fyrir heimilið. Fullkomið jafnvægi notagildis og hönnunar.
FEGURÐ OG GÆÐI MÆTAST
Í BASE FRÁ D LINE
BASE
Vísindamenn, nýdoktorar og dokt-
orsnemar við Menntavísindasvið Há-
skóla Íslands kynna í dag niðurstöð-
ur umfangsmikillar rannsóknar á
heilsuhegðun ungra Íslendinga.
Kynningin fer fram á ráðstefnu í
húsakynnum Menntavísindasviðs í
Stakkahlíð kl. 15.
Markmiðið með rannsókninni og
tengdum rannsóknum var að varpa
ljósi á þær breytingar sem verða á
holdafari, hreyfingu, svefni, þreki,
andlegri líðan og almennum lifnaðar-
háttum ungs fólks frá æsku fram á
unglingsár og sambandi þessara
þátta við ýmsa heilsufarsþætti og
námsárangur. Þessir þættir voru
skoðaðir yfir langt tímabil, þ.e. við 7,
9, 15 og 17 ára aldur hjá um fimm
hundruð reykvískum ungmennum
fæddum árið 1999.
Þrír núverandi doktorsnemar og
þrír brautskráðir doktorar kynna
niðurstöður sínar í örfyrirlestrum á
ráðstefnunni en Dagur B. Eggerts-
son borgarstjóri flytur opnunarávarp.
Ljósmynd/Kristinn Ingvarsson
Teymið Rannsóknahópurinn frá Háskóla Íslands sem vann rannsóknina.
Rannsókn á heilsu-
hegðun kynnt í dag
Hólabrekkuskóli hlaut í gær minningarverðlaun Arthurs
Morthens fyrir heildaráætlun um stuðning við nemendur
með sérþarfir. Þetta er í fjórða sinn sem verðlaunin eru
veitt og fór afhendingin fram á Öskudagsráðstefnu reyk-
vískra grunnskólakennara.
Minningarverðlaunin eru viðurkenning fyrir störf í
þágu stefnu um skóla án aðgreiningar, en Arthur
Morthens helgaði starfsævi sína börnum sem áttu á
brattann að sækja í skólakerfinu.
Í fréttatilkynningu frá Reykjavíkurborg kemur fram
að alls bárust níu tilnefningar til verðlaunanna og fór
dómnefnd yfir röksemdafærslur með hverri og einni.
Niðurstaðan var að veita Hólabrekkuskóla verðlaunin á
grunni tilnefningar frá skólaráði skólans. Í tilnefning-
unni segir: „Í Hólabrekkuskóla er áhersla lögð á
kennsluaðferðir sem henta öllum nemendum hvort held-
ur sem er í almennri kennslu eða í stoðþjónustu. Nem-
endalýðræði, raddir nemenda og áhrif þeirra í skóla-
starfinu er í hávegum haft. Snillismiðja skólans kemur til
móts við ólíkar þarfir þar sem stafræn tækni auðgar
menntun nemenda og veitir þeim fjölbreytt tækifæri til
sköpunar og tjáningar. Áhersla er á samvinnu fagaðila
og samskipti við foreldra þar sem Námshringurinn er
notaður til að undirbúa nemenda- og foreldrasamtöl.“
Verðlaunin sem fulltrúar Hólabrekkuskóla tóku á móti
voru málverk eftir listamanninn Tolla, bróður Arthurs
heitins, sem ber nafnið Sögur úr djúpinu, ásamt verð-
launaskjali. Hólmfríður Guðjónsdóttir, skólastjóri í
Hólabrekkuskóla, tók við verðlaununum ásamt sam-
starfsfólki sínu.
Dómnefnd var skipuð Láru Guðrúnu Agnarsdóttur frá
Kennarafélagi Reykjavíkur, Anni G. Haugen frá Barna-
heillum, Sædísi Ósk Harðardóttur frá Félagi sérkennara
á Íslandi og Sigríði Björk Einarsdóttur frá SAMFOK,
ásamt tveimur fulltrúum frá skrifstofu skóla- og frí-
stundasviðs.
Verðlaun Hólmfríður Guðjónsdóttir skólastjóri ásamt samstarfsfólki sínu og verðlaunagripnum eftir Tolla.
Hólabrekkuskóli hlaut verð-
laun Arthurs Morthens
 Verðlaun fyrir stuðning við nemendur með sérþarfir