Morgunblaðið - 29.02.2020, Blaðsíða 14
14 DAGLEGT LÍF
MORGUNBLAÐIÐ LAUGARDAGUR 29. FEBRÚAR 2020
KARLAKÓRINN HEIMIR
heldur tónleika í
Langholtskirkju
föstudaginn 13. mars kl. 20:00
Fjölbreytt efnisskrá, meðal annars verða fluttir valdir
kaflar úr dagskrá kórsins tileinkuð Stefáni Íslandi
Einsöngur: Þorgeir J. Andrésson og Birgir Björnsson
Lesarar: Agnar H. Gunnarsson og Björn Björnsson
Stjórnandi: Stefán R. Gíslason
Undirleikari: Thomas R. Higgerson
Forsala aðgöngumiða á tix.is
Sigurður Bogi Sævarsson
sbs@mbl.is
Afmæli á hlaupársdag ernáðargjöf,“ segir MagnúsLeifur Sveinsson í Hafn-arfirði sem er fertugur í
dag, á sínum 10. afmælisdegi. „Jól-
in, páskanir og allt slíkt fáum við
árlega með miklu tilstandi. Í mínu
tilviki er afmælisdagurinn hins veg-
ar fágætur og aðeins fjórða hvert
ár. Ég hef því oft notað þennan dag
til að gera eitthvað mjög veglegt.
Planið núna er að velta í nýrri
sundskýlu upp úr mjöllinni og búa
til engla. Góð pitsa á Dominons
væri svo toppurinn á deginum.“
217 eiga afmæli í dag
Hlaupársdagur er í dag, 29.
febrúar. Í sjálfu sér er dagurinn í
frábrugðinn öðrum dögum í alman-
akinu, nema hvað hann kemur að-
eins fjórða hvert ár og er leiðrétt-
ing á misræmi, eins og segir frá hér
að neðan. Alls eru 217 Íslendingar
núlifandi fæddir á þessum degi, og
rétt eins og gengur mismargir milli
ára. Hinn 29. febrúar 1980 fæddust
alls 19 börn á landinu sem er met.
Hlaupársfólk fætt 1972 er 11
manns, 10 eru fæddir á hlaup-
ársdag 1976, 9 árið 1984 og 16 árið
1988. Börn fædd á hlaupárinu árið
2016 sem eiga sinn fyrsta formlega
afmælisdag nú eru fimm talsins.
Magnús Leifur er sonur þeirra
Sólveigar Skúladóttur og Sveins
Magnússonar. Heitir í höfuðið afa
sínum og alnafna, Magnúsi L.
Sveinssyni sem lengi var borgar-
fulltrúi og formaður Verslunar-
mannafélags Reykjavíkur.
„Þegar ég var yngri var, þegar
ekki var hlaupár, haldið upp á af-
mælið mitt 28. febrúar. Rök móður
minnar voru þau af fyrst ég væri
fæddur í febrúarmánuði væri rétt
að gera mér dagamun í þeim mán-
uði. Bæri daginn upp á helgi var
svo stundum gerð úr þessu tveggja
daga hátíð,“ segir Magnús, sem er
tónlistarmaður og upptökustjóri.
Starfrækir hljóðver og vinnur þar
með ýmsum listamönnum.
Rætur hlaupársdagsins er
hægt að rekja til ársins 46. f. Kr. en
þá var komið á endurbættu tímatali
í Rómaveldi. Dagurinn er í raun og
veru leiðrétting. Hlaupár eru alltaf
þegar fjórir ganga upp í ártalinu,
að undanskildum aldamótaárum
þegar talan 4 gengur ekki upp í
öldinni. Hvert ár er í raun 365,2422
dagar og það eru tölurnar fyrir aft-
an kommuna sem samanlagt mynda
á fjórum árum einn sólarhring. Að
hlaupársdagur sé í febrúar kemur
einnig úr Rómaveldi, frá þeim Júl-
íusi Sesar og Ágústusi keisara.
Dagar eða hlaupársvika?
„Núgildandi reglur um hlaupár
fjórða hvert ár, eða þar um bil, mið-
ast við það að leiðrétta misgengi
almanaksárs og árstíðaárs jafn-
óðum og þetta misgengi nemur
heilum degi. En við gætum líka
haft þá aðferð að bíða þar til
skekkjan er orðin að sjö dögum og
skjóta þá inn heilli viku í einu,
nokkurs konar hlaupársviku. Það er
einmitt sú aðferð sem fróðum
mönnum hugkvæmdist hér á Ís-
landi í lok landnámsaldar,“ segir í
grein eftir Þorstein Sæmundsson
stjarnfræðing á vef almanaks Há-
skóla Íslands.
Leiðrétting á almanaksárinu
Morgunblaðið/Eggert
Afmælisbarn Hinn fertugi Magnús L. Sveinsson hér með lukkudýrið og saman brosa þau mót veröldinni.
29. febrúar. Upp er runn-
inn 10. afmælisdagur
Magnúsar L. Sveins-
sonar sem verður 40 ára
í dag. Hlaupársdagur er í
dag og er einskonar fín-
stilling á tímatali og sól-
argangi veraldarinnar.
Elstur Íslendinga fæddur á hlaupársdegi varð Árni Guðmundsson á Þing-
eyri, sem náði 102 ára aldri. Hann var sagður hafa fæðst 29. febrúar 1876
á Hvaleyri við Hafnarfjörð. Í prestsþjónustubókinni er skráð dagsetningin
28. febrúar en ekki er vitað hvort það var gert af tillitssemi við fjölskyld-
una. Kunnugir telja slíkt þó ekki ólíklegt. Árni lést 23. júní 1978.
Næsthæstum aldri hlaupársbarna á Íslandi náði Einar B. Pálsson verk-
fræðingur sem var fæddur 1912 og lést 2011, 99 ára að aldri.
Hinn 29. febrúar 1916 fæddust tveir á Íslandi, fólk sem lifði til 1977 og
1985. Á þessum sama degi 1920 fæddust 8 og sá síðasti dó 2011.
Hlaupársmenn urðu gamlir
DAGSETNING AF TILLITSSEMI
Leikfélag Menntaskólans á Akureyri
frumsýnir í næstu viku söngleikinn
Inn í skóginn eftir Stephen Sond-
heim. Þetta er í 71. sinn sem félagið
færir leikverk á svið en þetta er það
stærsta og umfangsmesta frá upp-
hafi. Leikstjóri verksins er Vala Fan-
nell og Einar Aðalsteinsson þýddi
handrit. Alls koma um 90 manns að
uppfærslunni.
Metnaðurinn hjá leikfélaginu er
mikill og hefur hópurinn sem kemur
að sýningunni nú aldrei verið stærri
eða um það bil 90 manns.
Inn í skóginn fjallar um þekktar
persónur úr Grimms-ævintýrum,
meðal annars Rauðhettu og Úlfinn,
Jóa og baunagrasið, Öskubusku,
Garðabrúðu og fleiri þekktar persón-
ur. Í ævintýrum eins og þessum lifa
allir hamingjusamir til æviloka. Sýn-
ingin Inn í skóginn sýnir hins vegar
aðra hlið á ævintýrunum. „Hægt væri
að segja að með sýningunni sé nokk-
urs konar ádeila lögð fram gegn
þeirri hugmynd að allir lifi alltaf ham-
ingjusamir til æviloka. Inn í skóginn
sýnir dimmari og drungalegri hlið
ævintýranna og getur hluti sýning-
arinnar vakið óhug á meðal barna á
ungum aldri,“ segir í tilkynningu.
Sýningar Leikfélags Mennta-
skólans á Akureyri undanfarin ár
hafa verið fjölsóttar og síðustu ár
hafa á annað þúsund manns mætt ár
hvert. Í ár verður sýningin sett upp í
Menningarhúsinu Hofi og er frum-
sýning þar föstudaginn 6. mars kl.
20. Einungis örfáar sýningar verða í
boði.
Leikfélag Menntaskólans á Akureyri í Hofi
Önnur hlið á ævintýrum
Leikarar Ágústa Forberg og Oddur Hrafnkell Daníelsson í hlutverkum sínum.
Kvikmyndahátíð framhaldsskólanna,
eða KHF, verður haldin í sjötta sinn
helgina nú um helgina 29. febrúar og
1. mars kl. 13-17 báða dagana. Að-
gangur er ókeypis. Öll umsjón er í
höndum nemenda Fjölbrautaskólans
við Ármúla. Eitt af aðalmarkmiðum
hátíðarinnar er að gera nemendum í
framhaldsskólum landsins kleift að
koma verkum sínum á framfæri og
kynnast öðrum með sömu áhugamál.
Færðar eru út kvíar í ár með því að
bjóða framhaldsskólanemendum í
Færeyjum og Grænlandi að taka þátt
hátíðinni. Tilgangurinn með þessu er
að ná tengslum við þær þjóðir sem
eru næstar okkur og stuðla að því að
ungt fólk í þessum samfélögum á
Norður-Atlantshafi nái að kynnast.
Bíó Paradís um helgina
Kvikmyndahá-
tíð framhalds-
skólanema
Gróska, félag myndlistarmanna í
Garðabæ, efnir til afmælisveislu með
hnallþórum á morgun, sunnudaginn
1. mars. Þá verða liðin 10 ár frá form-
legum stofndegi félagsins. Veislan
verður á Garðatorgi 1 milli kl. 15 og 17
í Gróskusalnum Garðatorgi 1.
Gróskufélagar verða með lifandi list-
sköpun á viðburðinum.
Grasrótarstarf Grósku hófst árið
2008 og fyrsta sumarsýningin og
fyrsta jónsmessugleðin fóru fram ár-
ið 2009. Gróska er virkt myndlistar-
félag sem hefur fest sig vel í sessi í
menningarlífi Garðabæjar með ár-
vissum sýningum á föstum tímum.
Garðabær 1. mars
Gróska og list
Ljósmynd/Nanna Guðrún
Garðabær Listin og lífið sjálft.