Morgunblaðið - 29.02.2020, Blaðsíða 27

UMRÆÐAN 27
MORGUNBLAÐIÐ LAUGARDAGUR 29. FEBRÚAR 2020
Ábest skipaða Íslandsmótikvenna fyrr og síðar semhófst í Garðabæ á fimmtu-daginn bar helst til tíðinda
að Jóhanna Björg Jóhannsdóttir
vann Guðlaugu Þorsteinsdóttur með
tilþrifum í fyrstu umferð, en Guð-
laug, sem er margfaldur Íslands- og
Norðurlandameistari kvenna, er
næststigahæsti keppandinn í flokkn-
um á eftir Lenku Ptacnikovu, sem
gerði jafntefli eftir harða baráttu í
skák sinni við Tinnu Kristínu Finn-
bogadóttur. Sjö af átta þátttak-
endum tefldu á opna mótinu í Prag í
síðasta mánuði. Önnur úrslit í 1. um-
ferð urðu á þann veg að Lisseth Ace-
vedo vann Hrund Hauksdóttur en
Sigríður Björg og Sigurlaug gerðu
jafntefli. Töfluröðin er þessi:
1. Jóhanna Björg Jóhannsdóttir
2. Tinna Kristín Finnbogadóttir 3.
Sigríður Björg Helgadóttir 4. Lis-
seth Acevedo 5. Hrund Hauksdóttir
6. Sigurlaug Friðþjófsdóttir 7.
Lenka Ptacnikova 8. Guðlaug Þor-
steinsdóttir.
Skák Jóhönnu og Guðlaugar á
fimmtudaginn gekk þannig fyrir sig:
Landsliðsflokkur kvenna 2020; 1.
umferð:
Jóhanna Björg Jóhannsdóttir –
Guðlaug Þorsteinsdóttir
Ítalskur leikur
1. e4 e5 2. Rf3 Rc6 3. Bc4 Bc5 4.
c3 Rf6 5. d3 d6 6. Bb3 0-0 7. Rbd2
a5 8. 0-0 Ba7 9. He1 Re7 10. Rf1
Rg6 11. Rg3 c6 12. h3 h6 13. d4 Dc7
14. Dc2 a5 15. a4 Hb8 16. Be3 Bd7
17. Had1 Db7 18. Bc1 Hfe8
Í hefðbundnum ítölskum leik,
kannski að leiknum 7. ... a5 undan-
skildum, hefur Jóhanna byggt vel
upp stöðu sína og stendur greinilega
betur að vígi. Hér varð Guðlaug að
leika 18. ... c5 og halda þannig í
horfinu þótt ekki sé leikurinn fagur.
19. Rf5! Dc7
Eða 19. ... Bxf5 20. exf5 og síðan
21. dxe5.
- Sjá stöðumynd -
20. Rxd6! Dxd6 21. dxe5 De7 22.
exf6 gxf6 23. Bxh6 Kh7 24. Be3
Bxe3 25. Hxe3 Hg8 26. e5! f5
Hvítur hefur teflt af miklum
krafti og nú kemur lokahnykkurinn.
27. Bxf7! Hg7
Vitaskuld ekki 27. ... Dxf7 28.
Rg5+ og drottningin fellur.
28. e6
- og svartur gafst upp.
Dagur og Guðmundur
efstir á Skákhátíð MótX
Dagur Ragnarsson og Guð-
mundur Kjartansson unnu skákir
sínar í sjöundu umferð Skákhátíð-
ar MótX sem fram fór á mánu-
dagskvöld. Þeir hlutu báðir sex
vinninga af sjö mögulegum. Dagur
vann Ingvar Þ. Jóhannesson í loka-
umferðinni og Guðmundur vann
Halldór Grétar Einarsson. Dagur
var úrskurðaður sigurvegari móts-
ins vegna betri stigatölu. Komst
hann upp í 2.400 Elo-stig og þarf
einungis einn áfanga að alþjóð-
legum meistaratitli til að vera
sæmdur þeim titli. Hjörvar Steinn
Grétarsson varð einn í 3. sæti með
5 vinninga. Þá bætti Guðmundur
stigatölu sína umtalsvert.
Í B-flokki urðu í efstu sætum
Guðni Stefán Pétursson, Pétur
Pálmi Harðarson og Jóhanna
Björg Jóhannsdóttir. Þau hlutu öll
5½ vinning af sjö mögulegum en
Guðni Stefán var með bestu stiga-
töluna og er því sigurvegari flokks-
ins.
Í mótslok afhenti Viggó
Hilmarsson verðlaun fyrir hönd
MótX og bætti vel í miðað við það
sem áður hafði verið boðað. Stuðn-
ingur fyrirtækisins við þetta mót í
Stúkunni er mikils metinn af vel-
unnurum skáklistarinnar í Kópa-
vogi.
Sterkasta Íslands-
mót kvenna
hafið í Garðabæ
Skák
Helgi Ólafsson
helol@simnet.is
Morgunblaðið/Orri Freyr Oddsson
Íslandsmeistarar Piltarnir í Lindaskóla hlutu 31 vinning af 32 á Íslands-
móti grunnskóla í 1.-3. bekk. F.v. Birkir Hallmundarson, Sigurður Páll
Guðnýjarson, Engilbert Viðar Eyþórsson og Arnar Freyr Orrason.
Ólafur Oddsson ljósmyndarivar fæddur á hlaupársdag1880 á Sámstöðum í
Fljótshlíð og hefði því orðið 140
ára í dag.
Móðir hans var Ingibjörg
Ketilsdóttir, seinni kona Odds
Eyjólfssonar bónda þar, og var
Ólafur yngsta barn hans af 21.
Einn albróðir Ólafs komst til full-
orðinsára, Sæmundur í Garðs-
auka. Hálfsystkini Ólafs er upp
komust voru Eyjólfur, Benedikt,
Guðrún, Sigríður og Oddur.
Er þau hjón létu af búskap vor-
ið 1890 og hálfbróðir Ólafs, Odd-
ur, og kona hans Helga Magn-
úsdóttir tóku við jörðinni urðu
þeir bræður áfram hjá þeim í sjö
ár til ársins 1897 er Ólafur fluttist
með Sæmundi að Gerði í Hvol-
hreppi, en þar byrjaði Sæmundur
þá búskap með Ingibjörgu móður
þeirra bræðra.
Árið 1899 fluttist Ólafur til
Reykjavíkur að læra ljós-
myndaiðn hjá Árna Thor-
steinsson.
Hinn 17. júní 1905 giftist Ólaf-
ur Valgerði Haraldsdóttur Briem,
bróðurdóttur Valdimars vígslu-
biskups og sálmaskálds. Settust
þau að á Fáskrúðsfirði. Þar
stundaði Ólafur ljósmyndagerð.
Árið 1907 hélt Ólafur til Kaup-
mannahafnar til frekari mennt-
unar í iðn sinni. Frá árinu 1913
voru þau Valgerður búsett í
Reykjavík. Þau eignuðust 9 börn
og komust 7 þeirra til fullorðins-
ára.
Ólafur var snemma mjög bók-
hneigður. Um Ólaf látinn sagði
Morgunblaðið: Ólafur var maður
tryggur í lund með afbrigðum,
vinafastur og vinavandur. – Hann
var maður léttur í lund og hafði
jafnan gamanyrði á vörum í hvert
sinn sem hann mætti kunningja.
Minnugur var hann mjög og hafði
jafnan frá mörgu að segja. Þá
sagði: Hann gaf sig mjög að ýms-
um félagsmálum og nutu þau fé-
lög áhuga hans og fórnvísi. Hann
starfaði um langt skeið mikið í
Verslunarmannafélagi Reykjavík-
ur. En hvergi kom áhugi Ólafs
betur fram en í stjórnmála-
félögum þeim er hann fylgdi að
málum. Í Landsmálafélaginu
Verði var hann sífellt með áhuga-
sömustu félagsmönnum.
Á meðal þekktustu ljósmynda
Ólafs eru myndir af ungskáld-
unum Halldóri Kiljan Laxness og
Davíð Stefánssyni. Ljós-
myndadeild Þjóðminjasafnsins er
með ljósmyndaplötur hans í sinni
vörslu og nokkrar af elstu
myndavélum hans eru í Skóga-
safni.
Í hópi afkomenda þeirra Val-
gerðar voru Ólafur Oddsson
menntaskólakennari og Davíð
Oddsson, ritstjóri Morgunblaðs-
ins.
Merkir Íslendingar
Ólafur Oddsson
Það er segin saga að þegar harðnar á dalnum fer menningin á
kreik. Skemmst er að minnast Hrunsins, þegar menn sneru við
blaði, nauðugir, viljugir, og fóru úr botnlausri yfirvinnu og hruna-
dansi fjármálalottósins og yfir í saklausa félagsstarfsemi, prjóna-
klúbba og fjallgöngur.
Þannig fylltust Lionsklúbbar, sem verið höfðu við dauðamörk, á
svipstundu og hafa blómstrað síðan.
Nú eru slíkir tímar að renna upp aftur. Þensla hefur minnkað
verulega og kranavísitalan er á niðurleið. Enn er þó velmegun í
landi og vonandi deilist réttlátlega úr þeim birgðum sem safnast
hafa í kornhlöður á góðu árunum.
Ein „kreppubreyting“ er strax komin fram og er greinileg:
Blöðin eru að fyllast af aðsendu efni. Nú hafa menn tíma til að
koma hugsunum sínum og áhugamálum á blað og í blað. M.a.s.
ríkisforstjórar gefa sér tíma til að skattyrðast og bændur hafa enn
áhuga á höfundi Njálu. Gott að skipta út Mammoni fyrir menn-
ingu, annað veifið.
Sunnlendingur
Velvakandi Svarað í síma 569-1100 frá kl. 10-12.
Mammon eða menning
ICQC 2020-2022
Stærðir eru breytilegar og hægt að innrétta að vild. Umhverfið er í miðju fjölbreyttu miðborgarlífinu með mikla nálægð við
ferðamenn. Möguleikarnir eru endalausir en rýmin henta vel ýmiskonar rekstri s.s. gullsmiði, snyrtistofu, hárgreiðslustofu,
kaffihús, heilsubúð, mörkuðum af ýmsu tagi, listamönnum, einnig sem skrifstofur s.s lögfræðistofur, auglýsingastofur og
arkitektar svo fátt eitt sé nefnt. Einnig gefst kostur á að tengja saman rekstur og búsetu í sama húsnæðinu. Brynjureitur
afmarkast af Laugavegi 27 a og b og Hverfisgötu 40-44 og á milli þeirra liggur ný og skemmtileg göngugata sem getur
skapað sér sérstöðu í hringiðu miðbæjarins og hefur fengið nafnið Kasthúsastígur.
Við Laugaveg 27 a og b eru stærði í boði á bilinu 31 m² til 239 m² en við Hverfisgötu frá 60 m² til 255 m².
Nánari upplýsingar veitir Helgi Már Karlsson löggiltur fasteigna-
sali í s. 897 7086 hmk@jofur.is eða Ólafur Jóhannsson löggiltur
fasteignasali í s. 824 6703 olafur@jofur.is.
Nýtt og spennandi verslunar- og
þjónustuhúsnæði á Brynjureit
TIL LEIGU